تتحرق الدولة..

[Toyota Corolla]

مع كامل احترامى لكل محبى مدعيين التديين و الاسلام و تطبيق الشريعة ،،،، الحاجة الوحيدة اللى مخليانى اصبر على مرسى و الاخوان انى اتفرج على واحد واحد من مؤيدينهم بعد ما مصر تدخل مرحلة اللارجوع او الذهاب بلا عودة و تكون تدهورت تماما بس أنا خايف من انهم يطلعوا يقولوا ديه مشيئة الله و لازم نتقبلها لانه لو فعلا ديه مشيئة الله لم يكن ليفرق لنا بين التوكل و التواكل اى انهم يعرفون انهم لا يفقهون شيئا فى الحكم و زى مابيتقال قعدوا يخططوا 80 سنة هيوصلوا للحكم ازاى بس مخططوش ازاى هيحكموا

[mms]

المشاركة الأصلية كتبت بواسطة AbOnOrA والله هو فى حالة الناس المتأخونة الانفجار احسن

يبدو ان حضرتك متعرفشى اخوان يعنى ايه .
وعشان اقرب لحضرتك الصوره .لازم تستحضر قدام حضرتك الوضع السياسى للمنطقه العربيه :
1- نظم استبداديه .
2- احزاب معارضه غير فاعله وغير موجوده فى الشارع . ووظفبتها الوحيده انها تشرعن وجود النظم الاستبداديه . يعنى ان فيه معارضه وخلاص .
3- والاخوان تواجد فاعل بالشارع قاعده شعبيه واسعه ولا يقارن بها اى تيار آخر . هيكل تنظيمى رائع يشهد لكفاءته العدو قبل الصديق . جماعه تضم كوادر علميه ودعويه وسياسيه .
عارف حضرتك لو مكنشى فيه اخوان كان يكون الحال ايه ؟
كان استحاله تقدر تخرج من حلقه النظم الاستبداديه . لان البديل اللى باقى فقط هو الاحزاب اللى هى مجرد صوره ......... صوره وبس . وليس لديها القدره لانشاء منظومه حكم وسياسه .
............ ممكن حضرتك تقوللى جدلا : ( لو كده يبقى الاستبداد احسن ) .
وانا اقول لحضرتك دا رايك ولك كامل الاحترام وهو راى آخرين غيرك .... لا يحبون الاخوان . وهذه سنه الحياه فليس كل جيد او حسن يحبه الجميع .
تقبل تحياتى ،

[AbOnOrA]

واضح ان حضرتك اما طيب جداً وعلى نياتك واما اتعديت بالشوفونية الاخوانية وهقولك ليه فى تعقيبى على كلامك

وعشان اقرب لحضرتك الصوره .لازم تستحضر قدام حضرتك الوضع السياسى للمنطقه العربيه

صورة ناقصة اهم حاجة وهى ملايين الشباب اللى كانو فى طليعة الثورة واللى شاركو فيها فى بلد نص تعداد سكانها تقريباً من الشباب ودول كلهم لحد دلوقتى متمكنوش من بلدهم سواء اقتصادياً او سياسياً بالعكس بيتقتلو ويستحلو كل يوم

1- نظم استبداديه

ومنها النظام الحالى طبعاً

2- احزاب معارضه غير فاعله وغير موجوده فى الشارع

وانت لو حريص على وجود معارضة حقيقية تشيطنها وتنعتها بجبهه الخراب وتعتبرهم خارجين عن ولى الامر وتدعم فتاوى لاباحة دمائهم !!!

3- والاخوان تواجد فاعل بالشارع قاعده شعبيه واسعه ولا يقارن بها اى تيار آخر

ديه الخديعة الكبرى طبعاً لان التواجد فى الشارع مش سياسى لكن دعوى وباستغلال الدين وحتى ده فشلو فيه فى الفترة اللى فاتت وكسب ارضهم التيار السلفى بجماعاتة
وعموماً لو بصينا على حجم وتمويل جماعات التيار الاسلامى عموماً والحالة الاخلاقية الواقعية فى المجتمع هنعرف قد ايه التيار الدعوى فاشل باقتدار وبالاحصائيات حتى نسبة اللى بيخشو الاسلام فى الدول خارج المنطقة العربيه اكبر منها فى الداخل بالعكس انتشرت ظاهرة الالحاد للاسف !

اما عن التواجد فى الشارع خدمياً فبرضو جمعيات المجتمع المدنى بالرغم من التضييف عليها فى النظام السابق وبالرغم من تجاهلها فى النظام الحالى الا ان دورها اكبر واوضح واكثر استدامة لكن تواجد الاخوان فى الشارع خدمياً مرتبط بالانتخابات فقط وفى الشعب الاخوانية اكتر لكن جمعيات اهليه زى رسالة على سبيل الذكر لا الحصر دورها رائع ومشهود فعلاً وواصل لكل الناس

ومتنسوش كمان ان المجال الخدمى فيه جمعيات اهليه محسوبة على الكنائس واخرى محسوبة على الخارج زى الجمعيات الاجنبية وجمعيات الروتارى
والشاهد ان موقعكم من الخريطة (بتاعة الشارع) على المستوى الخدمى او الدعوى فاشل جداً ولا يميزكم غير استخدام السياسة ومزجها بالخدمات والدعوة + التمويل الضخم (الغير معلوم مصدرة !!)

