جاك B Class .. هل نرى قائدة صينية جديدة ؟؟؟

[سيف الدين سعيد]

المشاركة الأصلية كتبت بواسطة odaoda العفشة : مقبولة وان اكن نظام التعليق الخلفى غير مرن التسارع : بعد صيانة ال5 الاف بتطير الثبات : لم اتعدا ال120 بالعربية الحمد الله الوسع الداخلى : اوسع عربية ففئتها بلا منافس وبكرر بلا منافس الخامات : الطابلوة والابواب جيدة جدا اما خامات الشنطة فمقبولة وبشكل عام اكثر من جيدة الشكل الخارجى : ساحر هجومى عنيف رقيق قول زى ما تقول القيمة مقابل السعر : جيدة جدا ومتفردة افضل الالوان : الاابيض ثم الفضى ثم النبيتى فالاسود

ربنا يحميهالك ويباركلك فيها .
كمان فرش الصالون . والأوبشنات بتاعتها منافسه بقوه لما فى السوق من نفس الفئه .

[odaoda]

هى اول ما نزولت فالاعلان منكنوش منزلنها بفرش جلد لكننا فوجئنا انها جاية بفرش جلد دون زيادة فى السعر كمان

[د.كمال]

تشكر ياغالى على التقرير الجامد ده....وانا لا ارى قائده صينيه غير الجاك والباقى يأتى بعدها .....فكره حلوه ان احنا نكتب تقرير جماعى للجاك على فترات متباعده ......السياره الان الحمدلله لم يظهر منه اى عيب حتى الان 6000 الاف ك والماتور بسم الله ماشاء الله تحسن جداا بعد ال3000 فى الصوت واستهلاك البنزين وبعد ال5 الاف اصبح ذى الفل خصوصا فى التسارع والسحب .........بالنسبه للثبات انا مشيت على 140 حوالى 30 ك منهم ملفات ومطالع ومفيش مشاكل تقل العربيه بيخليها ثابته ....الوسع الداخلى واسعه وركب اجسام ذى مانت عايز ومش اقل من اى عربيه تانيه ......الخامات الداخليه والشكل العام من الداخل حاجه عظيمه ولا تقل عن اى عربيه من اللى بالى بالك .....والشكل الخارجى سندريلا يوم فرحها ....اما العفشه ...وهى شوارعنا خلتنا نقيم اى عفشه ....على العموم مقبوله وياما استحملت رزع وربنا يستر من النقر والحفر والبلاعات..........القيمه مقابل السعر انا بأعتبرها احسن من غيرها بكتير بنفس السعر .....الكماليات مش نا قصها حاجه وان كنت اتمنى ان المرايات الخارجيه تكون ضم عشان الجراج ضيق شويه ........ونصيحه ياجماعه ياريت تركبوا فرش ارضيات هيفرق كتير فى النظافه......افضل لون الفضى .............وربنا يحفظ لكم عربياتكو

[odaoda]

الف شكر على المشاركة دكتور كمال
ونتمنا من الباقى المشاركة
بس انا فعلا نظام التعليق الخلفى مش شفتة فولا عربية حتى الان
يعنى لو تنزل وتبص من العربية من تحت هتلاقية شكلة مختلف عن الافيو والاسبيرانزا وعربيات تانية كتير

[د.كمال]

نظام التعليق يشبه الموجود فى الالنترا ودا كلام فنى العفشه اللى فى الصيانه ......بس انا سافرت بيها كتيرومحستش بالانحناءات والميول الموجوده فى الاسفلت وكمان العربيه مبتهبطش لما بتحمل.....هى بس داخل البلد من كتر الحفر والنقر بتخلى الواحد يستخصر العربيه ......دانا مش لاقى شارع استنضفه واروح منه .....وعندنا بتوع العفشه شغالين بالحجز من كتر المطبات .....وبالمناسبه والله واحد زميلى النهاده مراحش الشغل عشان دخل فى مطب بعربيته الاسبرانزا معرفش اتكسر مساعد ولا مقص ولا ايه ............وربنا يسترها معانا جميعا