ارشيف الاستراحة 2011

[sad-bird]

المشاركة الأصلية كتبت بواسطة mido-spicy خايف اصدقك هيبقى بجد ساعتها يا خساره .... زمان فضلنا نقول العيب مش فينا .. العيب فى اللى مساكينها وناهبينها وخاربينها طيب دلوقتى ... عيب مين ؟؟؟؟؟ نعيب زماننا والعيب فينا .. وما لزماننا عيب سوانا لا اله الا انت سبحانك .. انى كنت من الظالمين

مش فاكر مرة في رد ليا لما واحد بيقولي حال البلد هينصلح امتى
قولتله لما تخصلنا نكسة زي 67 او اشد
ممكن نفكر اننا نعمل نصر زي 73 أو افضل

[_amr.mostafa_]

المشاركة الأصلية كتبت بواسطة sad-bird اجبت فأوفيت مفيش كلام تاني يتقال لكن فيه نموذج يتقال اللي بيسافر بره بيلتزم باشارة المرور في الدولة اللي رايحها لأنه عارف ان القانون هيحاسبه لكن هنا بيكسر الاشارة وركن في الممنوع ويزوغ من الشغل وغيره وغيره

لا ياعم الحاج مين قال ..

كل الكلام ده بيحصل تزويغ من الشغل وضرب زوناب في زمايله وقطع اشارات اذا كان الطريق

فاضي وركوب عربيات مخسعه بتكب بنزين..

[_amr.mostafa_]

هههههههههههههه

تعيشو وتاكلوها:crazyW 14:

[مهند سالم]

بالراحة يا جماعة ، إحنا شعب 80 مليون، لما يبقى فيهم مليون واحد متخلفين دي نسبة جيدة جدا، وما تنسوش إن نظام التعليم في مصر كان نظام متخلف ، أنجب مجموعة من جهلة المتعلمين بجانب الأميين والجهلة الأصليين.
بإذن الله كل ده مع الوقت هيتغير، صدقوني دول شرق آسيا كانت أسوأ مننا مليون مرة، لكن لما تفشى فيهم العدل ، واتعلموا تعليم محترم حصلت ليهم طفرة، الرجاء بعض الصبر، ده شعب كان بيتحكم بالحديد والنار، هياخد شوية وقت على ما يتعود على الحرية المسئولة، وإن شاء الله الأفضل قادم، لا تيأسوا، لقد عشنا الأسوأ بالفعل، ولم يبق بإذن الله إلا أن نعيش ما هو أفضل. اللهم أصلح أحوالنا، آمين

[sad-bird]

المشاركة الأصلية كتبت بواسطة _amr.mostafa_ لا ياعم الحاج مين قال .. كل الكلام ده بيحصل تزويغ من الشغل وضرب زوناب في زمايله وقطع اشارات اذا كان الطريق فاضي وركوب عربيات مخسعه بتكب بنزين..

مش فاهم قصدك ايه