|
#491
22-08-2010, 12:16 AM
|
||||
|
||||
رد: أدب الرحلات
حكايات سريعة
1ـــ كان القطار متوقف فى بنها وبدأ التحرك وبدأت سرعته تزيد ثم فوجئت بعيل معاه خشبة طولها حوالى نص متر وكل اللى مطلع ايده من الشباك يروح ضاربه بيها حظه الزفت متفهمش ليه القطار توقف وكل اللى انضربو نزلو طحنوووووووووووووووه ياخواننا ده عيل لكن كلهم كانت ايديهم بتوجعهم ونزلو خلصوه على جتـتـه ولم ينقذه الا تحرك القطار مرة تانية نصيبه كده 2ـــ وكنا فى طنطا وبدأ القطار فى التحرك ايضا ودخل شاب سنه لايزيد عن 22 او 23 سنة بالكتير وبص لركاب القطار وقال / ياحيوانات ياللى فى القطار كلكم حيوانات وانا كنت هرد عليه لكن قلت بدل الانفعال اصبر واتفرج على رد فعل الركاب وكانت ردود فعلا متباينة واحد/ احنا حيوانات ياابن كذا واحد تانى/ اصلك مش متربى تالت / ياتربية و......... رابع / وحياة أ........ لو القطار وقف او شفتك تانى هنزل اربيك انا حفظت شكلك خلاص اما اطرف رد فيهم ده واحد كان قاعد جنبى بعدما فرغ شحنة الغضب فيه وهيا عبارة عن مجموعة شتائم من العيار التقيل ويعاقب عليها قانون العقوبات لو قلناها هنا جلس طول الطريق من طنطا للقاهرة وهو يكرر جملة واحدة موجها كلامه لي / احنا حيوانات احنا احنا حيوانات اللى مش متربى وللخلاص منه تركته حين دخلنا شبرا واتمشيت الى اول القطار وانا بنزل من القطار فى القاهرة فوجئت ب أيد بتتحط على كتفى وبتلفت لقيته بيقول لى / احنا حيوانات احنا 3ــ فى عادة غريبة فى ركاب قطارات الوجه البحرى وخصوصا العادية وهى المشى داخل القطار بعد شبرا الى اول عربية للقطارات الداخلة القاهرة وفى يوم كنت مع واحد من رفقاء الطريق وقال بعد شبرا / حمدا لله على السلامة الله يسلمك تعالى نتمشى لحد اول القطار فقمت معاه وفى اول عربية لقيت واد شكله مسجل خطر وماسك مطوة وبيكلم واحد من الركاب و ماسكه من ياقة القميص ونازل فيه شتيمة ولازم يطلع له فلوس من جيبه والراكب خايف ويقول مش معايا فشتمه وان جيتو للحق انا وبطريقة لاشعورية ضربت الواد على دماغه فاتعدل بسرعة وباسلوب رد الفعل( وسبحان الله) ان واخد بالى وعينى على المطوة لكن ضربنى بأيده ف وشى وزقنى وقعنى على الارض ونط من القطار الغريبة بقى ان الراجل اللى كانت المطوة على رقبته فاق من الصدمة وقام شكرنى ونزل شتيمة فى كل ركاب القطار اللى كانو واقفين يتفرجو عليه 4 ــ عمك سعودى تاجر عكاكيز جمع عكاز وتلاقيه ربط ربطة كبيــــــرة وبيلف بيها فى القطار وفى يوم قامت خناقة مع عمك سعودى وفوجئت بيه سحب عصاية وهات ياضرب فى اللى بيتخانق معاه لحد م كسرها على دماغه وراح ساحب التانية ونزل ضرب فى الراجل لحد م حوشناه منه بالعافية ولقيته بيقول /اصله غاظنى خلانى كسرتها على دماغه انا /ياعم عصايتك هيا اللى تعبانة مستحملتش ضربتين عمك سعودى م يتغلبش ورد وقال / ده هو اللى فئرى و راسه ناشفة كسرت العصاية هههههههههههههههههههههههه 
