سؤال خاص سيراتو 2011 الفتيس الجديد

[OBADSOMA]

اولا السؤال هو لما بتبقى ماشي على سرعة 120 وثابت عليها بيبقى الار بي ام واصل لحد كام بالظبط
اما عن سبب السؤال بقى فهو انى روحت علشان اعمل صيانة ال 10000 فى ام التوكيل ( ابو رواش )
والعربية كانت زى الفل معايا واترزعت هناك 4 ساعات ونص وفى الاخر اخدت العربية الساعة 4 وطلعت على شغلى ( مدينة الانتاج الاعلامى ) فالمسافة اللى مشيتها مش كبيرة
لكن لاحظت انى لما بجيب ال 120 وامشى عليها الار بي ام بيوصل 3 وانا اكاد اكون متاكد انى قبل ما اروح التوكيل كنت ببقى ماشي على 120 والار بي ام بيبقى على 2 بس
وكمان صوت الموتور بقى عالى اكتر من الاول
وبعد ال 100 بقيت اسمع صوت الهوا جامد جدا اكنى فاتح الشباك
المهم اتصلت بالرقم المختصر وقلت لهم انى كنت فى الصيانة وفى مشكلة فى العربية وعايز اكلم المهندس قالى الساعة دلوقتى 5 ومينفعش احولك بعد الساعة 4 المهم قالى هنكلمك بكرة الصبح وكالعادة محدش عبرنى
المهم انا كلمتهم الصبح والمهندس رد عليا وقالى تعالى اى وقت نراجع عليها
المهم روحت التوكيل تانى وقابلت المهندس اللى رد عليا حكيت له القصة قالى تعالى نجربها
خرجنا نجرب العربية بره التوكيل المهم سمع صوت العربية وسمع فى صرخة فى الموتور لما بيدوس بنزين ( كنت قلت لهم عليها لما روحت اعمل الصيانة وم اتصلحتش )
وسمع صوت الهوا اللى بيحصل لما اجرى بالعربية بس بيقولى ان الار بي ام مظبوط
المهم بعد ما خلص جالى مهندس من الورشة مش المهندس اللى استلم العربية قعد يتكلم معايا ويفهمنى ازاى الفتيس بيشتغل وانه كمبيوتر فهو بيشوف الاحمال على العربية وبينقل من نقلة لنقلة بناء على الاحمال وان لو الهوا بس عكس العربية ده ممكن يخلى الار بي ام يوصل من 2 ل 3
طبعا انا مقتنعتش وحاولت اناقشه بس بصراحة هو فى وسط الكلام قالى انا مش عايز افتى ففهمت انه مش عايز يفتى فى حاجة هو مش فاهمها واخدت نفسي والعربية ومشيت خوفا على العربية
المهم ان صوت الموتور نوعا ما اتظبط ( مش زى الاول ) وصوت الهوا برده اتظبط نوعا ما ( مازلت سامع صوت هوا جامد جدا بعد ال 120 )
اللى هيجننى بجد هو موضوع الار بي ام ده انا متاكد بنسبة كبيرة جدا انى كنت بفضل ماشي على 120 والار بي ام على 2
فكنت عايز اتاكد منكم لو سمحتم هل لما ابقى ماشي على 120 بيبقى الار بي ام على كام ؟؟؟؟؟؟؟؟؟
مع العلم ان العربية كيا سيراتو الفتيس الجديد ( 6 سرعات ) sx بفتحة سقف
وشكرا ليكم مقدما

[memodina1]

بص انا هكلمك على اللى متاكد منة وعارفة اللى هو الاربى ام
من المستحيل علميا ومنطقيا انى العربية تكون على 120 والاربى ام على 2
اولا انت 1600 سىسى لو حسبتها بطريقة علمية حسب الكاتالوج هيبقى العزم على نيوتن فى السرعة الاولى هيكون 20 عند 2500 لفة فى الدقيقة
طب التانى هيبقى 45 على برضة 2500
والتالت 65 على 2500 لفة
والرابع 80 الى 85 على 2500 طب الخامس بقى اللى هو هيكون عندك الاوفر درايف هيكون على كام
100 على 2500 لفة فى الدقيقة يعنى انت بقى 120 سرعتك احسب بقى بالة الحاسبة الفرق على نيوتن
2500 /100=25
اضرب بقى 25 فى السرعة الذائدة عن المية اللى هى 20 كيلو زيادة لكى تصبح 120 كيلو فى الساعة يبقى
25 فى 20 اللى هى السرعة الذائدة =500
طيب انت لما تبقى على 100 بيكون 2500 لفة لما تذود 20 طلعت بكام لفة فوق لما حسبنا 500 لفة زيادة
يبقة مجموعهم 3000 لفة فى الدقيقة اللى هى ظاهرة عندك
دا بالنسبة للفتيس الاتوماتيك اللى اعرفة انما حكاية ست سرعات دى هل تقصد انى فيها سادس كمان مش عارف معتقدش لانى لو ست سرعات من الاول للسادس دا كلام تانى دى معلوماتى اللى عارفها وبرضة اتاكد من الاعضاء هيفدوك وللعلم العربية اللى معايا لما بكون على 120 بتكون على 3000 لفة فى الدقيقة والعربية 1600

[OBADSOMA]

هههههههههههههههههه حلو قوى اللى انت قلته ده
بس عليا النعمة ما انا فاهم حاجة انا كنت فاهم الكلام ده لما كنت علمى رياضة لكن دلوقتى ---------------
عموما ربنا يطمنك واديني مستنى باقى الاعضاء يردوا عليا
ملحوظة مهمة جدا انت المفروض تشتغل معاهم فى التوكيل على فكرة لانى محستش ان فى عندهم حد فاهم زيك كدا

[memodina1]

المشاركة الأصلية كتبت بواسطة OBADSOMA هههههههههههههههههه حلو قوى اللى انت قلته ده بس عليا النعمة ما انا فاهم حاجة انا كنت فاهم الكلام ده لما كنت علمى رياضة لكن دلوقتى --------------- عموما ربنا يطمنك واديني مستنى باقى الاعضاء يردوا عليا ملحوظة مهمة جدا انت المفروض تشتغل معاهم فى التوكيل على فكرة لانى محستش ان فى عندهم حد فاهم زيك كدا

حبيب قلبى ربنا يكرمك بس انا بحب جدا المجال دا ومشروع حياتى امتلاك توكيل سيارات وبالاخص هيونداى