أيهما افضل لانوس 1 أو لانوس 2

[hazem_khidr]

المشاركة الأصلية كتبت بواسطة miam0502788391 شكرا يا حازم باشا بس ايش جاب XK8 للانوس الغلبلانة:ROFL_C ~118: يعنى علشان شكل فانوس تقوم الدنيا ومتقعدش دى اليابان بقى المفروض تقفل مصانع السيارات اللى فى الصين دول مش بيقلدوا فانوس بس دول تقريبا بينسخوا العربية من تانى

طبعا لازم تقوم الدنيا
و اليابانيين نفسهم حصل لهم كذا مشكله و غيروا موديلاهم بسبب تشابه سياراتهم مع سيارات امريكيه و اوربيه
و كانت الي وقت قريب جدا لا تملك اي خطوط تصميميه

المشاركة الأصلية كتبت بواسطة alwaheds هو محرك اللانوس كم كامة؟

محرك اللانوس 1 كامه 8 صباب من اروع ما انتجت جنرال موتورز

[m_o_sakr]

المشاركة الأصلية كتبت بواسطة hazem_khidr طبعا لازم تقوم الدنيا و اليابانيين نفسهم حصل لهم كذا مشكله و غيروا موديلاهم بسبب تشابه سياراتهم مع سيارات امريكيه و اوربيه و كانت الي وقت قريب جدا لا تملك اي خطوط تصميميه كلام سليم بس مش عارف ليه الشركات دى ساكته على العربيات الصينى الى مش بيقلدو شكل فانوس بس, دول مقلدين العربيه بالكامل محرك اللانوس 1 كامه 8 صباب من اروع ما انتجت جنرال موتورز

متفق معاك انه محرك جيد جداً و عمره طويل و اعطاله قليله

[acounter01]

انا راي ان العربيتين واحد الفرق في الفوانيس الخلفية والتقفيل

[alwaheds]

الاخ حازم خضر جزاك الله خيرا
أنت و باقي الاخوة.

[احمد على 1999]

عايز اضيف بعض الفروق لو سمحتم
انا عارف انها مش جوهرية بس اهى فروق
اولا فيه فروق ما بين اللانوس وان فول اوبشن و الانوس وان بدون اوبشن - و برضه بين اللانوس 2 فول و اللانوس 2 هاف و بدون زى :
1- علبة البيئة الى فى الشكمان و دى لوحدها مزودة تمن العربية بتاع 1000 جنيه CATALYZER العلبة فيها مادة محفزة لتحويل اول اكسيد الكربون السام الى ثانى اكسيد الكربون الغير ضار بالبيئة
2- صمام اعادة تدوير الغازات EGRV و برضه للحفاظ على البيئة بمنع تكون اكاسيد النيتروجين عن طريق خفض كفائة الاحتراق فى حالات معينة عن طريق السماح لجزء بسيط من غازات العادم الرجوع و الدخول الى غرفة الاحتراق فتقوم درجة الحرارة تقل و ميتكونش اكسيد النيتروجين

الفروق العامة بين لانوس 1 فول و لانوس 2 فول :
1- عداد RPM
2- المرايا اليمين كهرباء
3- الدركسيون بيطلع و بينزل
4- الحزام ارتفاعة بيتغير ( مش متاكد من الفرق ده بس متاكد انه مش موجود فى الهاف و البدون عامة )
5- الاربعة ازاز كهرباء
6- سنتر
7- لمبة الفرامل البطيخة الى فى النص

فرق ما بين ال 1 و ال2 عامة :
الرشاشات اتغيرت بس تقريبا الاداء واحد