مادة اصلاح الاطارات بين الحقيقه والنصب !!

[tuk_tyre]

منذ فتره طويله ظهرت فكره المواد التى توضع داخل الكاوتش لتقوم بعمل لحام فورى للثقوب وهناك الكثير ممن جرب الماده واقتنع وكثير منهم جربها ولم يقتنع وهناك اشخاص شككت فى جودتها وهناك من شكر عن تجربه وهناك من حاول التجربه بناءا على اراء الناس وانا فضلت اكتب فى هذا الموضوع لتوضيح بعض الامور للجميع سواءا اللى جرب او اللى عايز يجرب وسوف احاول وضع خبرتى وقربى من هذا المجال لعله ينفع الجميع ....
بداية ظهور الماده ومن مخترعها الاصلى ..
البدايه كانت هناك من اميريكا ( للاسف ) وظهرت عند الحاجه اليها فى الحرب الفيتناميه الاميريكه فكانت هناك الحاجه لعدم توقف السيارات او المركبات وبالتالى تم تنفيذ الفكره وتمت تجربتها عن طريق سلاح المهندسين كما هو الحال فى الانترنت

اولا المكونات ::
مجموعه من الكيماويات بها مواد لاصقه ومانع للتصلب ومذيب وقطع مطاط تتدرج بين النعومه والخشونه والعديد من المواد سوف اذكرها لكم بالاسم فيما بعد حسب تفاعل الناس مع الموضوع .

الفاعليه ::
هنا يمكن مربط الفرس هل هى فعاله ام لا ؟؟
هناك مواد منها فعاله فعلا بنسبه تصل الى 95 % ولكن لابد من تحرى الدقه فى شراء الماده ولكى نكون اكثر دقه سوف اطرح بعض السلبيات
1- الاهتزاز عند السرعه بدايه من 90 كم/س وتزول بعد 100 كم /س ( مشكله لها اسباب ولها حل )
2- انفجار الاطار - لا قدر الله ( مشكله لها اسباب ولها حل )
3- عدم انسداد الثقب ( لها اسباب ولها حل )
الحل لكل ما سبق هو اختيار ماده فعاله وعدم شراء اى ماده ولا تترك لمحل الكاوتش اختيار الانسب لك لانه بطبيعه الحال هيدور على اللى يكسبه اكتر ....
تجربتى الشخصيه كانت مع مواد كثيره منها ( .... و.... و .... و .... و ..... و ........ ) الحقيقه بدون مبالغه الكثير والكثير الى ان فقدت الثقه فى كل هذه المواد ولكننى مش مفتنع فكل ما اقرأ مقال خارجى اجد ان الموضوع حقيقى . طيب السؤال ماذا يحدث معى الى ان علمت اسباب مشاكلى .... ووجدت ولاول مره ماده محترمه جدا وهى انجليزيه الصنع ومع وكيلها ما يفيد بأنها اصليه هذا غير شهادات البيئه الكثيره وشهاده الايزو وغيرها من الشهادات وعرفت ان الموضوع له شق علمى كبير غير شغل الصنايعيه ووجدت انها كتلفه ليست بعيده فهى 100 ج للسياره كامله 4 فرد كاوتش مقاس الى " 15 وقامت الشركه الوكيله بالبيع للكثير من الجهات زى شركات الادويه ووزاره الداخليه الى ان علمت ان الكاوتش اختبر من قبل محترفين فى وزاره الداخليه بالاختبار بعدد من طلقات الرصاص والنتيجه كانت مزهله .......
وللموضوع بقيه .... ارجو التفاعل

[محمدقابل]

الحقيقة انا جربت احدى هذه المنتجات وكانت ناجحة في لحام جميع الثقوب لمدة 5 اشهر ولكن يعيبها الاهتزاز الفظيع عند سرعة 90 كم واعتقد انها مناسبة اكثر للتاكسى داخل المدينة

[مصطفى-حسن]

النوع اللى انا جربتة تقريبا كان عادى او شعبى
وبدل ما الصنايعى يعمل عليا مصلحة نزلت جبت العبوة من التوفيقية ب 20ج
لكن فى النهاية مظبطتش معايا

فضيتها وغسلت الفردة كويس جدا بالمية وبدأت اتابعها وكل ما يظهر خرم من الاخرام اللى هيا كانت ساداهم بقيت الحمة رقعة عادية

[tuk_tyre]

المشاركة الأصلية كتبت بواسطة محمدقابل الحقيقة انا جربت احدى هذه المنتجات وكانت ناجحة في لحام جميع الثقوب لمدة 5 اشهر ولكن يعيبها الاهتزاز الفظيع عند سرعة 90 كم واعتقد انها مناسبة اكثر للتاكسى داخل المدينة

هناك حلول لموضوع الاهتزاز ويتوقف على قوة الماده وهل هى مضروبه ام اصليه وللمزيد من الفائده نرجو وضع اسم الماده لكى نقوم بعمل تقييم لينتفع به الجميع وشكرا على مرورك الكريم

[tuk_tyre]

المشاركة الأصلية كتبت بواسطة مصطفى-حسن النوع اللى انا جربتة تقريبا كان عادى او شعبى وبدل ما الصنايعى يعمل عليا مصلحة نزلت جبت العبوة من التوفيقية ب 20ج لكن فى النهاية مظبطتش معايا فضيتها وغسلت الفردة كويس جدا بالمية وبدأت اتابعها وكل ما يظهر خرم من الاخرام اللى هيا كانت ساداهم بقيت الحمة رقعة عادية

مصطفى حسن
ممكن نعرف الكميه اللى وضعتها فى كل فرده وكام حجم الاطار عندك ومين اللى حدد الكميه انت ام الصنايعى ثم ياربت ايضا نعرف اسم الماده وشكرا على مروروك وتفاعلك ومازال هناك المزيد من المعلومات الجيده ان شاء الله