الفريق احمد شفيق رئيسا لمصر

[AbOnOrA]

كان نابعا من حب شخصى لهذا الرجل ولذا كان أدبيا من العاطفة ولم يكن به آليات المنطقة والفلسفة ولم يعمد إلى التشريح والتحليل والتطبيق النظرى

ده كلام واضح وسليم وكلامك ده يؤكد اللى قولته ان الكلام مش منطقى هو مجرد اعجاب شخصى وحالة خاصة زى ما قولت انا وقولت حضرتك

لكن لما تقول على شفيق قيمة
ونعتز بناجحها

وهكذا حال البعض لهدم أية قيمة نعتز بها وبنجاحها

ده كده مش كلام نابع عن حب شخصى
ديه احكام وتقارير من حضرتك فى حقه بدون اسباب منطقية او شواهد مفهومة او ادله مهضومة

اللى يقول على حد ناجح لازم يكون بأمراه
بمقاييس
وقياس لاداءت متعددة وبناء على معايير تقول على اساسها ده ناجح وده فاشل

لذا أعترض على عبارتك(للاسف منطق عليل وحجج واهيه )

من حقك طبعاً تعترض عليها وان كنت بررتها
بالمناسبة هى مبرره ولا مش مبرره ؟؟؟

الشاهد ان مينفعش علشان بحب واحد اقول انه ناجح وقيمة وانقل شهادات مرسله على ذلك

وعموماً برضو من حقك تعرض بس احنا كمان من حقنا نعترض على ما جاء فى كلامك من تعريض

خاصة والرجل يهاجم من فئة قد تكون موتورة أو خائفة من توليه لمنصب أو لأغراض شخصية خفية

طبعاً مينفعش اشرح يعنى ايه تعريض لاديب المنتدى

كامل تقديرى واحترامى ليك يا دكتور

[AbOnOrA]

استدراك بسيط

ممكن حضرتك تضيف للفئه اللى اتكلمت عليها العبد لله

والرجل يهاجم من فئة قد تكون موتورة أو خائفة من توليه لمنصب أو لأغراض شخصية خفية

بس هو انا معتقدش انى موتور
ولا خايف
ولا عندى اغراض شخصية خفيه

عندك استعداد تضيف تصنيف تانى للفئه ديه ؟؟
ولا حضرتك شايف ان معارضين شفيق لا يخرجو عن الاصناف التلاتة المذكورة ؟؟؟؟

[د0تامر محمد]

المشاركة الأصلية كتبت بواسطة AbOnOrA استدراك بسيط ممكن حضرتك تضيف للفئه اللى اتكلمت عليها العبد لله بس هو انا معتقدش انى موتور ولا خايف ولا عندى اغراض شخصية خفيه عندك استعداد تضيف تصنيف تانى للفئه ديه ؟؟ ولا حضرتك شايف ان معارضين شفيق لا يخرجو عن الاصناف التلاتة المذكورة ؟؟؟؟

المقصود من هذه الفقرة تحديدا هو أفراد الإسلام السياسي كما رأيت وقتها
وتصنيف من خارج هذه الفئة ليس موضعا للحديث لأن كل معارض حر وحتى كل كاره لهذا الرجل حر ولديه اسبابه وكما أنى أرى فى إنسان خير يراه الآخر شر مستطير والعكس ولكل رأيه وفكره وحريته فيما يختار ولله الامر

[د0تامر محمد]

