(إنا لله و إنا إليه راجعون) الموتور محتاج عمرة

[mr_astra]

انا معايا لادا سمارة وواقع فى نفس مشكلة الزميل الفاضل وانا كل ما ينقص الزيت اذود الموتور هل دة غلط ولا لأ

اكيد مش غلط والغلط ان الموتور مستوى الزيت فية يقل عن علامة MIn

استر يا رب, بالله عليكم أسألكم الدعاء

ربنا معاك ويطلع الموتور كويس وتفرح بعربيتك

[حسام البورسعيدى]

المشاركة الأصلية كتبت بواسطة Ahmed Elsahhar لو الموتور بياكل زيت وفى دخنة فى فايظ الماتور ونقص الزيت واضح جدا دة يبقى عمرة كاملة ولا نص عمرة ولو محتاجة عمرة كاملة يبقى موتور استيراد افضل ولا العمرة مع العلم ان الاتنين تقريبا بنفس السعر انا معايا لادا سمارة وواقع فى نفس مشكلة الزميل الفاضل وانا كل ما ينقص الزيت اذود الموتور هل دة غلط ولا لأ

متقدرش تحدد حاله الموتور بالظبط الا لما يتفتح للاسف ..

بس عموما لو الموتور كويس وسحبه حلو ولا بيرزع ولا بيبرجل والدواره بتاعته معقوله وكده .. والمشكلة بس فى نقص الزيت والدخنه يبقى ده مؤشر كويس انه محتاج نص عمره بس (طقم شنبر) ... بس برضو مش هتبقى متأكد بنسبة 100% الا والموتور مفتوح قدامك .....

لو محتاجه عمره كامله يبقى الافضل طبعا موتور استيراد او على الاقل نصف موتور (بلوك بس) من غير وش سلندر ...

برضو انصحك تحط زيت تقيل (ممكن تحط موبيل دلفاك) بتاع الديزل وتحط عليه زيت شنبر وده هيخليك تحس بتحسن شويه ........

[overmarc]

السلام عليكم
بص يا استاذنا
انا كان عندى مشكله شبيهه بمشكلتك ديه واقترح عليا زميل الموقع mr astra بتغير ترس طرمبة الزيت اللى تحت الاسبراتير والعربيه اتحسنت كتير والميكانيكى كان قاللى نفس الكلام اللى اتقالك
وقاللى ان فيه بوجيه لازم يتغير كل ما العربيه تبرجل وعرفنى هو انهى واحد
بس الحمد لله انا لغاية دلوقتى مغيرتهوش والعربيه ماشيه كويس ومفيش دخنه من الموتور ولا حاجه ومستوى الزيت كويس
فيمكن يكون الميكانيكى عايز يفتح شغل
وربنا يسترها معاك ومعانا

[zing0]

أنا نويت أكشف عالموتور فى بنزينه علشان آخد تقرير دقيق بحالة الموتور بدل الميكانيكية ميشتغلوا علينا

[AbOnOrA]

ان شاء الله خير وعربيتك ترجع احسن من الاول