لا للاستغلال

[د.كمال]

مستر احمد ...متتعبش دماغك كتير
اسره الجاك ترحب بكل الضيوف فى منتدى الجاك سواء محبى السياره او منتقديها او محبى الوكيل او منتقديه ونتمنى للكل شراء السياره والتمتع بها سواء الان أو عندما ترخص الاسعار ...........تقبلوا تحياتى

[mr/ahmed]

شكرا يادكتور كمال ليك بس انا تعبت من الكلام وملقتش حد يرد بموضوعية
المهم بجد انت وحشنا ايةاخبارك وهل ذهبت الاستفتاء
سلام..

[silentman84]

مش عارف والله اقول ايه.......اسعار العربيات كلها فى مصر غير منطقيه بالمره لما العربيه السيراتو تعمل فى مصر 137000 مصرى..وفى السعوديه 39900 ريال...واوكتافيا 208900 مصرى وفى السعوديه ب 74000 ريال .....واكسنت 113000 مصرى وفى السعوديه 37100 ريال ....والالنترا 128500 مصرى وفى السعوديه 44000 .... مع اختلاف المواصفات الخليجيه وكمان الاسعار دى بمكسب التاجر .......يبقى ده اسمه ايه....ممكن حد يفسر الكلام ده....ده بالاضافه الى سوء خدمه مابعد البيع ...وناس شغاله فى ورش الصيانه غير مؤهله.....واتفاقيه الجات فين ها...والفلوس اللى بندفعها للجمارك بتروح فين....والعربيات دلوقتى من الاساسيات مش من لزوم الفشخره والعوجان.....مثلا انا دلوقتى ساكن فى حته بعيد ومافيش مواصلات او المواصلات صعبه اعمل ايه مانزلش من البيت واروح الشغل ولا اقضى مصالحى...طب بلاش مراتك حامل وجت لحظه الولاده ولا عندك مولود وجاتله سخنيه وتعب مره واحده وانت الساعه 4 الفجر ومافيش مواصلات ولا تاكسى حتعمل ايه....خارج انت ومراتك وعيالك تتفسح شويه حتبهدلهم فى المواصلات ولا حتحرمهم من النزول......فين الحريه والعدل والتقدم .....شعب الخليج والاوروبين كله راكب عربيات من اصغرهم الى اكبرهم........العربيه حاجه عاديه....اما بخصوص الشعب ليه كان ساكت 30 سنه على المهازل دى كلها مش فى العربيات بس ...ارجع اقول ماحدش كان يجرىء يتكلم... واظن كله عارف السبب كويس لانى كان الكلام فيها يقع تحت بند السياسه....فخلاص الظلم مشى والواحد يقدر يتكلم براحته...اما بخصوص المنتدى ومواضيع السياسه والمظاهرات والاعتصامات والانقلابات.....فأظن انى من حق اى شخص يقول وجهه نظره ورائيه فى اى حاجه مش عجباه طالما لم يخطىء فى حق عضو من الاعضاء ....وايضا يبدى الحلول لمعالجه ومحاربه الفساد والاستغلال والغلاء..وذلك على سبيل الديمقراطيه وحريه الرأى...وسوف تستمر الحمله والمقاطعه وسيتم تكثيفها الى اعلى درجه ممكنه ان شاء الله .....اما الناس السلبيه ...لاجديد لها ...طول عمرها سلبيه وحتفضل سلبيه ...ولايعنينى شىء من امرهم...وكل واحد عارف نفسه كويس ....وانا لا اوجه هذا الكلام لشخص معين

[mr/ahmed]

