رجاء من القواهريه لأخوكم الأسكندرانى ههههههههه

[احمد الفقى]

اخوانى الكرام خلاص بعد رحلة البحث ربنا هدانى لمكنه هوندا 250 فى مصر الجديده تحديدا فى المرغنى بجوار نادى هليوبيليس وطلبى اعزائى هوا انى مركبتش مكن يبانى قبل كده ومش هعرف لو محلوله اولا او لو حالتها مش كويسه او متصلبه مثلا وساعتها ال12 الف هيروحوا فى الأرض وده ميرضيش ربنا فهل فى حد من حضراتكم قريب من هناك اقدر استعين بيه ينزل معايا نعاينوها وانا تحت امره فى اللى هوا عاوزه او لو محدش قريب من هناك فرجائا تدلونى على ميكانيكى موتوسيكلات من المنطقه دى اروحله واخده فى ايدى وانا رايح اعين لانى مينفعش اخد حد معايا من اسكندريه خالص وشكرا جزيلا لكم اخوانى على المعلومات القيمه اللى ساعدتنى بالفعل للوصول للأنسب

[ahany]

كان نفسى اخدمك بس ولله انا مبفهمش عاجة فى المكن
بس نصحتى ليك ما تخدش ميكانيكى من نفس المنطقة علشان ممكن يكون عارف صاحب المكنة و يخبى عيوبها عنك .
حاول تشوف ميكانيكى بعيد عن المنطقة دى واعتقد لو حد من اصحابك وغاوى مكن ممكن يفيدك وينزل القاهرة معاك
واخيرا بالتوفيق فى الشراء

[احمد الفقى]

المشاركة الأصلية كتبت بواسطة ahany كان نفسى اخدمك بس ولله انا مبفهمش عاجة فى المكن بس نصحتى ليك ما تخدش ميكانيكى من نفس المنطقة علشان ممكن يكون عارف صاحب المكنة و يخبى عيوبها عنك . حاول تشوف ميكانيكى بعيد عن المنطقة دى واعتقد لو حد من اصحابك وغاوى مكن ممكن يفيدك وينزل القاهرة معاك واخيرا بالتوفيق فى الشراء

اولا شكرا على مرورك الكريم يا غالى وثانيا لو ليا صديق بيعرف فى المكن مكنتش عتقته ههههههههه بس احنا من زباين الصينى عموما ادينى مستنى لحد ما يظهر الرد المنشود

[nktis]

طيب وايه خلاك تشتري من مصر ما اسكندريه مليانه 250
عموما
http://www.masrmotors.com/vb/showthread.php?t=38051

[احمد الفقى]

المشاركة الأصلية كتبت بواسطة nktis طيب وايه خلاك تشتري من مصر ما اسكندريه مليانه 250 عموما http://www.masrmotors.com/vb/showthread.php?t=38051

شكرا على مرورك يا باشا وعلى فكره اسكندريه فعلا مليانه بس انا معرفش ناس بعينها ومش لاقى على النت اعلانات غير واحده كانت فى سموحه اتصلت بصاحبها قال جابت سبيكه وبتتصلح يبقى مش فاضلى غير انى اشوف عند الديلرز وده اللى حصل وطحينه والكلام معجبنيش والأسعار خيال علمى يا سيدى !!!!!!!!!