|
جاك JAC جاك JAC تأسست عام 99 و متخصصة فى صناعة السيارات التجارية و الميكروباص و قد حققت انتشار دولى فى هذا المجال و قدمت سيارات ركوب مؤخرا بتصميمات إيطالية تنبئ بمستقبل مبهر لتلك السيارة |
|
أدوات الموضوع |
#1
|
||||
|
||||
الحمد لله العربية اتخبطت فى الباب الأمامى اليمين
الحمدلله العربية اتخبطت فى الباب اليمين الأمامى فى منتصف الباب والأوكرة وجزء صغير من الرفرف الخلفى --ولكن منظر الباب يحزن مع انه لم يحدث شىء للطلاء ,يعنى الدهان زى ماهو ومع ان الخبطه شعرت بها كأن السيارة او الباب على وجه الخصوص اصبح كفته ولكنى عندما خرجت من العريبه وجدت ان الموضوع مش على قدر سماعى الصوت ,يعنى الحمد لله صاج قوى ورالفعل اقوى وعلى العلم انا لااركب العربية كثير فهى الى الأن عملة 4.230 وهى معايا من شهر 7 -2010 --يعنى ليها 9 اشهر فقط.ولكن الحمدلله على كل حال.قدرالله ومشاء فعل.وعلى فكرة الى عمل الحادث معى كانت سيارة ميكروباص, هو كان داخل من ملف بسرعة --وخبط باالأكسدام بتاعه من ناحية الشمال الخاصه به --وفجأة وجدة اكسدامه على الأرض والفانوس بتاعه الشمال انتهى بلكامل والجنب الشمال بتاعه دخل على العجلة الأمامية لدرجة ان الباب الخاص بلسائق لم يعد يفتح ونزل من باب الركاب بصراحة صعب عليا لأن الموضوع عنده أكبر منى مع ان الميكروباص تويوتا الجديده العريضه عربيه ورق وقلت له ابعد عن العربيات الصينى اديك شفت الى بيعمل فتوه على الصينى بيحصله ايه ده حتى المراية بتعته دخلت جوه الميكروباص وكل ما اشوف الجاك وابص على الميكروباس استعجب الى حصل للميكروباص وواضح ان الصوت الجامد ده كان للميكروباص لأنى اعتقدت ان العربية عندى ادمرت ولكن الى حصل كان العكس ان الميكروباص هو الى اتشوه --وطبعا قلت الحمدلله وتركت صاحب الميكروباص لحاله ولمصيبته لأن الموضوع عنده كبير--يعنى باب ووجه السيارة من الأمام مع الفانوس كامل والأكسدام ومراية والزجاج الأمامى عنده فيه شرخ بسيط والى الأن مندهش لما حدث --عامل كده زى ثورة 25 يناير --يعنى حاجة متتصدقش بلنسبه للميكروباص يعنى عامل زى حسنى وحكومته (نمر من ورق) .احمدالله على كل حال.وهذا كل ماحدث.وربنا يبعد عنكم شر الحوادث--جميعا--وهصورلكم الخبطه قريباً.
|
#2
|
||||
|
||||
رد: الحمد لله العربية اتخبطت فى الباب الأمامى اليمين
الحمد لله لعى سلامتك اولا وقدر الله وماشاء فعل واهم حاجة انك بخير والاسرة وكله يتصلح وفعلا الجاك عربية محترمة جدا
|
#3
|
||||
|
||||
رد: الحمد لله العربية اتخبطت فى الباب الأمامى اليمين
الف شكر وربنا يكفينا جميعا شر المستخبى--شكرا جزيلاً لحضرتك.
|
#4
|
||||
|
||||
رد: الحمد لله العربية اتخبطت فى الباب الأمامى اليمين
احمد ربنا انها جت على اد كده اهم شئ سلامتك
|
#5
|
||||
|
||||
رد: الحمد لله العربية اتخبطت فى الباب الأمامى اليمين
سيبك انته اهم حاجه انك سالم سلامة--و سلامه سلامه راجعين بلسلامه --شكراً
|
|
|