يا استاذ يا محترم واضح انك مركز فى حاجة واحدة وهى ان سعر العربية الجاك غالى وكتير عليها وان سعر العربيات فى الخارج ارخص من سعر العربية عندنا ومركز فى السعودية
طب ما سعر العربيات فى لبيا ارخص من السعودية وفى دبى وفى البحرين ارخص وارخص
معنى كدةان السعودية بالنسبة للبيا والبحرين حرامية ذى ما حضرتك بتقول او ان لبيا حرامية بالنسبة للبحرين
وعلى فكرةدا مش فى العربيات بس دا فى كل حاجةواببسطها فى الموبايلات اسعرها فى الخارج رخيصة جدا
طب مكلمتش عليها لية ولا واضح ان حضرتك معاك موبايل اما العربية ......
المهم لازم حضرتك تكون موضوعى فى كلامك انت وغيرك
ارجع واقولك ان فرق السعر دة اللى عملةكدةهو الجنية المصرى بتعنا مش الوكلاء زى ما انت بتقول انت وغيرك كالاستاذ mms فالجنية المصرى هو السبب وراء الزيادةالكبيرةفى الاسعار بيننا وبين الخارج ومتقوليش متكلمش على فرق السعر والعرض والطلب اللى هيا حاجات لازم تتقبلها لانها اقتصاد عالمى ولوانت مش عارف دى بقى حاجة تانية
فسعر الريال السعودى مقارنة بالجنية المصرى 1.54
وسعر الجنية الليبى قبل الثورة الليبية 3جنية بالمصرى
وسعر الدينار 21جنية
فهل كل ذلك يخفى عليك بحجة ان الوكيل حرامى او ان الناس سلبية ومبتتكلمش
لابد عليك ان تتقبل وجهتك ووجهت غيرك وتتبع الاغلبية كما حدث فى الاستفتاء الخاص بالتعديلات الدستورية19-3 (هى دية الديمقراطية)
وبدل ما تتكلم عن وكيل يمشى او نخسرة عربياتة او نحارب الوكلاء فكر كمصرى ناضج فى رفع اقتصاد بلدك مما يؤدى الى ارتفاع الجنية المصرى فبالتالى يصبح الوكلاء بطريقة غير مباشرة غير قادرين على الزيادة الغير طبيعية من وجهت نظرك عن الدول الاخرى
واخير ... لابد ان تتقبل وجةنظرى بموضوعية لان هى دية الديمقراطية رايك والراى الاخر والاصلح لمصر يحصل ان شاء الله

[silentman84]

المشاركة الأصلية كتبت بواسطة mr/ahmed يا استاذ يا محترم واضح انك مركز فى حاجة واحدة وهى ان سعر العربية الجاك غالى وكتير عليها وان سعر العربيات فى الخارج ارخص من سعر العربية عندنا ومركز فى السعودية

طبعا مركز على الجاك ومش الجاك بس ...لا.....كل العربيات......ومتزعلش من السعوديه.....المره الجايه انزل اسعار العربيات فى الامارات وليبيا والكويت كمان...طالما السعوديه مزعلاك

المشاركة الأصلية كتبت بواسطة mr/ahmed طب ما سعر العربيات فى لبيا ارخص من السعودية وفى دبى وفى البحرين ارخص وارخص

كويس ان حضرتك معترف برخص العربيات فى الدول دى.......وكأننا احنا من كوكب تانى...او البلد الوحيده لو رخصت من سعر العربيات وفتحت الجمارك الاقتصاد حيقع......كأننا احنا بس اللى عندنا اقتصاد والدول دى لا....اى حاجه نعلقها على شماعه الاقتصاد.....ليه عشان اشتر ى عربيه ادفع تمنها مرتين.....فلوس الجمارك والضرائب بيتعمل بيها ايه يامحترم....الناس دى عملت ايه بيها فاد البلد ده غيره وغيره......وفى الاخر طلعونا مديونين وبيشتكوا الفقر اصل خزينه الدوله مافهاش .....وفى الاخر بيشتروا بفلوسنا شاليهات فى مارينا وشارم....وبيتفسحوا بيها بره فى اوروبا واميركا....

المشاركة الأصلية كتبت بواسطة mr/ahmed طب مكلمتش عليها لية ولا واضح ان حضرتك معاك موبايل اما العربية ......

