ارشيف الاستراحة 2011

[ahmed_harb777]

الاستاذ / نبيل
انا بحيي حضرتك علي طرح الموضوع المهم
بس الحقيقه انا رايي ان المشكله مش في اختيار الرجل اوالمراه
المشكله هي ان اللي بيختار بيختار ايه
كل اللي بيختار بيختار مال او جمال اوالاثنين ونسوا كلام رسول الله صلي الله عليه وسلم وازفر بذات الدين تربت يداك

ومش عاوزين ننسي ان السيده خديجه رضي الله عنها هي التي عرضت علي الرسول عليه الصلاه والسلام الزواج
الانها اختارت الصادق الامين وذلك كان قبل ان تنزل عليه الرسله

[hazem_khidr]

انا حتكلم عن شقين في الموضوع دا
كثره الطلاق:
و دا بسبب ان مافيش حد بيتحمل مسئوليه دلوقتي لا الراجل ولا الست
اي واحد حاليا اهله مساعدينه في الجواز مهما كان علي الاقل والده جايب له شقه
حتي لو مأجر بيكون اهله ساعدوه في العفش و الجهاز المغالي فيه طبعا
حتي البنت مافيش اي تحمل مسئوليه
معظم البنات بتدخل كليه علشان يبقي معاها شهاده و هي بتتجوز
و نتيجه للمغالاه في التجهيزات و كل واحد يبص للتاني
نلاقي ان اي واحده عاوزه تتجوز عاوزه تدخل جاهزه من كل حاجه
و الغريب ان بيبقي عند البنت خبرات غريبه في مجال الديكورات و الاجهزه و العفش
و ما اعرفش الخبره دي جات لها منين رغم انها مش خريجه هندسه ديكور او اتجوزت قبل كده!!!!
المهم طبعا المغالاه دي مش بيدفع تمنها الشاب لوحده و بس
لا كمان اهل العروسه بيدفعوا في سبيل شقه بنتهم(و نسيوا هما لما ابتدوا حياتهم كانوا بدأوا ازاي)
و مع تطور الامر اصبح الولد بيدفع النص و البنت بتدفع النص
او بمعني اصح اهل العريس بيدفعوا النص و اهل العروسه بيدفعوا النص
و النتيجه بيت جميل من بره و فااااااااضي من جوه
مافيش اساس و المنظره و الرفاهيه هي اللي بتتحكم في الجوازه دي
طبعا النتيجه مع اول خلاف او التاني او التالت
الاتنين بيبقوا علي استعداد انهم يتخلوا عن بعض
ماهو طبعا الاتنين مش دافعين حاجه في الجوازه و الاهل هما اللي شاربين المر
يبدأو يتكلموا في انفصال و طلاق
بيساعد البنت علي كده ان معاها قايمه بالعفش و مش خسرانه حاجه
و تبدأ تضغط علي الولد علشان عارفه انه حيخاف من اللي حيدفعه
لكن برضه الولد ما دفعش حاجه دا اهله اللي دافعين
و نلاقي الموضوع ماشي في سكه طلاق او خلع
ماهو حتي لو خلع مش حياخد فلوس علشان كاتب المهر جنيه واحد علشان ما يدفعش رسوم
تسجيل اد كده في المحكمه
يلاقي نفسه طالع من الجوازه من غير حاجه نهائي و هي شويه عفش و طفل او طفله
بيقابل والده كل اسبوع في النادي حسب قرار المحكمه !!!!!!!
و هو يدور علي بنت تانيه ممن فات عليهم قطار الزواج نظرا لبساطتهم
و هي مش حتلاقي غير واحد مطلق يرضي بيها و غالبا اكبر منها في السن بكتير


الشق التاني فيما يخص اختيار الزوجه او العصمه معاها
ربنا قال الرجال قوامون عن النساء و ان المرأه بتحكمها العاطفه اكتر من الرجل
و دا اكيد من الاسباب تحريم الزوجه من الجواز باربعه زي الراجل
تخيل لو الحق دا ممنوح للمرأه كانت حتعمل ايه؟؟؟!!!!!!!!!

[mainz]

نورت والله ياباشا والمنتدى يهتز فرحا بقدومك

[حسام البورسعيدى]

مفيش احلى من النزول فى الوقت ده بالعربية ...

ويا سلام سلم بقى لو قافل الازاز والجو حلو واغنية هادية وصوت متوسط ومزاجك رايق مفيش مشاكل وفاضى ....

يا سلااااااااااااااااااااااا م

تصدق جعت (على رأى اشرف عبد الباقى) هههههههههههههه

[Injection]

المشاركة الأصلية كتبت بواسطة حسام البورسعيدى مفيش احلى من النزول فى الوقت ده بالعربية ... ويا سلام سلم بقى لو قافل الازاز والجو حلو واغنية هادية وصوت متوسط ومزاجك رايق مفيش مشاكل وفاضى ....

المشاركة الأصلية كتبت بواسطة حسام البورسعيدى يا سلااااااااااااااااااااااا م تصدق جعت (على رأى اشرف عبد الباقى) هههههههههههههه

أنت بتقول فيها ياحسام باشا

كنت لحد فترة قريبة بنزل على طريق المطار, اللى بيودى على كوبرى المطار وأطير مش أقل من 140 وغرز وبتاع.

لحد مافى مرة وأنا ماشى على طريق النصر, الكبوت فتح فى وشى وأنا ماشى 80, والأضرار صلحتها بأيدى, بس لسه الضرر النفسى موجود, وخايف أجرى المرة دى عجلة تطير ولا حاجة

وبعد الأحداث الأخيرة, وخصوصا أن العبد لله لسه فاضل شهر ونص على مايطلع رخصته, أخاف أنزل بدرى الاقى لجنة ولاحاجة أروح فى اللمون, ربنا يبعدهم عنا وعن حضرتك