للرد على استفسارات الاعضاء والدعم الفنى لمالكى الفيرنا

[M.TONSY]

المشاركة الأصلية كتبت بواسطة haninatoon انا سالت علية فى التوكيل ب 1050 جنية اسطوانة وديسك فقط انت بتقول 450 الطقم كامل ممكن الماركة والمكان

التوكيل حرامى
روح لاى موزع معتمد هيونداى هتلاقي الاصل كورى ب 400-450ج بيختلف السعر حسب المحل
ولو عايزه هتلاقاه عند المنير فى فيصل او نعيم صليب فى التوفيقية اونافع فى ش دمشق مصر الجديدة وفى كمان هناك موزع معتمد لغبور هناك

[elsheikh2010]

اخي الحبيب زي ما حضرتك عارف معايا فيرنا 2011 1600 مانيوال ولسه عامل صيانة 10000 كم في التوكيل بقالي فترة كبيرة بأسمع صوت وبالأخص لما أكون ماشي على طريق مدق او مش متسفلت او على اسفلت محبب شوية جاي تقريباً من ورا عامل زي صوت كركرة مش عارف اوصفهالكم زي زجاج شباك الأتوبيسات بتاعة زمان واحنا مسافرين كنت تحس انه بيون او بيكركر اعذروني على التشبيه فلو حد عارف ده ايه يقولي عليه عشان اقولهم في التوكيل بدل ما يخربولي الدنيا ....
وشكراً

[AHMEDCAR]

انت كده العفشه الخلفيه عاوزه تتربط و ممكن يكون فى مسمار اسمه مسمار السنترك هو اللى عايز يتغير امره سهل جدا ماتقلقش

[ابو بيسان]

مساء الخير يا فيرناويه يا حلوين عندي استفسار اذا ممكن انا سمعت ان الفيرنا بتنزل من غير فلتر تكيييف هل دا صحيح وهل في مشكله لو شغلت التكيييف بدون الفلتر دا وسوال تاني عن الزيت انا حطيت زيت موبيل 1 وبتاع المحطه بيقول دا كويس لغاية 10000 ايه رايكم يا فرناويه في الزيت وياريت تنصحوني وتفيدوني وبالمناسبه العربيه بتاعتي انا جايبها زيرو كامله منوال من ابوغالي ولسه العداد يادوب عامل 1300 كم وااسف على الاطاله

[welywely]

غبور طبعا استخصر فينا فلتر الهوا على الرغم من اهميته بس معلش الاصلي بتاعه انا جبته ب 50 جنيه من صقر قريش و هوا موجود عند كل بتوع قطع الغيار (بامناسبه هوا عباره عن جزئين بيركبوا فوق بعض بشكل عمودي) و كان في ارخص بردو بس ياجماعة حصلت حاجه حلوة ان طبعا بعد ما نضفت مكانه قبل ماركبه في البنزينه و هوا بيغسل العربيه بمسدس الهوا و بعدين هوفر شفط اللي حصل ان الهوا ريحتة نضيفة جدا المهم فكيته و قلت ارش عليه سبراي كده طبعا قعدت اسبوع ريحة العربية حلوهو ده طبعا مع مراعاة تنضيفه كل شهر بس في نفس الوقت حسيت ان قوة دفع الهوا قلت سنه صغيره بس احن ما اشم عوادم و تراب