دليل الاعطال و الاصلاحات للفيرنا

[medoo3000]

المشاركة الأصلية كتبت بواسطة islam alshaer السلام عليكم و رحمة الله و بركاته يا جماعة انا لسه شاري فيرنا اتوماتيك و عندي فيها مشكلة , لما أمشي علي سرعة 70 أو اكتر و اشيل رجلي من دواسة البنزين أسمع صوت تزييق جامد بيروح لما العربية توصل لسرعة 60 أو أقل .يعني الصوت بيحصل و انا شايل رجلي من دواسة البنزين و هيا علي سرعة 70 او أكتر, أنا عامل بيها 250 كيلو إيه السبب يا جماعة الخير ؟؟

روح للتوكيل في اقرب وقت و قولهم هيظبطوهالك
انا كان ندي اول ما جبتها بيكوون سببه مواسير التكييف اللي في صدر الموتور مش متثبته كويس و بتخبط

[islam alshaer]

يا باشا تسلم علي الرد
ان شاء الله في صيانة الالف اخليهم يظبطوها

[ArcHany00]

المشاركة الأصلية كتبت بواسطة medoo3000 تقريباً يا ArcHany كل الفيرناويه عندهم المشكله دي دي سبهها فرش السقف مش متقفل كويس عند مهندس رؤوف غبور انا فكرتلها في حل مؤقت بتفك جزء صغير من فرش القايم و تحشيه فل ابيض او سفنج بس الصوت هيختفي لفتره و يرجع تاني لما السفنج ينزل لتحت مع المشي و المطبات

متشكر جدا لإهتمامك يا أستاذ ميدو
وجارى التجربة ويارب تتحل المشكلة

[ArcHany00]

المشاركة الأصلية كتبت بواسطة medoo3000 تقريباً يا ArcHany كل الفيرناويه عندهم المشكله دي دي سبهها فرش السقف مش متقفل كويس عند مهندس رؤوف غبور انا فكرتلها في حل مؤقت بتفك جزء صغير من فرش القايم و تحشيه فل ابيض او سفنج بس الصوت هيختفي لفتره و يرجع تاني لما السفنج ينزل لتحت مع المشي و المطبات

الحمد لله لقيت الحل
اللى بيعمل الصوت ده احتكاك قفل الباب مع شنكل الباب اللى في القايم
العلاج المؤقت انى لزقت شريط لحام على الشنكل بس مش كتير علشان الباب يعرف يقفل كويس
والحمد لله الصوت راح خالص

بس ده برضو مش علاج نهائي ياريت لو فيه أي إضافة أو فكرة هاكون شاكر لحضرتك وأعضاء المنتدى الكرام.
تقبل تحياتي

[dr inas]

أنا اشتريت فيرنا م 2007 اوتوماتيك من شهر ونصف بالضبط وغيرت سرفيس كامل وكشفت عليها ف بنزينة وكمبيوتر وقالوا كويسة جدا... وبدأت اتعلم عليها مع مدربة من شهر ونزلت بيها بالضبط 5 مرات... اول مرتين كانت كويسة... ثالت مرة فرامل اليد سابت وغيرت سلك فرامل اليد والميكانيكي قال ان المدربة استعفت ع فرامل اليد لانها بتوقفني بيها ع طول.. رابع وخامس مرة ظهرت المشكلة دي.. مش عارفةادوس بنزين ع الشعرة زي مابتقولي المدربة لانها مش بتمشي لما بعمل كده واضطر ادوس بنزين جامد والموتور يعمل صوت وحش... ده غير ان فرامل الرجل لما اهدي بيها مثلا في اشارة وارجع اشيل رجلي من عليها العربية مش بتمشي الا لما ادوس بنزين... وفي برضه حاجة غريبة؟ مؤشر البنزين مدي اشارة انه فارغ Empty بينما العربية متفولة... المدربة قالت لي العربية فيها مشكلة ورحنا للميكانيكي مع العلم اني اول مرة اسوق واتعامل مع ميكانيكي... المهم قال زيت الفتيس عايز يتغير قلت له انه متغير من 6 اسابيع فقط قال يبقى حط لك زيت سئ غيري وهاتي موبيل.. رحت البنزينة قال لي اتاكدي الاول ان العيب من الزيت مش من الفتيس نفسه.. روحي الحي السابع شوفي الفتيس... علما باني من مدينة نصر... انا بصراحة خفت لاني معرفش حاجة ولا اعرف ميكانيكي معين واسمع ان الفتيس الاوتوماتيك غالي... اتصرف ازاي دلوقت كمبتدأة؟؟؟؟ اسفة على الاطالة...