|
|
#492
22-08-2010, 12:31 AM
|
||||
|
||||
رد: أدب الرحلات
لا يا باشا انا لسه بدري عليا انت الأول
__________________
ولا نقول إلا ما يرضي ربنا إنا لله و إنا إليه راجعون
|
|
#493
22-08-2010, 04:05 AM
|
||||
|
||||
رد: أدب الرحلات
ثم ان القصب اللى بيتعمل منه السكر عبارة عن قصب احمر وتخين وطويل وناشف وده من الارض الى المصنع مباشرة ولايجوز بيعه يبقى ازاى شفته فى محل العصير ومعرفتوش تشربوه ليه كان مسكر جدا والا عليه ليمون كعادة اهل الصعيد والا الكوبايه كانت طويلة جداااااااااا اى حد يقول لك ان القصب النضيف بيتباع غلطان ولو انت نزلت غيط القصب زى مقلت كان لازم تلاحظ خط سكة حديد صغير بيمشى عليه قطار صغير من الغيط الى المصنع مباشرة ولا يجوز بيعه والقصب مبيكسبش ولكن الفلاح فى الصعيد مجبر على زراعته قهرا وظلما وعدوانا لانه بيتعمل منه افخر انواع السكر وبرضه انت مبتشوفش هذا السكر لانه بيتصدر بره بسعر وبنستورد سكر معفن بسعر تانى من الفليبين وفرق السعر بيعمل شوية دولارات لصالح البلد (قصدى حرامية البلد) وانا بعينى شفت هذا الكلام فى مصنع جرجا وشفت اللوارى جاية من المينا ومحملة سكر فى اشولة بنى ده بتاع الفلبين ولوارى تانية محملة سكر فى اشولة بيضا وده بتاعنا المفتخر واللى بنصدره لاوروبا لكن هذا الكلام ليس من سياق القصة ويعتبر حشو عليها فلم أذكره
|
|
#495
22-08-2010, 05:03 AM
|
||||
|
||||
|
رد: أدب الرحلات
مقدمة لابد منها
كان لى عادة تودى فى داهيه احيانا وتعلم الناس احيانا أخرى وهيا مناقشة الناس فى أمور تهم الكثيرين منهم واحيانا فى سياسة الدولة او سياسة الحكم او التاريخ او حضارة مصر او قيمتها او غيرها ويكون الناتج مضحكا احيانا محزنا احيانا اخرى قويا احيانا مثيرا احيانا اخرى ومدهشا فى احيان ثالثة وغالبية هذه المؤتمرات تكون داخل القطارات العادية حيث اغلبية الشعب الكادح والعامل والطالب والموظف والفلاح وايدى الدولة نفسها(امن الدولة) داخل القطار لان بعض الناس يفهم مسألة ركوب القطار المكيف خطأ تجده طول الرحلة يضع رجل على رجل بعظمة وخصوصا ركاب التوربينى او الأسبانى والدرجة الاولى يظهر فيها هذا المرض واضحا حتى انى رأيت ذات مرة واحد يضع رجل على رجل (المكسورة على المقشفة على رأى واحد ههههههه) من القاهرة حتى اسكندرية لدرجة ان رجلى انا وجعتنى بالنيابة عنه ولايتحدث مع احد مطلقا واحيانا يسكت لاينطق ولايرفع عينه عن الجريدة اللتى اشتراها من محطة القاهرة حتى ولو استمرت الرحلة اكثر من عشرتاشر ساعة (كتير يعنى زى عشرومية والالوان الكحكحى والمحمحى والفحلقى كله طبعا بالضمة وحسبى الله ونعم الوكيل فى اللى بوظو اللغة العربية) والآن الى المؤتمر الأول التعديل الأخير تم بواسطة خالدخليفة ; 22-08-2010 الساعة 05:12 AM
|
 |
|
|
