خلاص هتجنن حد يفدنى يا جماعة احسن اولع فى العربية

[احمد على 1999]

لو مشاويرك اقل من 6 كم يبقى الاستهلاك عندك طبيعى جدا

[memodina1]

المشاركة الأصلية كتبت بواسطة احمد على 1999 لو مشاويرك اقل من 6 كم يبقى الاستهلاك عندك طبيعى جدا

ممكن افهم وجة نظر حضرتك
وكمان انا احب اقول حاجة انا مثلا عندى التنك 40 لتر ومكتوب كدة فى الكاتالوج
يبقى المفروض لما يوصل المؤشر لنصف التانك يبقى استهلكت 20 لتر بالرغم من كدة اجى احط بنزين من نصف التانك الى اخرة بتاخد 15 لتر والمسدس بيفصل الى لتر17 بالعافية لحد الزووور كمان
يعنى التنك بالكتييييييير اوى حوالى 35 لتر ليييية مش عارف
ومحدش يقولى المؤشر بايظ عربيات زيرو فيرنا بتاعت اصدقاء ليا وعملتها اكثر من مرة ونفس النتيجة
حد يعرف لية ......؟

[احمد على 1999]

المشاوير القصيرة ديى زيى اللى اقل من 6 كم العربية مبتلحقش تسخن .......... وفترة التسخين مبيبقاش الحرق كامل و الاستهلاك عالى
للاسف الموضوع ملهوش حل
و مش منطقى يسخن كتير قبل ما يمشى
و لا منطقى انه يمشى كتير غصب عنه

معظم العربيات عداد البنزين تدريجه غير واقعى

[sokaroz]

زميلنا العزيز السلام عليكم ورحمه الله وبركاته

هناك بعض الاسئله نرجو افادتنا عنها وهى :-
1- موتور سيارتك كامه واحده ولا 2 كامه استيراد (قلت انه متغير)
2- غيرت طقم الكهرباء ياترى الموبينه صينى ولا جى ام اصلى
3- غيرت البوجيهات نوعهم ايه ورقمهم ايه (كل نوع وله رقم)
4- سلوك البوجيهات عندك نوعهم ايه جى ام ولا كورى
5- كشف الكمبيوتر عملته فى اى توكيل بالظبط
6- ياريت ترفع صوره لماتورسيارتك يكون احسن
7- ممكن نعرف حضرتك من اين بالظبط ؟
8- يا ترى غيرت فلتر الهواء ولا لا
9- ياترى فى ريحه بنزين نى او دخنه من الشكمان عند الدواره فى الصباح الباكر

بعد هذا السيل من الاسئله
حساس الاكسجين فعلا موجود تحت فرن الشكمان فى صدر السياره الامامى
استهلاك 100 كيلو فى الصفيحه غريب صحيح وانا كمان مشاويرى قليله وقريب من هذا الاستهلاك

بتسئل على أيدلر اعتقد قصدك على ايدل لرن وده بالبلدى اعاده ظبط الكنترول يونت (كمبيوتر السياره)

اما بقى مسئله الرشاشات اعتقد ان موديل سيارتك بيركب عليه الرشاش
الرفيع مش التخين وده المفروض انه اطول عمرا من التخين

ممكن تعمل تجربه كده عند الميكانيكى تشوف بيها رشاشات سيارتك
1- تفك مسطره الرشاشات من تحت المانافول بيبه 12 على ما اعتقد
2- خلى بالك وهو بيطلع الرشاشات من مكانهم فى جلده رفيعه ركبه على كل رشاش اوعى تقع
3- بعد فك المسطره وتحرير الرشاشات افتحه سنه كونتاكت من غير تدوير وخليك فاتح
4- شوف الرشاشات كويس فيها اى تنقيط او تنشيع للبنزين ولا لا
لو لا قدر الله فى تسييل علم على الرشاش ده وحاول تغيره لانه ممكن يكون سبب لاستهلاك عالى من البنزين

كمان تجربه بسيطه تعلمناها هنا فى هذا المنتدى من عباقرته المتميزين
وهى انك تشوف مقاومه كل رشاش من رشاشات السيارة الاربعه ازاى بقى ؟
1- خلى الرشاشات فى مكانها بعد تجربه فك الرشاشات لمعرفه الرشاش المسيل وكل حاجه زى ماهى فقط اخلع فيش الرشاشات اللى راكبه على الرشاشات بالراحه من غير عصبيه
2- تجيب افوميتر وتقيس مدة مقاومه كل رشاش من طرفى الرشاش اللى انتا فكيت الفيش منهم
4- القراءه الشبه طبيعيه تكون فى حدود 16 اوم - الى - 18 اوم
هذه الطريقه الغرض منها معرفه مقاومه كل رشاش فى الفتح والاغلاق وزياده فى الاطمئنان على رشاشاتك

معلش ياسيدى طولت عليك بس يارب اكون كد افدتك كما استفدت من هذا المنتدى الرائع بكل من فيه
ونرجو الرد على الاسئله

[sokaroz]

فى حاجه كمان هو انتا ناقل الموضوع بتاعك من احد الاستفسارات القديمه وعلى الاخص لعام 2011م غريبه اوى الحركه ديه ولا عشان تقريبا نفس المشكله