|
رينو RENAULT RENAULT شريك اساسى مع نيسان اليابانية وتحتل المركز الرابع عالمياً تحت قيادة كارلوس غصن اشهر الموديلات سينيك كليو ميجان |
|
أدوات الموضوع |
#1
|
|||
|
|||
صيانة الكليو ياريت المساعدة
مساء الخيير جميعا
معايا رينو كليو مو2002 عايز أعمل تشيك أب عليها يعنى أغير سيووووووور وفلاااتر وزيوت عشان جايبها مستعملة وعايز أظبط فرامل ووإمبارح حصل تسريب فى دروة التبريد لداخل التابلوة متهئلى عن طريق التكييف المهم المياه بتنقص من الرداتير والعربية بتسخن السؤال عايز أروح لحد محترم وكويس وبيفهم فى الرينو والكليو بالأخص ومايكونش حراء قوى وعايز أعرف أسعار قطع الغيار والفلاتر والسيور ولو روحت التوكيل هاتنفخ من الأخر زى ما بيقولو طيب لو روحت المراكز المعتمدة زى الميكانيكون العرب وغيرهم أسعارهم كويسة وشاطرين ولا لأ؟؟؟ ولو غاليين شوية بس أطمن العربية يبقى تمام وأفضل من أى ميكانيكى ياريت الرد عشان محتار وكل اللى بيشوفو العربية بيقوللى هى تحفة بس قطع غيار وصيانة ناااااااار ويقولولى جبتها ليه مش عايز أندم على الرينو انا أول مرة أركبها بصراحة وشكرا |
#2
|
|||
|
|||
رد: صيانة الكليو ياريت المساعدة
حياك الله والف مبروك على العربية انا معايا رينو كليو 2003 والحمد لله العربية زى الفل وسيبك من كلام الناس الكتير عن الرينو العربية زى الفل وقطع غيارها أسعارها كويسة وزى الفل بص يا سيدى انا بعمل الصيانة على طول فى مركز صيانة معتمد اسمه فرنش موتوز فى جسر السويس وده رقم التليفون 24906812 الناس هناك محترمة جدا بص طبعا الأسعار غالية شوية بس مش زى التوكيل بتاع المقطم وحاليا دلوقتى فى واحد بيقولوا عليه كويس اسمه على فى بولاق الدكرور ده ميكانيكى عادى ناوى اجربه كده الناس بتشكر فيه قوى انا لسه عامل صيانة 150 الف كليو من اسبوع فى مركز جسر السويس وده الاسعار واعتقد طبعا لو عملتها بره هيكون ارخص يكتير فلتر بنزين 75 جنيه/ فلتر زيت 55 /فلتر هواء 35 تقريبا/طقم بوجيهات 114 جنيه/ زيت 10الف 230 جنيه
التعديل الأخير تم بواسطة gym1974 ; 23-02-2010 الساعة 03:11 PM |
#3
|
||||
|
||||
رد: صيانة الكليو ياريت المساعدة
فرنش موتورز دة اقدم مركز صيانة معتمد لتوكيل رينو فى مصر واسعارة ارخص كتير من الميكانيكيون العرب ونصحتى اشترى قطع الغيار من المحلات فى محل متخصص فى شارع دمشق فى مصرؤ الجديدة واخر فى عمارات الميرلاند جسر السويس وفى محلات كتير فى الحرفيين وطبعا الاسعار بتكون ارخص من المراكز وبعد كدة تروح فرنش موتورز وهما حيخدوة مصنعية فقط وهما لهم 3 فروع جسر السويس واخ فى شارع عين شمس بعد شريط القطر واخر فى الرحاب وتحت امر اى حد يحب يعرف اى تفاصيل اخرة
|
#4
|
||||
|
||||
رد: صيانة الكليو ياريت المساعدة
يوجد موضوع هنا بمنتدى الرينو باسم ( عناوين ميكانيكية الرينو ) اعتقد ممكن يفيد حضرتك
وياريت لو تكتبلنا تقييمك لمركز الصيانه او الميكانيكى بعد الصيانه |
|
|