مشكلة جننتنى وخلت الميكانيكية تشتغلنى صح

[elshafey]

المشاركة الأصلية كتبت بواسطة aymanlaw حضرتك اول بتطلع بلعربية هل هناك تأخير فى الغيارات ؟ هل بتشعر لما العربية بتنقل فى نتشه حتى ولو بسيطه وهل الصوت بيعلى قبل الغيار وبعدها اى بعد لما الغيار بيجى الصوت بريوح؟ هل حضرتك راجعت على قربة المياه ,راجع عليها وشوف هل يوجد بها تغير فى لون المياه اورحته يعنى مثلاً وجود بقع زيت او لون مائل للطحينه ,هل ريحت المياه مغيره زى ريحت الزيت كده .. حاول تراج على ماقلته لحضرتك وشكراً

مافيش اى تاخير نهائى والعربية بتاخد الغيرات افضل من الطبيعى كمان
وما فيش اى تنتيش ولا حاجه الحمد لله والصوت بيبدئى بالظبط عند سرعه 70 وبتبقى فى قمتها والصوت العالى بتاعها عن 80 واول ما بتزيد السرعه وتوصل 100 الصوت بيروح نهائى ولما اجى اهدى وانزل لل80 الصوت يرجع تانى

راجعت على المية الحمد لله مافهاش اى تغيير او نقص او الوان مختلفة

وشكرا على ردك

[elshafey]

المشاركة الأصلية كتبت بواسطة tonsy1979 طبعا مفيش كرونة بصفة عامة فى الجر الامامى وبالنسبة للونة دى من الفتيس علشان حضرتك ممكن تكون مشيت عليه بعد مالزيت نزل فحصلت الونة دى وتقريبا بالنسبة لكلام حضرتك انك بتسمعها على سرعة 80 فكدة المشكلة عندك فى ترس الغيار التالت وممكن تمشى حالك شوية بالفتيس وتبقى تغيره بعدين لانه غالى شوية بيعمل 2500ج وهيدوخك حبتين عقبال متلاقيه لانه مش موجود منه كتير وبعدين معظم فتيسات اللانوس الاوتوماتيك بيبقى فيه عيوب فنية وما انصحكش بتصليحه لانه مستحيل ومكلف ولو اتفتح هيرجع بعيوب اكتر من الاول ... وربنا معاك

وده فعلا اللى واحد ميكانيكى قالهولى بس قالى زود الزيت وهو يروح وزودته فعلا والعربية لسه فيها الونه بس بقت ناعمة مش ونة زى الاول

بس بعد اذن حضرتك مافيش حل نهائى ؟؟ او حتى محاولة وانا فعلا خايف اجازف وافتح الفتيس يظهر مشاكل اكتر بعد الفك والتركيب واندم

انا بحاول استفسر واشوف حلول او اقتراحات اتفادى بيها اى خطر واشوف مخرج
وانا شاكر حضرتك على ردك الكريم

[M.TONSY]

عموما لو مستبيع مع الفتيس ممكن تحاول معاه بس انت وحظك هتروح لصليبة اللى فى شبرا ده اشهر واحد بيصلح فتيسات فى مصر كلها بس مش عارف ليه فى الاوتوماتيك ولا لاء
والونة اصلها بتبقى زى حرق فى التروس نتيجة سخونتها العالية وحركتها بدون الزيت يؤدى الى تآكلها وزيادة الخلوص بينها ودى حله الوحيد بتغيير شجرة التروس كلها يعنى فتيس جديد من الاخر لو الصوت بسيط حاول تتعايش معاه لان تغيير الفتيس صعب شوية

[aymanlaw]

يبقى فى مشكلة فى الكلاتشات لأنك مشيت والعربية مفيهاش زيت الفتيس والكلتشات دى بتكون مصنوعة من مادة زى الكرتون وهى زى الديسكات وده على حد علمى لأنى مش خبير المهم هذه الكلتشات بتتأثر سريعاً وبتتعرض للتلف لذلك بتتلف اما لدخول مياه تبريد الزيت من السبربنتينه الموجودة فى الريداتير او لو الزيت نقص لو حدث له تلف لعدم تغيره فى الميعاد المقرر فى اليوزر مانيول يعنى من الأخر يجب مراعات هذا الفتيس بأتباع تفاصيل صيانته وكمان من الأشياء الخاطئه انك تركن العربية على الp والعربية وقفه فى منزل او مطلع لأن التحميل هنا بيكون على الفتيس ولكن الأفضل انك تضع الفتيس على الn وتشد فرامل اليد وعموماً ربنا يستر ومع الوقت الزيت الجديد يطبع مع الفتيس وترجع الأمور للوضع الطبيعى إن شاء الله وابقى طمئنا عليك

[aymanlaw]

المشاركة الأصلية كتبت بواسطة tonsy1979 عموما لو مستبيع مع الفتيس ممكن تحاول معاه بس انت وحظك هتروح لصليبة اللى فى شبرا ده اشهر واحد بيصلح فتيسات فى مصر كلها بس مش عارف ليه فى الاوتوماتيك ولا لاء والونة اصلها بتبقى زى حرق فى التروس نتيجة سخونتها العالية وحركتها بدون الزيت يؤدى الى تآكلها وزيادة الخلوص بينها ودى حله الوحيد بتغيير شجرة التروس كلها يعنى فتيس جديد من الاخر لو الصوت بسيط حاول تتعايش معاه لان تغيير الفتيس صعب شوية

هو حضرتك طالما العقل الخاص بلفتيس مفهوش مشاكل بيتم تصليح الفتيس بطقم اصلاح فقط وده ثمنه حوالى 600 جنيه بس بلطبع مهما حصل مش ممكن هيرحع الفتيس ذى حالته الأولى ولكن طالما الأمور هادئة يبقى يخليه معاه ويجوز قوى ان الزيت يبدأ يرجع الأمور لسابق عهدها بأذن الله,وكمان اعتقد إنه كان لازم يغير الزيت الى حطه علشان لو فيه رايش او أى تأكل ينزل وميجرحش فى باقى التروس وبعد كده يضع زيت عى نظافة وكمان ياريت لو فى مادة توضع مع الزيت الجديد لتنعيم الحركة الهيدرولكية واعتقد دى يسأل فيها فى قسم الزيوت ويعرف ايه هى الأضافات الى ممكن تكون عامل مساعد على اعادة الليونه للفتيس وقد تكون عامل مساعد على القضاء على هذه الونه ,والله الموفق