المشاركة الأصلية كتبت بواسطة AbOnOrA ده كلام واضح وسليم وكلامك ده يؤكد اللى قولته ان الكلام مش منطقى هو مجرد اعجاب شخصى وحالة خاصة زى ما قولت انا وقولت حضرتك لكن لما تقول على شفيق قيمة ونعتز بناجحها ده كده مش كلام نابع عن حب شخصى ديه احكام وتقارير من حضرتك فى حقه بدون اسباب منطقية او شواهد مفهومة او ادله مهضومة اللى يقول على حد ناجح لازم يكون بأمراه بمقاييس وقياس لاداءت متعددة وبناء على معايير تقول على اساسها ده ناجح وده فاشل من حقك طبعاً تعترض عليها وان كنت بررتها بالمناسبة هى مبرره ولا مش مبرره ؟؟؟ الشاهد ان مينفعش علشان بحب واحد اقول انه ناجح وقيمة وانقل شهادات مرسله على ذلك وعموماً برضو من حقك تعرض بس احنا كمان من حقنا نعترض على ما جاء فى كلامك من تعريض طبعاً مينفعش اشرح يعنى ايه تعريض لاديب المنتدى كامل تقديرى واحترامى ليك يا دكتور

القيمة التى رأيتها فى كونه مقاتل بطل خرج بطائرة فى قلب النار يحارب الصهاينة كان من الممكن ألا يعود
القيمة أنه طور القوات الجوية كما ورد لى من أشخاص أعتز بهم عملوا تحت قيادته ومن والدى شخصيا
القيمة فى تطويره للطيران المدنى ومطارات مصر رغم عكس هذا الكلام من بعض الناس ولكن بنيت رأيى على شهادة أناس اعتز بهم وأثق فى صدقهم
القيمة فى أنى أرى كل بطل اكتوبرى قيمة فريدة فى وطن لم يكرم ابطاله وقصر التكريم على فرد واحد لم يخرج للنار ودأب فى تفخيمة حتى تعفن
كامل حبى وتقديرى لصديقى العزيز أبونورا

[Torn@doo]

المشاركة الأصلية كتبت بواسطة د0تامر محمد القيمة التى رأيتها فى كونه مقاتل بطل خرج بطائرة فى قلب النار يحارب الصهاينة كان من الممكن ألا يعود القيمة أنه طور القوات الجوية كما ورد لى من أشخاص أعتز بهم عملوا تحت قيادته ومن والدى شخصيا القيمة فى تطويره للطيران المدنى ومطارات مصر رغم عكس هذا الكلام من بعض الناس ولكن بنيت رأيى على شهادة أناس اعتز بهم وأثق فى صدقهم القيمة فى أنى أرى كل بطل اكتوبرى قيمة فريدة فى وطن لم يكرم ابطاله وقصر التكريم على فرد واحد لم يخرج للنار ودأب فى تفخيمة حتى تعفن كامل حبى وتقديرى لصديقى العزيز أبونورا

اولا د/ تامر كامل احترامى لحضرتك وللحوار والمناقشة الجميلة بينك وبين اب نورا اللى بتبين اتنين فاهمين مثقفين مهما كان الاختلاف ف الراى
تانيا / اسمحلى اعقب ع كلام حضرتك وانا زى حضرتك ولدت بعد حرب اكتوبر وليس ليى اقارب عسكريين ولكن احنا المصريين بنحب العسكر لانهم من قام بثورة 52 وخلصونا من الملكية وحب الراجل البسيط والفلاح لجمال عبد الناصر لقراراتة ف توزيع الاراضى وهكذا فبالتالى احنا شعب محب للعسكريين لانهم رمز القوة والامان
مش معنى ان شخص حارب ف 73 وانتصر وضحى بنفسة و الكلام اللى بنقولة دة بس دا اولا واخير كان بيقوم بوجبة تجاة وظيفتة ووطنة
ومش بالضرورى واحد ناجح ف العسكرية هيبقى ناجح ف الحياة العامة والسياسة وانها لعبة صعبة جدا ومحتاجة شخص دماغة شغالة
** حضرتك دكتور وعارف ان الزهايمر او Dementia ( الخرف ) عموما بتبداء تهاجم الانسان بعد 65 وبتزيد بعد 70
ودا بياكد حديث الرسول علية الصلاة والسلام ( عمر امتى ما بين 60 و 70 )

مع احترامى لاختيار حضرتك انا مش موافق علية
انا مش اخوان بس هنتخبهم مجبر اخاك لا مخير
تحياااااااااااااااتى ليك