تحذير هام جدا لكل ملاك هيونداي احذروا التعامل مع واحد اسمة المهندس : محمد بيومي

[dodohany]

انا عندي فيرنا وكنت محتاج اعمل صيانة 60 الف ومبحبش اروح التوكيل لان شغلهم من مضبوط وظروف شغلي تمنعني فكلمت الاستاذ احمد المشرف فتفضل مشكورا واداني رقم تليفون واحد اسمة المهندس محمد بيومي ورشتة في مدينة نصر وقالي انه كان شغال في التوكيل المهم روحت عنده وغيرنا سيور العربية بالكامل وعمل اللازم علي فكرة هو مش مركز صيانة ولا حاجة ده محل بطاريات بتاع والده والصنايعية بيشتغلوا في الشارع ومن هنا بدات المشاكل روحتلة مرتين عشان السيور كانت بتصفر طول منا ماشي وكل مرة يقعد يلعب في العربية ومفيش تحسن لغاية متظبتت بعدها حسيت ان العربية عزمها قل ورحت تاني نظفلي البوابة وكسرلي مسمار الحساسات وقعدنا ندور علية لغاية ما جبناه استراد بعدها قلتلوا الجنت اليمين بيسخن قوي قعد عمل فيها ابو العريف وفكلي علبة زيت الباكم وفضل يلعب في المسمار اللي ورا العلبة لغاية ما العربية مباش فيها فرامل خالص وقعدنا في المشكلة ديه من الساعة 8 مساءا حتي الساعة 6:30 صباحاً لغاية ماروحت ساحب العربية علي التوكيل واتعملت هناك ورحت القسم عملتله محضر بعد ما خد تقرير من هيونداي باللي حصل في العربية واكتشف انه اشتغل في غبور 6 شهور فقط وتم فصلة لانه كان بياخد الناس من التوكيل للورشة بتاعتة .
وديه كانت قصتي مع اللي مش مهندس خالص
يا ريت يا جماعة اي حد يقول ان مهندس كان شغال في التوكيل يتاكد الاول قبل ما يبوظ حاجة في عربيته
انا مش عايز الاستاذ احمد يزعل مني لاني متاكد انه كانت نيته خير وماكنش يعرف اللي ان عرفتة .......

[Good09]

شكرا للتنبيه

[رياح التغيير]

جزاك الله خير عالتنبيه وحسبي الله ونعم الوكيل فآكلي مال الناس بالباطل ربنا ينورنا ويزيح الجهل اللي في قلوب الناس

[misoalex]

ويعنى هو كل الى بيشتغل فى التوكيل بيفهم

وبرضه هو كان بيشتغل ايه فى التوكيل ما يمكن كان شغال بليه
و6 شهو فتره مش كفايه طبعا

[love7amada]

سمعت عنه ع واحد بيوصفه لوحد ع مندي تاني