|
Accent Verna RB اكسنت فيرنا Hyundai Accent - Verna - RB جميع اجيال اكسنت وفيرنا Hyundai Accent - فيرنا الجيل 2 Hyundai Accent - اكسنت الجيل 1 Hyundai Accent - نيواكسنت الجيل 3 Hyundai Accent - اكسنت ار بى RB الجيل 4 |
|
أدوات الموضوع |
#1
|
|||
|
|||
إستشارة بخصوص النيو أكسنت
يا جماعة فى سيارة نيو أكسنت عاملة 13000 كم/2009 إيه رأيكم عاملة الألف كيلو فى 5/2009
بسعر 72000 ألف فول أوبشن اوتوماتيك إيه رأيكم أتوكل على الله فيها؟وهل سعرها مناسب؟ وما فيهاش وصلة اليو إس بى . هل ممكن اشتريها ؟منين وبكام؟ وتابعت الصيانة بتاعتها لقيتها مظبوطة الألف وال5 ألاف و10 ألاف كيلو بس كلهم فى مركز صيانة معتمد فى بورسعيد هل فى كدة مشكلة؟ أرجو من إخوانى سرعة الرد إنشاء الله |
#2
|
رد: إستشارة بخصوص النيو أكسنت
هى العربية الفول اوبشن الاوتو سعرها فى 2009 84000 الف , مش عارف بقى السعر لمعروض ده نظامه ايه يا ريت تسال حد يفهم فى الاسعار لان كده نزل فى سعرها كتيييير اوى وهى لسه مكملتش سنة حتى
الا بقى لو بيبعها لدواعى السفر زى ما بيقولوا
__________________
شعبنا قامت قيامته، اى حد يهين كرامته نقل قيمته ونبقى كلنا ايد فى ايد ام الدنيا بقت ابوها ، واللى يتطاول عليها ، جابه لنفسه و تانى نربيه من جديد
|
#3
|
|||
|
|||
رد: إستشارة بخصوص النيو أكسنت
انا شايفة ان سعرها مناسب لان الجديد دلوقتي منها بـ81900 من التوكيل يعني فرق 10 الاف جنيه تقريبا فكده كويس جدا بس بردو ياريت ترفعها في اى بنزينة عشان ما يكونش فيها عيب ولا حاجة
|
#4
|
|
رد: إستشارة بخصوص النيو أكسنت
غريبة مش كدة ؟!!!!!!!!!!
__________________
شعبنا قامت قيامته، اى حد يهين كرامته نقل قيمته ونبقى كلنا ايد فى ايد ام الدنيا بقت ابوها ، واللى يتطاول عليها ، جابه لنفسه و تانى نربيه من جديد
|
#5
|
|||
|
|||
رد: إستشارة بخصوص النيو أكسنت
يجماعة متشكريين على ردودكم وسرعة تجاوبكم (إخوة فعلا)
أنا رفعت العربية وأخدت معايا تاجر سيارات معرفة وصديق مخلص (سمكرى سابقا) و شفنا السيارة فى النهار وبانت (بسم الله تبارك الله) السيارة دواخل زيرو وفرش ضهره جلد ومقاعد قماش ودواسات وماكينة زى الفل وفتيس أوتوماتيك زى الفل ومن تحت تمام ودريكسيون ناعم جدا (ما شاء الله لا قوة إلا بالله) أما خارجيا فابريكا بس فيها تجريح مردود على البارد فى الباب الخلفي إللى ورايا خط بالعرض كده والأخر مش باين من بره بس باين من جوه فى اللفة اللى فوق الكاوتش من داخل السيارة وبرده رد على البارد الراجل اللى معايا تاجر السيارات (السمكرى سابقا )قاللى ده وارد يحصل فى أى عربية وغير مؤثر أو مسمع فى أى جزء أخر من العربية يعنى إطمن خللى الموضوع ده نضغط بيه على صاحب السيارة وكمان السيارة المفروض من واحد صاحب معرض معرفة قوى لحمايا ونصحنى بألا أشترى سيارة زيرو وأن تكون كسر زيرو لتوفير فرق فلوس وهادفعله 60000 يوم الأحد (إنشاء الله) والباقى على 3 أو 4 شهور واظن أن هذه السيارة هى أخر صبرى بعد الإستخارة لأنى كنت حاجز إلنترا فول أوبشن اللى ب 106000 وكانت هاتزيد عن ثمنها تقريبا 18000 ألف عن تمنها بعد التقسيط عن طريق البنك (منهم لله )حرامية رسمى يا جماعة وإنشاء الله هاحكيلكم عنهم ليه حرامية ونصابين هم وأصحاب المعارض وبيغرروه بإحتياجات الناس وبيكذبوا فى الأول وكل ما تتكلم معاهم أكتر ينكشفلك مصاريف أكتر ما كنوش قالوا عنها قبل كده يعنى فى الأول ظننت من كلمهم إن التكلفه هاتكون 8 الاف زيادة فقط بعد كده وصلوا 18 الف زى الحلاوة وانت مغمض (وتعالى يباشا هات مقدمك واستلم العربية فى خلال ساعة) وتقسيط إسلامى إسلامى و فى الأخر نصباوى وربنا يتوب علينا أسف على التطويل التعديل الأخير تم بواسطة HAboOuf ; 04-02-2010 الساعة 11:00 PM |
|
|