هيكل تنظيمى رائع يشهد لكفاءته العدو قبل الصديق

كلام مرسل لابعد مدى ويفتقد لكل معانى الدقة والموضوعية وياريت فى النقطة ديه تحديداً تقراً اخر كتاب للباحث الاسلامى د.عبدالله النفيسى اللى رصد فيه مع باحثين اخرين عوامل القصور المتجذرة فى تكوين الهيكل التنظيمى للاخوان بداية من ايام مرحلة التكوين ايام الامام الشهيد بإذن الله البنا لحد مرحلة سيطرة التنظيم الخاص والى الان

جماعه تضم كوادر علميه ودعويه وسياسيه .

برضو كلام مرسل غير دقيق والاهم من نقدة ان الواقع شاهد على فشل كل الكوادر اللى بتدعو وجودها ديه فى الخروج بمشروع نهضة حقيقى حتى مجرد مشروع فضلاً عن الفشل فى التنفيذ وإدارة الدولة

عارف حضرتك لو مكنشى فيه اخوان كان يكون الحال ايه ؟

هو ده لب الموضوع ان الاخوان (ومن ولاهم) شايفين انهم فى معركة وجود يا اما فيه اخوان يا مفيش اخوان على الاطلاق ويرجعو السجون !! عقلية غريبة جداً !!
يا اخى لن ينصلح الحال الا بمشاركة كل اطياف المجمتع للخروج بالبلد من ازماتها
كل الناس وكل الاطياف السياسية بما فيهم الاخوان والسلفيين
بنفس روح ال 18 يوم اللى عملو الثورة
وغير كدة اى فصيل حتى لو كان من التيارات المدنية هيتاثر بالحكم هيفشل وهتستمر المركب فى الغرق وتتحرق الدولة زى ما بيقول الاخ اللى كاتب الموضوع

فهمت حاجة ؟؟؟

عموماً يارب يكون كلامى خفيف عليك وفيه اضافة وتقبل تحياتى

[mms]

المشاركة الأصلية كتبت بواسطة AbOnOrA واضح ان حضرتك اما طيب جداً وعلى نياتك واما اتعديت بالشوفونية الاخوانية وهقولك ليه فى تعقيبى على كلامك صورة ناقصة اهم حاجة وهى ملايين الشباب اللى كانو فى طليعة الثورة واللى شاركو فيها فى بلد نص تعداد سكانها تقريباً من الشباب ودول كلهم لحد دلوقتى متمكنوش من بلدهم سواء اقتصادياً او سياسياً بالعكس بيتقتلو ويستحلو كل يوم ومنها النظام الحالى طبعاً وانت لو حريص على وجود معارضة حقيقية تشيطنها وتنعتها بجبهه الخراب وتعتبرهم خارجين عن ولى الامر وتدعم فتاوى لاباحة دمائهم !!! ديه الخديعة الكبرى طبعاً لان التواجد فى الشارع مش سياسى لكن دعوى وباستغلال الدين وحتى ده فشلو فيه فى الفترة اللى فاتت وكسب ارضهم التيار السلفى بجماعاتة وعموماً لو بصينا على حجم وتمويل جماعات التيار الاسلامى عموماً والحالة الاخلاقية الواقعية فى المجتمع هنعرف قد ايه التيار الدعوى فاشل باقتدار وبالاحصائيات حتى نسبة اللى بيخشو الاسلام فى الدول خارج المنطقة العربيه اكبر منها فى الداخل بالعكس انتشرت ظاهرة الالحاد للاسف ! اما عن التواجد فى الشارع خدمياً فبرضو جمعيات المجتمع المدنى بالرغم من التضييف عليها فى النظام السابق وبالرغم من تجاهلها فى النظام الحالى الا ان دورها اكبر واوضح واكثر استدامة لكن تواجد الاخوان فى الشارع خدمياً مرتبط بالانتخابات فقط وفى الشعب الاخوانية اكتر لكن جمعيات اهليه زى رسالة على سبيل الذكر لا الحصر دورها رائع ومشهود فعلاً وواصل لكل الناس ومتنسوش كمان ان المجال الخدمى فيه جمعيات اهليه محسوبة على الكنائس واخرى محسوبة على الخارج زى الجمعيات الاجنبية وجمعيات الروتارى والشاهد ان موقعكم من الخريطة (بتاعة الشارع) على المستوى الخدمى او الدعوى فاشل جداً ولا يميزكم غير استخدام السياسة ومزجها بالخدمات والدعوة + التمويل الضخم (الغير معلوم مصدرة !!) كلام مرسل لابعد مدى ويفتقد لكل معانى الدقة والموضوعية وياريت فى النقطة ديه تحديداً تقراً اخر كتاب للباحث الاسلامى د.عبدالله النفيسى اللى رصد فيه مع باحثين اخرين عوامل القصور المتجذرة فى تكوين الهيكل التنظيمى للاخوان بداية من ايام مرحلة التكوين ايام الامام الشهيد بإذن الله البنا لحد مرحلة سيطرة التنظيم الخاص والى الان برضو كلام مرسل غير دقيق والاهم من نقدة ان الواقع شاهد على فشل كل الكوادر اللى بتدعو وجودها ديه فى الخروج بمشروع نهضة حقيقى حتى مجرد مشروع فضلاً عن الفشل فى التنفيذ وإدارة الدولة هو ده لب الموضوع ان الاخوان (ومن ولاهم) شايفين انهم فى معركة وجود يا اما فيه اخوان يا مفيش اخوان على الاطلاق ويرجعو السجون !! عقلية غريبة جداً !! يا اخى لن ينصلح الحال الا بمشاركة كل اطياف المجمتع للخروج بالبلد من ازماتها كل الناس وكل الاطياف السياسية بما فيهم الاخوان والسلفيين بنفس روح ال 18 يوم اللى عملو الثورة وغير كدة اى فصيل حتى لو كان من التيارات المدنية هيتاثر بالحكم هيفشل وهتستمر المركب فى الغرق وتتحرق الدولة زى ما بيقول الاخ اللى كاتب الموضوع فهمت حاجة ؟؟؟ عموماً يارب يكون كلامى خفيف عليك وفيه اضافة وتقبل تحياتى

