يــا جمــاعه ......... ياريت تيفودوني في شراء الانوس

[classboy]

المشاركة الأصلية كتبت بواسطة corsair العربية مشكلتها بس ان عفشتها طرية وبتبقي مشكلة في السفر تحس انك راكب مرجيحه بس في المدن عربية جميلة جدا وعمليه

مرجيحه أزاي .... يعني مش ثابته ولا ناشفه مش فاهم

وشكرا علي ردك ياباشا

[nightbat_88]

طبعا انت مجرب الفيرنا يا باشا وعارف ايه سلبياتها وايه مميزاتها طبعا هنا في مصر الفيرنا اسوء من الخليج وبالذات في موضوع الثبات ده عشان الحاج غبور بينزلها بكاوتش مصري
تعبان كده وكمان الفيرنا موتورها ال 1600 نقمة عليها عشان قوي جدا علي جسم السيارة
وكمان الفرامل بتاعتها مش قويه كفاية وكمان اوطي من اللانوس يعني مع العدد ووزن الشنط في شنطه العربية حتبوس المطبات

انما ممكن تظبطها عشان انت بتسافر ممكن تركب جنوط وتجيب طقم كاوتش بريدجستون او خلافة عشان تثبت اكتر
طبعا سحبها وتجميعها اقوي واسر ع مع اللانوس (وديه نقطه في صالحها)
تكيفها اقوي من اللانوس حاجه بسيطه
طبعا الفيرنا المرايتين كهرباء
اللانوس ناحيه الراكب كهرباء وناحيه السائق يدويه

اللانوس ثبات اقوي من الفيرنا واقصد بالثبات المناورة والملفات علي السرعات العالية مش اللي يمشي 180 او 190 وخط مستقيم ده مش ثبات

انا ارشحلك اللانوس عشان انت بتسافر كتير وتهمك نقطه الثبات واقتصادية البنزين عن عن موضوع السحب (مش ناوي تدخل سباق بيها ) ومش فرق السحب اللي هو يعني

لكن لو كانت انتقلاتك جوه البلد كنت ارشحلك الفيرنا عشان
شكلها اجدد - وسحبها اعلي في الغيارين الاول والتاني - تكييفها اقوي وده حلو في الزحمة
والاتنين متاسويين في :-
سعر اعاده البيع
توافر قطع الغيار خارج التوكيل
سهوله الصيانه خارج التوكيل
حجم الكماليات تقريبا واحد ماعد فروق تعتبر غير جوهرية*

واي استفسار انا في الخدمة

[nightbat_88]

المشاركة الأصلية كتبت بواسطة classboy شكراياجماعه علي الردود الجامده دي خلاص أنا أن شاء الله هجيب لانوس وهتوكل علي الله فعاوز أسألكوا عن عربيه معروضه عليا أنا قدامي واحده موديل 2001 فبريكه بره وجوه ب 40000 ولسه ما تكلمتش معاه فا أيه رأيكوا

اتوكل علي الله يا باشا بس اكشف عليها كويس وجرب تمشي بيها وتعشق ال 5 غيارات واتاكد انهم ناعمين وبيعشقوا بسهوله عشان العيب ده بيظهر في المرجيحه بنتاعت الفتيس

اكشف كويس علي جوان وش السلندر
اكشف كويس علي المساعدين والمقصات
واكشف كمان علي دائرة الفريون عشان لو فيها تسريب
ديه العيوب الجوهرية اللي في العربية

وغير كده اتوكل علي الله وحاول تنزل فيها شوية عشان ديه كانت زيرو في 2001 بـ 43000

[nightbat_88]

المشاركة الأصلية كتبت بواسطة classboy مرجيحه أزاي .... يعني مش ثابته ولا ناشفه مش فاهم وشكرا علي ردك ياباشا

ايقصد ان العفشة طرية فبتوزع الصدمات علي جسم العربيه كله فتلاقي العربية كلها بتتحرك عكس العفشة الناشفة اللي تاخد المطب وتكتمه فممكن تحس بالصدمة ساعتها تحس انك اتهبدت في المطب عكس اللانوس تتهز جوا العربية لاكن متتوجعش

[nightbat_88]

http://www.masrmotors.com/vb/showthread.php?t=23380
ده لينك موضوع مقارنة بين اللانوس والفيرنا
والمنافسين ليهم اللوجان والساجا
اتفرج عليه عشان تتعرف اكتر علي مميزات الـ 4 سيارات