بعد اذنكم ممكن مقارنة بين لوجان و تيجو و افيو

[y7yaaa]

بعد اذنكم ممكن مقارنة بين لوجان و تيجو و افيو ،من حيث اسعار الصيانة و قطع الغيار خارج التوكيل و سعر اعادة البيع ،بقالي شهر عايز اشتري زيرو و محتار في المقارنة بينهم ،يمكن اللوجان احسنهم لكن خايف من قطع الغيار الغالية خصوصا و ان الميكانيكية خارج التوكيل مش عارفين حاجة عن اللوجان

[باسم لانسر]

اولاً حضرتك بتقارن فئة بـ فئة تانية خالص
اللوجان والافيو سيدان
التيجو نظام الجيب العالى عن الارض وكدا فلازم تفرق
طبعاً لو هتركب دفع رباعى او جيب عالى عن الارض وكدا التيجو عربية محترمة جداً بس حرام ادفع مثلاً مية ألف فيها وانا ادمى حجات تانية ممكن اركبها

لو عاوز مفاضلة بين الى كتبتهم انا أرشحلك الرينو لوجان وموضوع الميكانيكية دا مش صحيح , العربية النهاردة أى حد ممكن يشتغل فيها وبقت مفهومة , الحاجة الوحيدة الى بتضايقنى فى الرينو هو الكلاكس بتاعها :w6w2 00504112236376d مكانه غبى جداً , زرار كدا فى الدراع لكن هى عربية ماشاء الله حرير وناعمة جداً وعالية عن الارض

لو عاوز تجيب زيرو تحت المية , حاجة بقى على مزاجك اوى يعنى بصراحة وسعر اعادة بيع وكل حاجة
نيسان صنى , العربيات دى لا يعيبها الا ارتفاع استهلاك البنزين نسبياً , ومتحاولش تدور على عيب تانى فى النيسان

وصلى استخارة وربنا يوفقك للأصلح

[MmFFoR]

اهم حاجة نتفق على الاساس
افيو لأ
افيو لأ
افيو لأ

[zmzm0000]

افيو
لا لا لالالالالالالالالالالالال الالالالالالالالالالا
مؤيد تماما

[y7yaaa]

فعلا كل الناس حذرتني من الافيو تقفيل مصري و قوايم العربية صاج مفرغ و غير ثابته عند السرعات العالية لكن قطع غيارها متوفره و رخيصة
التيجو 1600 ممتازة شكلا لكن تقفيلها مصري بخامات صيني رديئة و الموتور AVL نمساوي و تحتاج لتغيير قطع غيار باستمرار
اللوجان ممتازة لكن شكلها الخارجي نص نص و المرايات الجانبية غير قابلة للطي و توزيع الازرار في التابلوه الداخلي محتاج تعود و اخر حاجة توكيلها غالي نار
ان شاء الله اتوكل علي الله و احجز اللوجان علي الاقل تقفيلها مغربي و طالما بتنتشر بسرعة اكيد هيبقي لها قطع غيار خارج التوكيل