الزجاج المظلم(الاسود) ممنوع ولا لاْ؟

[phantiza]

والله مش عارف اشكرك ازاي
بس تستاهل مني دعوة حلوة حقولهاللك في سري

[Injection]

المشاركة الأصلية كتبت بواسطة phantia والله مش عارف اشكرك ازاي بس تستاهل مني دعوة حلوة حقولهاللك في سري

مافيش أحسن من كده ياباشا, أنا اللى كده مش هعرف أشكرك أزاى

[mido_4up]

الستائر فعلا افضل بس بتلغى المرايه الخلفيه

[medof1]

لا يوجد في القانون المصري اي نص يمنع الزجاج الفامية

[الصقر_الجارح]

المشاركة الأصلية كتبت بواسطة Injection فيه نوعين من الستائر:- الأول ستائر كبس, ودى بتركب على العربية من جوه مش على الزجاج, فبتبقى على مقاس العربية بالظبط, وبتفضل مكانها سواء الزجاج أتفتح أو متفتحش, لأنها راكبة فى العربية من جوه ومالهاش دعوه بالزجاج, يعنى حتى لو الزجاج نازل بتفضل مشدودة على "الشباك" التانى ستارة متحركة بتركب على الزجاج نفسه, وشكلها عامل زى المروحة اللى كنا بنعملها بالورق زمان, مدرجة يعنى علشان تتركب على الزجاج وتنزل وتطلع معاه. الستارة الأولى عيبها أنها مبتستحملش كتير لو بتمشى بالعربية كتير وأنت فاتح الزجاج وخاصة على طرق السفر, ولو حتة منها أتقطعت حتى لو خيط منظرها بيبقى وحش, لكن هى عامة كشكل أحسن من الستارة المتحركة, وغالبا بتتباع تلات قطع أثنين للزجاج الخلفى الجانبى وواحدة للزجاج الخلفى أو4 قطع للزجاج الجانبى كله وواحدة للزجاج الخلفى. التانية عيبها أنها مش هتبقى مغطية الزجاج كله, وشكلها أوحش من الكبس لكن فى المقابل بتقدر تفتح الزجاج وتقفله براحتك وهى بتتحرك معاه وعلى ما أذكر بتتباع بالجوز. ستارة كبس لاحظ أزاى الزجاج مفتوح وهى موجودة ستارة متحركة وفى الأخر لازم تعرفوا أن دى "بتحجب الرؤية" زيها زى الفاميه, لأن الفاميه مش ممنوع, القانون بيقول أن الأشياء اللى بتحجب الرؤية لداخل العربية هى اللى ممنوعة, بس معظم الظباط ميعرفوش القانون أصلا , وبيتلككوا على الفاميه والزجاج الملون بس عادى ممكن أى ظابط يتلكك على الستائر بمزاجه, زى مالسبحة والحاجات المتعلقة فى المراية أو مجطوطة على التابلوه ممكن ياخدك مخالفة علشانها, ده غير أن الستائر وأنت داخل على لجنة تقدر تشيلها بسرعة ومش هيقولك حاجة. وأسف على تأخرى فى الرد.

كلام جميل حضرتك وضحت لي حاجات كتير كنت عايز أفهمها..ألف شكر ياباشا

للأسف انا كنت عايز أعمل فاميه عندي في اللانوس عشان الشمس بس خايف الحسن الرخصة تتسحب..

يبقى الحل المناسب اننا اركب ستاير كبس وأمري لله..

طيب بقول لحضرتك أنا شوفت قبل كده في عربية عمي في الشباكين اللي ورا ستاير بس لا هي كبس ولا اللي بتفتح وتقفل مع الإزاز دي..

هي بتبقى متركبة ناحية الإزاز من جوا ولما تحب تقفلها تسحبها لقدام فتغطي الإزاز كله ولما تحب تفتحها تعمل العكس..وملهاش دعوة بالإزاز سواء كان مفتوح أو مقفول (يعني مستقلة)

عايز أعرف بقى هو في منها للانوس؟ ولو في تعملها في حدود كام؟