سيات ابيزا94 مش عارفلها حاجة ياريت الباشا محمد ابيزا يفهمني الدنيا اية في العربية دي لانها جننتني

[mohamed ibiza]

المشاركة الأصلية كتبت بواسطة mostafa shalan اولا مشكورر علي الرد وبعدين انا عاوز اعرف اولا الدريكسيون بتاعها تقيل ولا خفيف لاني غسلتها من تحت في البنزينة لاقيتة بق خفيف جدا وبعدين رجع تقيل تاني كدة يبقي فية اية والشكمان بيطلع دخنة سودة وبتستهلك بنزين نسبي وقريب لاقيت الغيارات زي ماتكون بتعض روحت مغيرلة زيت ودلوقتي مرة بيبقي عادي واخري بحس ان هيا مش عاوزة تاخد الرابع اسف جدا جدا للاطالة

بص يا باشا موضوع الغسيل ده لو الكاوتش مبلول او واقف في رمله بتلاقي الدركسيون بقي ناعم نعومه غريبه ولا الباور و انا جربت الموضوع ده كذا مرة و انا بغسلها في البنزينه تمام

اما بالنسبة للدركسيون نفسه فا هو مش باور ستيرنج هو سكاترا عاديه و ناعم بالنسبة ليا انا ممكن انت بالنسبة لك يكون تقيل بس عشان اديك راي وسط هو في الملفات لو ايدك جامده بتلفه بأيد واحده و مش بتحس بتقل لو ايدك ضعيفه لازم تجيبه بأيدك الاتنين انما هو معقول بس الاكسنت و السويفت و الكلام ده انعم منه

ثانيا المفروض الابيزا بيتحطلها زيت تقيل مش 90 بس شيك علي طقم الدبرياج عندك و علي السلك

-اعمل للعربية صيانة و ده الطبيعي لما تشتري اي عربية مستعمله و الصيانة يعني :طقم سيور (كاتينه-دينامو)طقم فلاتر(بنزين-هوا-زيت)و تغير زيت موتور و طقم بوجيهات و تجيب منظف كربراتير من البنزينه و تخلي الميكانيكي ينضف الكربراتير تنضيفه حلوه هتلاقي الموتور فاق معاك و الدخنه السودا راحت

ملحوظه:سير الكاتينه بيتغير كل 40 الف كيلو و عن نفسي بغيره كل 35 عشان ابقي في الامان و لو سبته و مغيرتوش و اتقطع منك و انت ماشي النتايج هتبقي مش كويسه و الموتور هيضرب في بعضه اقل واجب هتغير طقم صبابات لانهم هيضربوا في بعض و دي تبقي اقل الاضرار

و لو طقم الدبرياج عندك خلصان و ده اللي هيقوله الميكانيكي لو سليم خلاص لو تعبان غيرو عشان لو تعبان هيبقي مموت العربية و سحبها هيبقي وحش ظبطها و انت هتشوف منها احلي سحب و اي سؤال انا موجود

[رياح التغيير]

شكرا لأخونا وحبيبنا محمد ايبيزا وانا اقول المنتدي منور ليه

[mostafa shalan]

مشكورر حبيبي محمد ابيزا علي معلوماتك الرائعة واحب اعرف حضرتك اني ذهبت الي مركز في الحرفيين اسمة مركز الصفوة بتاع صابر وغيرت فلتر هواء وفلتر بنزين وبوجيهات NGK وجوان لوش التاكيهات واويلسي كاتينة واويلسي فتيس ونظف الكربراتير بالاسبراي وبطاحات مساعدين امامية وطبعا لهف مني 750جنية وقبلها باسبوع روحت لواحد عندنا بالقناطر الخيرية فك الكربراتير ونظفة ببنزين وغيرت زيت متور موبيل xhp3000 وفلتر جديد الماني وبردة انا مش مقتنع بالشغل دة لانها بتتجنن بالليل يعني ببقي جاي من مشوار واول مااقف الاقيها بترعش مع انها مابتعملش كدة بالنهار اسف للاطالة بس هو دة الموضع كلة من الالف للياء فاحضرتك ماتعرفش ميكانيكي كويس يكون بيفهم وتكون اسعارة معقولة مش بياخد فلوس وخلاص

[mohamed ibiza]

750 جنيه ليه ده الموتور كله علي بعضه ب 700 ! كمان ده مخترعش الذره يعني العربية شغلها سهل جدا و معروف من قديم الازل !

كل الكلام اللي حضرتك قلته تكلفته بالمصنعيه 400 جنيه و لو عايز اسعار تفصيلية اقولك مفهاش مشاكل

فيه محمد سمير ورا حديقة بدر في جسر السويس شغله كويس بس اسعاره نار

فيه طارق في فيصل لما تركب كوبري فيصل و تنزل و تمشي شوية 10 دقايق كده علي اليمين هتلاقي محل ملابس كبير واخد ناصيه اسمه golden man خش الشارع اللي علي ناصيته المحل ده و امشي حبه لجوا هتلاقي ورشته علي اليمين شاطر و اسعاره كويسه

و يا ريت تقولي الrpm في السلانسيه علي كام

امشي بالزيت اللي انت حطيته ده لحد ما ييجي معاد تغييره و لما تيجي تغير انزل شارع مصدق في بنزينة الغاز اللي ورا بنزينة التعاون ادخلها و قولهم عايز جركن زيت visco 2000 ده بيعد 10 الاف كيلو انا مجربه و اعدت بيه ال 10 فعلا و كان نازل مش محروق ولا حاجة كان معقول و سعره 72 جنيه

[رياح التغيير]

شكررررررررررررررررررررررر ررررررررررااااااااااااااا ااااا يجعله في ميزان حسناتك ياباشاااا ياكبيرررررptmnlo123per114 6 العربية اللي حيلتي باظظظظظظظظتت