|
ميكانيكا السيارة يحتوى على المعلومات الفنية عن المحركات و أجزاءها و ناقل الحركة (الفتيس) و القابض (الدبرياج) و تجارب الصيانة الميكانيكية |
|
أدوات الموضوع |
#1
|
|||
|
|||
اختيار الزيت المناسب للسياره
ازاي نختار الزيت المناسب للعربيه اولا مش احنا الي بنختار الزيت الشركه المصنعه للسياره بتبقي كتبه في الكتالوج انواع اللزوجه المتوافقه مع السياره وده نادر لما تلاقي حد في مصر بيغير الزيت بناء علي اللزوجه ولكن بيغيره بناء علي المسافه الي الزيت بيستحملها بمعني ان صاحب العربيه بيقول لبليه انا عايز زيت 3000 كيلو او 5000 كيلو وليس علي لزوجه الزيت المتوافقه مع محرك السياره والي يفتي و يقولك نحط زيت تقيل في الصيف و في الشتا نحط زيت خفيف و المشكله ان الناس بتسمع الكلام ده و بتحط الزيت وخلاص و بعدين يحصل مشاكل في محرك السياره و اداء الموتور يقل و و الناس تشتكي ان الموتور مش مظبوط زي الاول احتكاك زياده في اجزاء المحرك مع الوقت بيقضي علي الموتور وده بسس الاختيار الخاطئ للزيت و تاني فتيه تلاقي بليه يرفع مقاس الزيت وتلاقي مسك الزيت بين صابعه ويفرك في شويه و يقولك لا الزيت ده امشي عليه كمان الف كيلو زي مايكون الزيت مالوش عدد كيلو مترات محدده يعني لو الزيت بيمشي 3000 كيلو وخلاص خيلصو و بليه الفتاي فرك بصبعه في الزيت و قلك الزيت كمل عليه هل اسمع كلامه طبعا لالالالالالالالالا كل دي افتكسات منهم هتقدي الي دمار المحرك
طيب ما هي انواع الزيوت :- 1- زيت معدني 2- زيت تخليقي 3- نصف تخليقي يعني يه زيت معدني يعني زيت مستخرج من باطن الارض من مشتقات البترول بيقوم بتكريره وتنقيته يعني ايه زيت تخليقي يعني زيت مصنع بلكامل في معامل و ليس مستخرج من باطن الارض يعني ايه زيت نصف تخليقي يعني زيت معدني ولكن بنسبه بسيطه لاتتعدي 30% و يقومه باضافه له زيوت غير معدنيه اي مصنعه في معامل مع اضافه اضافات لتحسين مستوي الزيت طيب ايه هي افضل انواع الزيوت رقم 1 هو الزيت التخليقي او النصف تخليقي رقم 2 هو الزيت المعدني طيب ايه الي يميز الزيت التخليقي عن المعدني 1- ثبات درجات اللزوجه و التزييت لفترات طويله 2- عدم تاثيره بدرجات الحراره العاليه او المنخفضه 3-تدفق سريع داخل اجزاء المحرك وخاصتا عند التسخين 4-استجابه المحرك اعلي 5- موفر في الوقود لسهوله حركه اجزاء المحرك 6- عمر اطول للموتور و يوجد انواع زيوت مخصصه للمحركات التي قطعه عدد كيلو مترات كثيره او معمولها عمره طيب ازاي نقري الرموز المكتوبه علي عبوه الزيت مثلا 10w40 10هي درجه اللزوجه و السياره بارده او في درجه حراره بارده و كلما قل الرقم كلما زاد سرعه سريان الزيت داخل المحرك في وقت اققل لضمان تزييت المحرك بشكل كامل في اسرع وقا w الرمز ده يشير الي كلمه winter او البروده 40 دي درجه اللزوجه في اقصي تشغيل للمحرك او في درجات الحراره الساخنه و توجد انواع زيوت احاديه الدرجه مثل sae50 و هذا النوع غير مخصص للسيارات الحديثه في ملحوظه ممكن تجيب زيت 10w40 بيمشي 15000 كيلو ولكن حسب استخدامك يعني ممكن يمشي 7000 لو استخدامك شاق او بتحرق علي الغيارات او في شديده الحراره او او ااستخدامك يوميا للسياره و ممكن يمشي 15000 كيلو لاستخدامك البسيط للسياره مره كل يومين تلاته او قياده معتدله و في اجواء معتدله ودي صوره توضيحيه لدرجات الزيت و تاثيرها بلحراره http://www.peugeot206cc.co.uk/repair...b/b1fa00ed.gif و في نهايه الموضوع احب ان الناس تغير مفهومها في تغيير الزيت للسيارات و ان احنا نغير الزيت بطريقه صحيحه ان احنا نغيير الزيت بناء علي الدرجات الموصي بها من الشركه المصنعه للسياره و لو الكتالوج ضايع و مش عارف درجات اللزوجه ادخل عل الموقع ده Which Car Engine Oil | Millers Oils و اختار نوع عربيتك و موتورها كام cc هيطلعلك جميع انواع الزيوت المناسبه للعربيه ان كان زيت موتور- زيت فيتيس - زيت الفرامل كل المعلومات و شكراااااااااااااااااااااا اااا |
#2
|
|||
|
|||
رد: اختيار الزيت المناسب للسياره
شكرا استاذ جورج ليا استفسار عربيتي اسبرنزا 113 كنت عايز اعرف زيت الفتيس المناسب ليها ايه ادا دخلت علي اللينك مش موقوع نوع العربيع ولا حتي في البحث اليدوي
|
#3
|
|||
|
|||
رد: اختيار الزيت المناسب للسياره
الاسبيرانزا موجوده بس اسمها chery
هتدخل علي الموقع هتروح علي البحث هتلاقي 4 اختيارات في الcategory هتختار car وفي make هتختار chery و في model هتختار لل516 fora/ elara و لصاحب 113 هتختار kemo وبعد كده في type هتختار سعه المحرك هو الموضوع كله في اختلاف اسم العربيه بره مصر التعديل الأخير تم بواسطة جورج شاكر شوقي ; 27-04-2015 الساعة 08:58 AM |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
حقائق عن تغير زيت الفتيس للمانيول والأوتوماتك | tham1010 | ميكانيكا السيارة | 28 | 19-09-2016 06:39 AM |
اختيار زيت المحرك المناسب يطيل عمر السيارة | karem ali | المنتدى التعليمى والمكتبة الفنية | 2 | 08-06-2012 04:41 AM |
لمبة الزيت .....صديقك الوفى أثناء القياده | samirayad | المنتدى التعليمى والمكتبة الفنية | 29 | 27-04-2012 04:33 PM |
الحلقة الثانية: الزيوت وأنواعها | tham1010 | ميكانيكا السيارة | 3 | 02-02-2012 05:56 AM |
ميكانيكا السيارات | kashtoot | ميكانيكا السيارة | 0 | 03-11-2010 12:41 AM |