برجاء المساعدة فى اختيار سيارة فى متوسط ( 150 الف جنية)

[ibrahim a7med]

انا عندي سيفيك هي احسن لان الاوكتافيا قطع غيارها تبع مجموعة فولكس الالمانيه يعني خدي عندك المرايا الصغيرة اللي في الجنب ب4500 جنيه من غير الازاز
وبعدين الاوكتافيا تقيله جدا اما السيفيك خفيفة جدا وثباتها علي الارض اعلي بكتير

[amsams]

بسم الله الرحمن الرحيم
دي اول مشاركاتي في المندى دة و يا رب تبقى بداية خير إن شاء الله
كلام الناس كويس جدا طبعا مفيش خلاف على السيفيك حلوة جدا لابعد حد بس الشكل اللي موجود دلوقتي حريمي شويتين و معظم اللي سايقنها ستات بس برضة هي عربية كويسة جدا جدا

الموديل اللي محدش اتكلم علية خالص هو التويوتا كورولا الجديدة بصراحة رائعة امكانيات و قوة 142 حصان بس الفتيس مش اي حد يحبة بس بصراحة شكلها حلو فعلا و هو دة ترشيحي

الاوكتافيا كويسة جدا ثبات و قوة و امكانيات و انتشار و شكلها حلو و زي الالماني بالظبط زي الVW اكنك راكب باسات (القديمة)
بس التوكيل زفت جدا الحاجة بتيجي بطلوع الروح و كتير بتيجي مضروبة تخيل تجيب تيل فرامل من التوكيل و يطلع مضروب و يبوظ الطنابير!!!!!!!!!
بس ممكن تشتري قطع الغيار من توكيلات بيع فقط مضمونين (صعب تلاقي حد مضمون) و تركب عند ميكانيكي (و تدخل في دوامة الميكانيكي)

و ف الاخر صلي صلاة استخارة و توكل على الله و هات اللي ترتحلها

[sam ram]

السيفيك طبعا تحفة و جميله بس غير انها واطيه كمان شنطتها 350 لتر بس ...... و ده يعتبر قليل في الفئة دي كمان صاجها ضعيف جدا و الخبطه بتسمع ( يعني الخبطه تيجي في الاكصدام تسمع في الرفرف) ...... الاوكتافيا اعلا وشنطتها اكبر وانشف .
عامة الالماني انشف و الياباني ناعم و دي ترجع ليك

[hazem_khidr]

من رايي الاكتافيا
الالماني الماني برضه سيبك انت

المشاركة الأصلية كتبت بواسطة sam ram السيفيك طبعا تحفة و جميله بس غير انها واطيه كمان شنطتها 350 لتر بس ...... و ده يعتبر قليل في الفئة دي كمان صاجها ضعيف جدا و الخبطه بتسمع ( يعني الخبطه تيجي في الاكصدام تسمع في الرفرف) ...... الاوكتافيا اعلا وشنطتها اكبر وانشف . عامة الالماني انشف و الياباني ناعم و دي ترجع ليك

السلام عليكم __ بص ياباشا بالنسبه لمساحه الشنطه طبعا الاوكتافيا اكبر بكتير لا كن فرق المساحه الداخليه السيفك تتفوق بفرق كبير _ انت هتعمل ايه بوسع الشنطه والعربيه القاعده فيها مش مريحه دا اولا __ ثانيا موضوع ان الصاج ضعيف دا كلام مش مظبوط انت لما تشوفها من الاجناب تحس بكدا لان الابواب انسيابيه ومن غير سوك او منحنيات_هيا احسن عربيه فى الصا ج من اليابانى والكورى _وطبعا الالمانى حاجه تانيه__ ثالثا موضوع لما تتخبط فى الاكصدا م تسمع فى الرفرف فدا منطبق على الاوكتافيا ال a5 بالضبط نفس الرفرف بالضبط اوكى ___ رابعا موضوع انها واطيه فدا عيب فى مصر وعلشان كدا نزلو موديل 2009 vti بجنوط 16 بوصه فبكدا بقت اعلى شويه __ وطبعا السيفك ثابته عن الاوكتافيا لانها اعرض منها ولو حد بيركب اوكتافيا العربيه مش عريضه وبالتالى الجلوس فيها مريح لاكن مش بالدرجه الكافيه ..
عيــــــــــــوب الاوكتافيا a5 :
اولا كمبوروسر التكييف كتر الاستعمال بيضعفه واسال اى حد معاه a5 ويكون بيستعمل تكييف على باستمرار _-_ ثانيا عرض الشنطه صغير ودا بيقلل من ثابتها

وفى النهايه لما تشوفوا السيفك الvti على الطبيعه تقدر تحس بالفرق الساشع بين الاتنين لانها حققت المعادله الصعبه ( قمه الثبات_قمه النعومه _ قمه الجمال ). ودا صعب يتجمع فى عربيه واحده..
واسف ع الاطاله