شئت ام ابيت تظل لانوس بطله مصر التى لا تقهر

المشاركة الأصلية كتبت بواسطة خالدخليفة يعنى انت بعد م تقول لاتقهر تقول بهزر والناس عمالة تكتب وتحلل وتفند والله انت شكلك كده طقم الكشرى عملها معاك لانك حرمت الكوسة والبامية وقلبت على وديع وفتحت موضوع وبتقول بهزر طيب لو انت جدع انزل الزيتون واانا مش هطلعك منها غير بطبقين كشرى محترمين ههههههههههه

ههههههههههههههههههههههههه ه يا عم خالد ارحمنا بقا من الكشري ده الواحد عامل رجيم وظابط نفسه والكشري هيبوظ الدنيا ماعنا ولو كدا هستناك في قلب الزيتون وابهدلك من عند الفرجاني بتنجان وليمون مخلل

[m_o_sakr]

المشاركة الأصلية كتبت بواسطة m_o_sakr هى اللانوس عربيه كويسه بس مينفعش اقول عنها بطله لا تقهر, امال لادا تبقى ايه !!!

المشاركة الأصلية كتبت بواسطة luckyman لادا عمرها ما كانت على عرش مبيعات عرش السيارات عدة سنوات طويله ودخلت الانوس ومعها اختيارات عدة لكنها اجتازتها بكل تقدير وتفوق لدرجة انة نزلت معها سيارات تتفوق عليها وافضل جودة منها لكن لم يكن لها نصيب فى ظل سعر اللانوس المدروس امثال الكيا سيفيا لدرجة ان اللانسر خفض سعرها لقد احدثت ركود فى اصناف اخرى من السيارات هذة حقائق سواء شئت ام ابيت كمان هى رائدة من خلالها عرفت ىالناس الباور بعكس اللادا عرفت الناس اريال كهرباء وار بى ام وتكييف وكل الاوبشن اصبح قياسى فيها فئات كتير من المجتمع لم تعرف تلك المسميات وفرتها اللانوس فى حين مع تقديرى للسيارات الاخرى سيارة مثل الفيرنا لم تحقق النجاح المتوقع فى بداية نزولها بسبب اللانووس كذلك وممكن حققت ارقام وتفوقت فى مراحل اخرى بعد 2002 بعد فضيحة ابو الفتوح والاشاعات التى دارت حوله واخذ توكيل بى ام دبليو ولكنها ما لبثت ان لملمت انفاسها ورجعت بقوة جامحة على فكرة كل هذا وانا مش من محبى اللانوس احب فيها صوت محركها فقط احب صوت المحرك على كل السرعات غير كدة لا تلزمنى والذى تكلمت علية سابقا هو عرض للحائق وتاريخ السيارة حتى لا نبخس للشىء قيمتة لكن لو خيرت بين سيارتين اختار الفيرنا لكن هذا لا يمنع ان اكون محايد حتى لو مش بحب العربية ان اتكلم عليها

يا باشا انا مش بتكلم بجد بخصوص اللادا , انا الى اقصد اقوله ان اللانوس عربيه ناجحه و محققه مبيعات ممتازه و عربيه تعتبر صفقه جيده جداً و لكن امكانياتها فى حدود سعرها, يعنى مش بطله لا تقهر ولا حاجه

[luckyman]

m_o_sakr كلامك صح وانا معاك فى كل كلمة بس لما انا وصفت العربية مش من ناحية قوتها او سرعتها او شكلها لكن كسيارة ناجحة فى السوق المصرى ورقم واحد فى المبيعات ولما تبعها تكسب فيها وتجيب تمنها ومضمونة والغريبة لو جاى سوق السيارات علشان تبيع العربية تلاقى الناس تجرى عليك والله انا عرضت عربيتى لانى مش بحبها لسة جديدة لاقيت امم عندى زى المجانين رحت غيرت رائى وغطت العربية وسبتها تنام ولك منى كل الشكر والاحترام شئت او ابيت تظل بطله مصر التى لا تقهر وشكرا ههههههه حبيبى استاذ m_o_sakr

[drmtn]

السلام عليكم يا باشمهندس
قرأت رسالتك بكل اهتمام وجزاكم الله خيرا على النصائح ، وبدأ العد التنازلى لشراء سيارة لانوس ، فما هى سوى ساعات قليلة إلى أن يصبح الصباح وأتوجه إلى مدينة نصر بكل ثروتى التى لاتتجاوز الـ 45000 جنيه لشراء سيارة قد تكون وقد لاتكون ، إدعى لى يا هندسة بالتوفبق ، أحسن أنا حاسس إنى هألبس عربية مكرهه صاحبه فى العيشة واللى عيشينها ، ولو عندك نصايح أخرى انصحنى أرجووووووووووك قبل تحويشةالعمر ما تروح ، وبالمرة أنا ناوى أجيب سيارة موديل 2000 أو 2001 لأنى سمعت إن هذين المودلين كورى 100 % أما اللى بعد كدا بيقول إنه مصرى ومعفن ، أفيدونى جميعاً أفادكم الله

[drmtn]

المشاركة الأصلية كتبت بواسطة hossamhussein0 استلمت رسالتك علي الخاص و قمت بالرد عليها ،، و انا في انتظار الاخبار الطيبة

السلام عليكم يا باشمهندس
قرأت رسالتك بكل اهتمام وجزاكم الله خيرا على النصائح ، وبدأ العد التنازلى لشراء سيارة لانوس ، فما هى سوى ساعات قليلة إلى أن يصبح الصباح وأتوجه إلى مدينة نصر بكل ثروتى التى لاتتجاوز الـ 45000 جنيه لشراء سيارة قد تكون وقد لاتكون ، إدعى لى يا هندسة بالتوفبق ، أحسن أنا حاسس إنى هألبس عربية مكرهه صاحبه فى العيشة واللى عيشينها ، ولو عندك نصايح أخرى انصحنى أرجووووووووووك قبل تحويشةالعمر ما تروح ، وبالمرة أنا ناوى أجيب سيارة موديل 2000 أو 2001 لأنى سمعت إن هذين المودلين كورى 100 % أما اللى بعد كدا بيقول إنه مصرى ومعفن ، أفيدونى جميعاً أفادكم الله