اشترى عربيه صينى لــــــــــــيه

[Ahmed Anwer]

انتا معاك حق ا أبو نورا ،،

المفروض الحكم ميكنشي عااام ،، الصيني ............ وحش

بس هل تنكر انه مازال مخاطره ؟؟؟

الرعيل الأول من السيارات الصينية ساح من الشمس اساسا لو تفتكر الفروته و الهافي لوبو و الكيو كيو

و مقاومشي الحياة فيه غير الشيري ،، مش متذكر اسمها اللي هيا مبنيه علي اساس السيات توليدو

و الانطباعات الاولي تدوووم

لا اقول انه حلو و لا اقول انه وحش

اقول فقط انه مخاطرة لو مش في الجودة


هيكون في اعادة البيع و الصيانة علي الاقل

السؤال مين يقبل هذه المخاطرة

[AbOnOrA]

المشاركة الأصلية كتبت بواسطة Ahmed Anwer انتا معاك حق ا أبو نورا ،، المفروض الحكم ميكنشي عااام ،، الصيني ............ وحش بس هل تنكر انه مازال مخاطره ؟؟؟ الرعيل الأول من السيارات الصينية ساح من الشمس اساسا لو تفتكر الفروته و الهافي لوبو و الكيو كيو و مقاومشي الحياة فيه غير الشيري ،، مش متذكر اسمها اللي هيا مبنيه علي اساس السيات توليدو و الانطباعات الاولي تدوووم لا اقول انه حلو و لا اقول انه وحش اقول فقط انه مخاطرة لو مش في الجودة هيكون في اعادة البيع و الصيانة علي الاقل السؤال مين يقبل هذه المخاطرة

اتفق معاك تماماً فى انها مخاطرة والمخاطرة ديه بيبقى ليها اثر نفسى كمان على اللى بيشتريها سواء من انتقادات الناس ليه او من خوفة الدائم من انها تبوظ ويتحصل معاه سيناريو (العربية اللى حيلتى باااااااااظت )

والناس على الحال ده اما بيصمموا على رايهم ويبالغوا فى جمال وجوده السيارة او يقرف منها ويهملها

علشان كده شايف ان موقفنا لازم يتسم بالحيادية المطلقة لا نشوه الصينى خالص ولا نمجد فيه ولازم نفرق بين انواع المنتجات الصينى فى كلامنا لان مش كل الصينى زى بعض

انا شخصياً شايف ان فيه فئات من الصينى ممكن اشتريها لو استخدامى مش جامد وخاصة اللى بتبقى مبنية على تصميمات قديمة زى الايونسيل والهايما ثرى

او العربيات الصغيرة زى a1 تصميمها كويس وامكانيتها مقابل السعر ممتازة وبرضو اقتصادياً مش وحشة خالص على اقل تقدير

لكن الصينى تصميم وتنفيذ شايف ان لسه وقتة مجاش على الاقل لما نشوف العربيات ديه بستخدم فى اوروبا وامريكا (اه طبعا المواصفات اللى هترحولهم غير اللى هتجيلنا ) بس الواحد يبقى متاكد على الاقل من مطابقة التصاميم الاساسية للمواصفات الاساسية)

[sam ram]

المشاركة الأصلية كتبت بواسطة AboNoRa انا شخصياً شايف ان فيه فئات من الصينى ممكن اشتريها لو استخدامى مش جامد وخاصة اللى بتبقى مبنية على تصميمات قديمة زى الايونسيل والهايما ثرى

ايه اللي يخليني اشتري عربيه مش متأكد منها ..... بمعنى انا ممكن اشتري عربيه جديده ياباني او الماني او حتى كوري ... لكن لو حد قالي شركه هونجا بونجا الصيني عربياتها تحفه حقوله لما تبقى الناس تجربها و تتأكد انها شركه كويسه ابقى افكر فيها.... انا مش بشتري بسكلته .... لأني متأكد ان فيه احسن من الصيني (الا اذا كنت مضطر ... يعني عايز عربيه بامكانيات معينه و في حدود معينه للسعر)
وبعدين حتى العربيات الصيني اللي مبنيه على عربيات تانيه زي الايونسيل او الهايما ...معتمده على نجاح الموديل الاصلي .. و ده مش كفايه لانك متضمنش جوده القطع الصيني اللي فيها .... وده مايبانشي الا بعد فتره من التحربه....

المشاركة الأصلية كتبت بواسطة AboNoRa لكن الصينى تصميم وتنفيذ شايف ان لسه وقتة مجاش على الاقل لما نشوف العربيات ديه بستخدم فى اوروبا وامريكا (اه طبعا المواصفات اللى هترحولهم غير اللى هتجيلنا ) بس الواحد يبقى متاكد على الاقل من مطابقة التصاميم الاساسية للمواصفات الاساسية)

بالظبط .... هي مسأله وقت و البقاء للأصلح .... الكوري قعد اد ايه عشان يقنع الامريكان... دلوقتي هيونداي الخامسه و عربياتها بتدخل في تقييمات مرتفعه في اختبارات السلامه.... بس للاسف اللي بتنزل مصر بتبقى حاجه تانيه ..... وده حيبقى كارثه لو حصل في العربيات الصيني .. لأن الصيني بيديك المنتج اللي انته عايزه بالسعر اللي انته عايزه وده على حساب الجوده .... خصوصا مع توكيلات الصف التاني و صاحب المعرض اللي عنده توكيل حته صيني!!!

[طارق سيد]

ايه المشكله يا جماعه في الصيني انا اشتريت سياره صيني نوعها اسمه شانا cm8وهي من السيارات العائليه سته افراد ووكيلها بمصر الدكتور عبد المنعم سعود وبصراحه السياره جميله وهبت بها للتوكيل توكيل محترم وهو توكيل مودرن موتورز الخاص بنيسان وسوذوكي وسعرها 73الف يعني رخيصه ارخص السيارات فيفئتها

[pharonicking]

لو اشتريت الصينى تبقى رميت فلوسك عالارض"