عن اسبيراتير ريتمو الالكترونى بديل اشعال 128 التقليدى

[الايطالى الصغير]

جزاك الله عنى كل خير على ردك وانا فقط اريد الاستوضاح منك فى جزئيه فين بيتباع مشط الاسبيراتير سواء الريجاتا او الريتمو او ال128 يا أستاذ حازم لانى لفيت كعب داير على كل محلات قطع الغيار المشهورة كلها ما سبتش وكلهم قالوا كلمه ورد واحد مش موجود تجيبه استيرادرحت لبتوع الاستيراد الى اصلا هشترى منهم الاسبيراتير الالكترونى مستعمل قالولى انت وحظك المشط قليل مش كثير ولازم تنزل مصر تجيبه وممكن تدوخ عليه كمان ولما تجيبه انت وبختك لانه استيراد ما فيش جديد طيب انا عايز اعرف موجود فين فى القاهرة وهل بيبقى جديد ولا استيرادوياريت يبقى جديد ارجو ممن لديه رد او معلومة ان يفيدنا افادكم الله

[sayed2077]

نصيحة من اخ لأخوه بلاش تجيب اسبراتير الكترونى
والله هتغلب لو المشط اتحرق ركب الاسبراتير العادى اللى فيه ابلاتين وكندينسر غير ان المشط بيتحرق على طول بدون مقدمات او بدون تحذير كمان مش هتلاقيه وهيبقى غالى جدا فخليك فى الاسبراتير العادى ده حتى لو الابلاتين او الكوندينسر قربوا يبوظوا بيدوك وقت كبير يخليك تقدر تسايس العربية لغاية اقرب ميكانيكى غير كده الابلاتين والكوندينسر فى كل محل بقالة فى مصر الاتنين فى حدود 20 جنية بس
والاختيار فى الاخر ليك

[الايطالى الصغير]

مشكور على نصيحتك ربنا يبارك فيك
بس والله انا بشكى همى الى الله
لان كل شوية الابلاتين يدلع وانا اتخنقت
والعربية مكتومة وكل مرة يطلع الابلاتين والكوندنسر
والخامة بقت وحشة وزى الزفت وكله مضروب
ايه الى رماك الى المر الى أمررر منه
واللى شجعنى اكثر لقيت كذا واحد مركبه وبصراحة فيه فرق
وقالى واحد ان الى هتدفعه كل شويه ابلاتين وكوندنسر هات بيه الكترونى
وهو ماشى وحاطط فى الشنطة مشط احتياطى
لو قطعت هينزل ويركبه ويمشى
والله احترت
لله الامر من قبل ومن بعد