المصريه للسيارات ولا سمير ريان احسن

[mstool]

لو من سكان القاهرة خاصة مدينة نصر او مصر الجديدة هتلاقى اسعار ارخص من سمير ريان ب 500 و ب 1000 جنية فى العربيات الرخيصةزى اللوجان و الفيرنا و كدة يعنى انما لو عربية زى لانسر او اوكتافا او سيراتو يعنى معدية حاجز ال 100 الف فافضل سعر ليها هيبقى عند سمير ريان و كفاية المعاملة الكويسة تخليك تروح تاعد عندهم كل يوم تاخد ليمون و تمشى هههه

[abdohtaby]

المشاركة الأصلية كتبت بواسطة محمد اشرف انا الصراحه معرفش غير المصريه الى فى اسكندريه وانا مقيمهم 8\10 فى العرض و 6\10 التعاملات و 5\10 فى الامانه ده الى فى اكسندريه ممكن الفروع الثانيه تكون احسن بس ده تقيمى للى هنا اما اوتو سمير ريان ده الصراحه معرفهوش بس الى انا اعرفه ان معظم الناس بتشكر فيه جدا ومعظم الناس شريه منه كتير ففى حد يعرف هل ليه فرع فى اسكندريه ولا لا

شاكر جدا ليك يا استاذ محمد و 5\10 فى الامانه ليه يا استاذ محمد هما حراميه ولا ايه طيب مش ممكن تديني مثال ممكن يعني ممكن يدوني عربيه راشه ولا عربيه متجرحه وحطين الورق الابيض ده على التجريحات ولا ايه يعني انا مش فاهم يعني ايه امانه بالنسبه للمصريه معلش وضحلي اكتر انا هتعبك معلش

[Elsebily]

انا بصراحه سمعت شتايم كتيره في الاتنين ولكن المصريه للسيارات بعتبرهم نصابين اكتر وخاصة في التقسيط حراميه حراميه يعني اما بالنسبه لموضوع راشه ده فالموضوع ده حصل مع واحد بس وكانت عربيه اوبترا واشتراها من معرض بس مش فاكر كان اسمه ايه ولقاها راشه لكن مسمعتش عن المصريه للسيارات او سمير ريان انهم حصلت عندهم مشكله من المشاكل دي

[sehsss]

أصحاب المعرضين اخوات على فكرة.. بس سمير محترم اكتر في مواعيد التسليم

[محمد اشرف]

المشاركة الأصلية كتبت بواسطة abdohtaby شاكر جدا ليك يا استاذ محمد و 5\10 فى الامانه ليه يا استاذ محمد هما حراميه ولا ايه طيب مش ممكن تديني مثال ممكن يعني ممكن يدوني عربيه راشه ولا عربيه متجرحه وحطين الورق الابيض ده على التجريحات ولا ايه يعني انا مش فاهم يعني ايه امانه بالنسبه للمصريه معلش وضحلي اكتر انا هتعبك معلش

يعنى مثلا مره واحد قريبى راح يشترى عربيه من هو هو الفرع كان عايز يجيب جيتا على انها 2010 وبعد مجبها وخلاص اكتشف انها موديل 2009 فرحلهم وبعد كلام نقصلوا شويه من مبلغ العربيه فهو عشان مش بيفهم فى العربيات ولا الاسعار فخلاص ومشى وهو فاكر ان هو حقق انتصار ولاكن مكنش يعرف ان المبلغ الى نزلوا ده مبلغ قليل جدااااااا ومش سعر العربيه فى 2009 ده اغلى منها وطبعا بعد ماشتراها طلعلوا عيب فى الفتيس وغير فتيس بالتوكيل ومش عارف ايه تانى والعربيه اعدت عندهم 3 شهور مع انها اعلى فئه ده اول مثل وفى مثال مثلا كان فى عربيه اوبترا وحصل مشاكل كتتييييييييييييييييييييير اوى بسببها وفى الاخر رمهلهم بس الصراحه ناسى السبب وممكن تشترى العربيه تلاقى العربيه ماشيه اكثر من200 كيلو ليه ده معناه حجات كتير وتلاقى مثلا فى الطفايه بتاعت العربيه سجاير ايه الاهمال ده وتلاقى مثلا خرابيش بسيطه فيها وده يعتبر قلة الامانه فى الفرع ده انا بروحه بس عشان اصور واعمل تقارير بس واتفرج ويقولولك مثلا واتقلتلى مره ان هما عملين خصم على الاسبييرانزا الاتوماتيك التيجو من كذه لكذه وده اساسا سعرها الاصلى يعنى منزلوش حاجه ودول يعتبروا امثال وكتير كمان عليهم 5\10