والله انا تركيزى على العربيات بس..........ده بعد اذن سيادتك ......اما العربيه .......والله كان معايا اتنين كمان مش واحده......يعنى تنظيمى للحمله على الفيس بوك مش عشان ماعيش فلوس اركب عربيه.....لا.......عشان ليه ادفع تمن الحاجه مرتين......اما الموبيلات اوعدك ان شاء الله انظم حمله للموبايل عشان حضرتك ماتزعلش

المشاركة الأصلية كتبت بواسطة mr/ahmed المهم لازم حضرتك تكون موضوعى فى كلامك انت وغيرك

كل الكلام ده مش منطقى ........باين من كلام حضرتك ..انك يا من مصلحه الجمارك او صاحب توكيل او شغال فى توكيل......كلامكم بيبقى باين اوى

المشاركة الأصلية كتبت بواسطة mr/ahmed ارجع واقولك ان فرق السعر دة اللى عملةكدةهو الجنية المصرى بتعنا مش الوكلاء زى ما انت بتقول انت وغيرك كالاستاذ mms فالجنية المصرى هو السبب وراء الزيادة الكبيرة فى الاسعار بيننا وبين الخارج ومتقوليش متكلمش على فرق السعر والعرض والطلب اللى هيا حاجات لازم تتقبلها لانها اقتصاد عالمى ولوانت مش عارف دى بقى حاجة تانية

وماله الجنيه يابيه....ودلوقت بتلوموا عليه.....مش انتم اللى ضيعتوه.....تقتلوا القتيل وتمشوا فى جنازته....نسيتوا ايام الجنزورى لما كان عايز يعمل قناه السويس بالجنيه .......رحتوا حاطييييين عليه........وفين فلوس الموارد بتعتنا.....ولا بنتكلم فى نقطه ونقطه لا......لانى فلوس مواردنا تخلينا نسدد ديون مصر ونبقى من اغنى الدول دون المساس بالجنيه المصرى يعنى قناه السويس ماتبقاش بالجنيه تبقى بالدولار زى ماهيا....امال بقى لو اتعملت بالجنيه!!!!!!!!!!!!!انت ماشوفتش الملايين والمليارات اللى يحتكم عليها كل عنصر فاسد فى النظام السابق ولاايه.....ولا مش متابع اخبار..... فين بقى فلوس مواردنا........ولو انت مش عارف تبقى كارثه.....لو فيه زى حضرتك كده كتير

المشاركة الأصلية كتبت بواسطة mr/ahmed فهل كل ذلك يخفى عليك بحجة ان الوكيل حرامى او ان الناس سلبية ومبتتكلمش لابد عليك ان تتقبل وجهتك ووجهت غيرك وتتبع الاغلبية كما حدث فى الاستفتاء الخاص بالتعديلات الدستورية19-3 (هى دية الديمقراطية)

المشاركة الأصلية كتبت بواسطة mr/ahmed وبدل ما تتكلم عن وكيل يمشى او نخسرة عربياتة او نحارب الوكلاء

زى ماوضحت فوق.....من كلامك باين انك شغال فى توكيل........والله دى وجهه نظرى ونظر معظم الناس ومقتنع بيها....اما وجهه نظرك فطالما حضرتك مقتنع بيها فدى ترجعلك ولا تمثل رأى الاغلبيه

المشاركة الأصلية كتبت بواسطة mr/ahmed فكر كمصرى ناضج فى رفع اقتصاد بلدك

رفع الاقتصاد مش محتاج تفكير......وفى خطط مدروسه كتير ..وكانت محرومه انها تطبق من قبل النظام الفاسد.......اقتصاد وموارد البلد غنيه فوق ماتتخيل.....بس البلد تنضف من الحراميه

المشاركة الأصلية كتبت بواسطة mr/ahmed واخير ... لابد ان تتقبل وجةنظرى بموضوعية لان هى دية الديمقراطية رايك والراى الاخر والاصلح لمصر يحصل ان شاء الله

اهلا بالدميقراطيه.....يامرحب