دليل الاعطال و الاصلاحات للفيرنا

[ibrahassnin]

المشاركة الأصلية كتبت بواسطة AHMEDCAR السلام عليكم و رحمه الله انا حبيت ان الموضوع ده كل واحد يدخل يقول الاعطال اللى واجهته فى العربيه الفيرنا و كيفيه مواجهتها

انا صادفنى السنتر لوك بتاع السيارة الفيرنا 2011 انه ساعة يعمل وساعة لايعمل والان قطع النفس ولا يعمل وذهبت الى الكهربائية لم يعرفوا فيها وقالوا غير جهاز السنتر لوك وكيف السيارة لا تعمل سوى خمسة اشهر امال بعد سنة ايه الى يحصل فالبلد المتواجد فيها لا يعرفوا فيها فانصحونى وشكراً وايضاً كهربة زجاج الابواب
طبعاً لاحس ولا خبر

يا بشمهندس عربيتك في الضمان والسنتر بتاع الفيرنا اورجينال كوري متخليش حد يلعبلك في العربية واتصل ب 16101 واحجز بعيب في العربية علشان متدفعش جنيه جوا طالما عربيتك لسه في الضمان ولو في اي حاجه هتتغير علي الضمان يا زعيم

[mohamedgazal]

أنا على فكرة كنت ناوى أشترى فيرنا وكنت سعيد بيها قوى وقلت مادام على الزيرو يبقى مافيهاش مشكلة لكن بعد متابعتى للمنتدى لاكثر من خمسين صفحة جالى إحساس إن أنا حالاقى فيها مشاكل مالهاش عدد من الفرامل للعفشة للفتيس لغيره بصراحة قررت أجيب حاجة تانيةواكتر حاجة قلقتنى عدم الثبات بعد 120 وإنى لازم اغير الجنوط لمقاس 14 علشان تتحل المشكلة يعنى أبقى جايب عربية على الزيرو ومطلوب أغير الجنوط أفيدونى أفادكم الله هل مخاوفى فى محلها أم لا

المشاركة الأصلية كتبت بواسطة mohamedgazal أنا على فكرة كنت ناوى أشترى فيرنا وكنت سعيد بيها قوى وقلت مادام على الزيرو يبقى مافيهاش مشكلة لكن بعد متابعتى للمنتدى لاكثر من خمسين صفحة جالى إحساس إن أنا حالاقى فيها مشاكل مالهاش عدد من الفرامل للعفشة للفتيس لغيره بصراحة قررت أجيب حاجة تانيةواكتر حاجة قلقتنى عدم الثبات بعد 120 وإنى لازم اغير الجنوط لمقاس 14 علشان تتحل المشكلة يعنى أبقى جايب عربية على الزيرو ومطلوب أغير الجنوط أفيدونى أفادكم الله هل مخاوفى فى محلها أم لا

اولا اهلا بيك يا استاذ محمد معانا في المنتدي

ثانيا مخاوف حضرتك ديه انا عازرك فيها لان اي واحد بيقدم علي شراء اي عربية لازم تيجيلوه تخاوفات منها

بس انا هقولك علي حاجه في ناس بتتكلم كلام مبتكونش فاهمه فيه لان العربية لو كانت فيها ذرة مشكلة مكنتش العربية رقم واحد في مصر يعني لو ماشي في شارع 100 متر وفيه 100 عربية هتلاقي وسط ال 100 دول 60 عربية فيرنا

العربية عفشتها ممتازة

وقولنا الفرامل ضعيفه نوعا ما وده نظرا لقوة الماتور ولكن طالما حضرتك بتسيب مسافة كويس بينك وبين اللي قدامك يبقي مفيش اي مشكلة خالص

بالنسبة لموضوع الثبات حضرتك في ناس بتكسر بالعربية الامبير يعني انا عن نفسي جيبت بيها 195 وكانت عايزه تجيب اكتر ولكن علشان الشيطان ميتملكش مني في السرعه ديه هديت

لكن الطبيعي بتاعي بمشي 140 ل 150 والعربية ما شاء الله ثابتة جدا

حضرتك موضوع تغير الجنوط ده اختياري مش اجباري عليك اول ما تشتري العربية

احنا بس بنعمله قبل ميعاد تغير الكاوتش وبنغير الكاوتش والجنوط من نحيه بيدي منظر جمالي ومنحية اخري بيزود نسبة الثبات

ربنا يوفقك لما فيه الخير العربية معايا بقالها 3 سنين والحمد لله مفيش اي مشكلة فيها ظهرت

عيبها بس اللي انا اقدر اقولك عليها هو انها واطيه علي الارض والكانبة ضيقة شوية ولكن مريحة جدا لكرسي السواق وان صاجها ضعيف شوية وده طبيعه في كل موديلات الهيوانداي

[kimolimo]

يا جماعة معلش انا كنت عايز اخد رايكوا فى حاجة، انا معاى فيرنا 1600 و امبارح رحت اغير البطارية بتاعتى، لقيت الراجل بيقولى مش هينفع احطللك بطارية 55 أمبير زى اللى كانت فيها لأن اللى عنده كانت الأقطاب فيها كانت معكوسة ، فقاللى اركبلك واحدة 70 أمبير مكانها فوافقت و اشترتها ، لكن الناس عندى فى الشغل انقسموا: ناس قالتى كده ممكن يضر الضفيرة اللى مصممه على 70 امبير و الدينمو كمان هيزيد من جهده علشان يشحنها وده هيقلل عمره الإفتراضى ، و ناس تانى قالوا بالعكس دا الأمبير الأعلى بيريح العربية أكتر و انا دلوقت فى منتهى الحيرة
فما رأيكم دام فضلكم ؟