سعر كمبروسور تكييف الكورسا ال1000

[MEMOO_1ST]

المشاركة الأصلية كتبت بواسطة Ahmed_lol2007 طب ممكن بس أعرف أنت ساكن فين ورايح إمتى عشان لو كدة أنا إحتمال أكون هناك بكرة فلو كدة اقابل حضرتك وأتشرف بمعرفتك

أنا ساكن في مدينة نصر وأنا آسف انا لسة شايف الرسالة دلوقتي

أنا هحكلكوا الحكاية مع الكومبرسور بتاع العربية .
الأول انا زي ما قولتلكو انا كلمت أحمد أوبل قالي ان الكومبرسور عندو ب 800 بس مش على مكنة وكلمت هاني أوبل قالي انو عندو واحد على مكنة وعامل 1200 المهم الكهربائي قالي الي على مكنة أفضل كتير .
المهم نزلنا يوم الخميس الي فات على هاني أوبل لقيتو بيقولي انا عندي كمبروسور واحد بس ومش على مكنة ب1200 قولتلو شكراً.
وطلعنا على أحمد أوبل طالما الاتنين مش على مكنة يبقى اوفر ال400 جنية دول ودا بردو كان رأي الكهربائي .
روحنا لأحمد أوبل بصراحة راجل محترم جداً عندو كذا واحد أخترنا واح كويس وخدناة ب750 وزي الفل وروحنا على الورشة في وسط البلد بس الساعة كانت داخلة على 10بليل فقلنا نخليها السبت أجازة وبراحتنا .
المهم طلعت الصبح يوم السبت على حسن وبدأنا نشتغل فكينا القديم ونزلناة وبعدين المفاجئة هوا هوا الكمبروسور بس المكان الي الخراطيم بتركب فية مختلف .
روحنا طلعين على أحمد أوبل وغيرناة بواحد تاني وطلعنا على الورشة ركبنا الجديد وكبسنا لقينا الجديد بيسرب من سدرة ptmnlo123per144ptmnlo123p er144.
روحنا طلعين على أحمد أوبل وخدنا الي كنا واخدينو الأول الي هوا كويس وركبنا علية الظهر بتاع الي بيسرب وكبسنا عند أحمد أوبل وكلو تمام وطلعنا على الورشة وركبنا وكبسنا وكلو زي الفل وكبسناة اكتر من نص ساعة وزي الفل ( الحمد لله ) ركبن الرادياتير والحاجة وقبل ما نشحنة قلنا نجرب المفاجئة لقيناة اول لما أشتغل قعد يرزع وعامل صوت فظييع .
روحنا فكينو وطالعين على أحمد أوبل وقالتلوا انا خلاااااااااااااص هشتي جديد ورجعتوا وخدت الفلوس وبعده كلما واحد في جسر السويس قال هوا عندوا الجديد ب1750 قلت زي الفل اطلع يا معلم عى جسر السويس روحنا هناك قالنا لا انا قصدي على بتاع الكورسا العادي لكن الكورسا ال1000 ptmnlo123per154ptmnlo123p er154ptmnlo123per154ب 2950 قالتلو شكرااااااااااااااا لأن كدا كتيير ورحنا راجعين على الورشة وركبنا القديم الساة 12 بليل وكنت خلاااااااااااااااااااااص زهقت من التكيف وقرفوا وهي دي القصة وانشاء الله ربنا يسهل وهنزل الحرفيين أشوف الراجل الي قالي ب1000 دا انشاء الله وهقولكوا عملت اية انشاء الله .
بس عملت شوية صيانات وغيرت شوية حاجات وكدا انشاء الله مش فاضل غير التكييف وربنا يسهل
الحاجات الي غيرتها
1 - قاعدة محرك كانت مكسورة ب235 جنية .
2 - سير عمومي (للكمبروسور والدينامو وطرمبة المية ) ب75 جنية.
3 - فلتر بنزين (دا كنت شاريو من زمان مش فاكر بكام بصراحة )
4 - ظبطت الأنوار وشوية خاجات في الكهربة ( مية الازاز الي ورا كان الخرطوم مقطوع صلحتو والنور الصغير مكنش شغال غيرتوا وشوية حاجات في الكهربا )
وسألت حسن و الميكانيكي قالولي كدا زي الفل الميكنيكي بصلي على بقية القواعد وباقي الحاجات قالي كدا تمام .
على فكرة انا العربية شاريها من6شهور بس ودي أول مرة أعملها صيانة والحمد لله .
لو في أي استفسار انا تحت أمركوا .

[Ahmed_lol2007]

بسم الله ماشاء الله ربنا يبارك لك فيها
وإن شاء الله تلاقى الكمبروسور اللى انت عاوزه

[omardivel2005]

انا شايف انك تنزل تجيبة من بورسعيد احسن وأضمن من الحرفيين و هتلاقى ركب على مكنة زى ما انتا عاوز وكل حاجة

[MEMOO_1ST]

يا جماعة انا سألت ناس قالولي روح مركز دايافيا في مصر الجديدة هما متخصصين في التكييفات وروحتلهم وياريتني ما روحت .
شويت نصابييييييييييييييييييييي يين .
أول لما روحت قالولي هنكشفلك عليها وانشاء الله تطلع مش عاوزة كمبروسور.
بعد كدا دفعت 220 قالي دا الكشف والشحن والباقي هيبقى تمام وأول لما يفضى معاك تشرفنا هنا.
انا مش عارف اروح تاني ولا هتبقى نصلباية تانية .
لان انا بصراحة مخنووق وحاسس ان انا اضحك عليا والحوار كل شوية استنزاف فلوس .

[omardivel2005]

يعنى طلعت مش عاوز كمبروسر ولا أية أنا مش فاهم ويريت حضرتك تقولى المركز دة اللى فين بالظبط