طبعا بكل تاكيد كلام خفيف ومقبول ومملوء بلاضافات ........... لكن لى تعليق بسيط . اسمح لى ان ابديه :
ملايين الشباب اللى هم اغلبيه الشعب همه مين .معقول ملهومشى اى كيان يمثلهم . دى تبقى كارثه . ان الفصيل اللى هو الاخوان اللى طبعا - حسب راى المعارضين له- له اجنده خاصه هو تيار غير شعبى .
ومن وجهه نظر الاخوان ان التيار الشعبى لا يمثل الشعب . وبين هذا وذاك حضرتك تكلمنى عن ملايين الشباب اللى مازالوا مهمشين سياسيا واقتصاديا .
طب لما هما ملايين ...فين اصواتهم الانتخابيه ؟ المفروض ان اى كيان سياسى يحاول يكسبهم ويسترضيهم عشان يكون له وجود فى مؤسسات الدوله . ومن هنا كان المفروض ميكونوش مهمشين ابدا دا المنطق لو همه ملايين صحيح !
وبعدين فين وجودهم فى الشارع ؟
بكل امانه وبلا تحيز لم ار ولم ير الناس ملايين غير ملايين الاسلاميين . اما نوع الشباب اللى حضرتك بتتكلم عنه مشفناهوش الا بالمئات . اللهم الا فى المظاهرات اللى شارك فيها الفلول كانوا بعشرات الآلاف . يكونش قصد حضرتك ملايين المؤيدين لاسقاط الثوره اتباع شفيق وغيره من عشاق توفيق عكاشه ونكته الجديده دايما .
رجاءا رجاءا عرفلى الملايين دول ايه شكلهم ايه الكيان اللى بيمثلهم . لان يبقى عليه العوض ومنه العوض ان يكون اللى له وجود شويه اخوان على حبه فلول . ويبقى الشباب اللى هم اكتر من نص الشعب زى محضرتك بتقول اضعف من انه يكون له كيان يمثله . والله ومن كل قلبى يبقى يا عينى عليكى يا مصر .
للحديث بقيه تقبل تحياتى ،

[mms]

............ ومن بقيه الحديث ان : حضرتك تقول ان الشباب دول بينسحلوا كل يوم .
شوف حضرتك انت عارف وانا عارف وجميع الناس عارفين ان مفيش سحل كل يوم !! لكن طبعا حضرتك زى آخرين عاوز تنتقد وتتهم فطبعا بتجد فى حاله المناضل المحترم حماده صابر حجه انك تقول : ملايين بينسحلوا كل يوم . اظن الكلام كده غير صادق واظن ان كده عيب . ولا يليق بحضرتك ابد الا القول الصادق المنطقى والمعقول .
........ وسيادتك شايف ان النظام الحالى مستبد .
من المعروف ان النظام الاستبدادى هو : النظام الذى يحكم الناس قهرا عنهم . ومن المجمع عليه انه لا يوجد استبداد مع انتخابات حره .
ومن المعروف ايضا ان الانتخابات الحره لا تاتى بالاصلح دائما . لذلك قامت النظم الديمقراطيه على تحديد مده الحاكم . وهى فى مصر اربع سنوات يكون للشعب عبر الصندوق ان يصحح اختياره من جديد . ومع وجود هذه المنظومه يصبح الحديث عن الاستبداد هو حديث ايضا فى غير محله ولا معنى له .
للحديث بقيه .... تقبل تحياتى .