ارشيف الاستراحة 2011

[sad-bird]

الاستاذة حنان
انا من ساعه ما قريتها وانا مش لاقي رد اقوله على الشخص ده
وربنا يحاسبه ان شاء الله على اللي بيعمله
هيروح فين
كلنا لنا يوم وهنمشي منها كل اللي بيشيله وبيفوره وبيسثتمره ده رايح ان مكنوش لبناته هيروح برضة لغيره

اما عن الحلول القانونية فمعلوماتي فيها محدودة ولكن يمكن ان تتقدم الام بشكوى الى المحكمة لبحث فعلا مدى حالة طليقها المادية وتحاول ان تدعم هذا بوثائق او بصور واظن ان المحكمة تتحقق من ذلك جديا ولا تهمله وفي حالة ثبوت ذلك فمجرد 300 جنية لن تكون هي النفقة المتبعه ولكن ان ثبت اكثر فسوف يؤخد أكثر ( تقريبا ربع دخله الشهري او السنوي )

[nktis]

ان شاء الله المانع خير..........

ياااااااااه الايام بتعدي هوا...كلها ايام والمفترض بانة سيبدأ العمل بالتوقيت الصيفي الا وهو تقديم الساعه 60 دقيقة كاملة للأمام ...ومحدش عارف هل بعد الثورة هيتلغي النظام دا عشان كان من ابتداع النظام السابق ولا التوقيت دا اثبت نجاحة وانه ملائم لمصر في الصيف...وايضا محدش يقدر ينسى كوميديا تطبيقة العام الماضي لما تم تعليق العمل به طوال فترة شهر رمضان المعظم واعيد تطبيقة بعدة لمدة زمنية بسيطة ...فهذا استفتاء لمدى جدوي التوقيت الصيفي.... هل انت تؤيده ولا لأ.....بغض النظر عن موضوع تطبيقة بواسطة النظام السابق ولا لأ؟
الرجاء المشاركة وابداء الرأي

[مهند سالم]

على فكرة مفيش دخل بين كونه علاقته حلوة بالبنات وبين النقفة الشهرية الواجبة، هو بيدفع النفقة لأن البنات في حضانة الأم، مش لأنه علاقته وحشة معاهم، الحالة الوحيدة إلا تخليه ما يدفعش النفقة إنه ياخدهم في حضانته.
لكن المشكلة الحقيقية هي إزاي المحامي بتاعها ما قدرش يثبت أملاك الزوج، دي مسألة بسيطة على أي محامي كويس، إنه يطلع على الشهر العقاري وعلى مصلحة الضرائب وعلى المصالح الحكومية إلا تثبت ملكية الزوج.
يعني إلا أنا فهمته ببساطة إن الزوج موكل محامي ألعوبان ، والزوجة موكلة محامي تعبان، لأن ببساطة المشكلة مشكلة محامي شاطر يثبت إن الزوج ليس فقيرا.
وربنا معاها، وإن شاء الله الحقوق هتترد.

[sad-bird]

المشاركة الأصلية كتبت بواسطة walidelwahsh ياااااااااه الايام بتعدي هوا...كلها ايام والمفترض بانة سيبدأ العمل بالتوقيت الصيفي الا وهو تقديم الساعه 60 دقيقة كاملة للأمام ...ومحدش عارف هل بعد الثورة هيتلغي النظام دا عشان كان من ابتداع النظام السابق ولا التوقيت دا اثبت نجاحة وانه ملائم لمصر في الصيف...وايضا محدش يقدر ينسى كوميديا تطبيقة العام الماضي لما تم تعليق العمل به طوال فترة شهر رمضان المعظم واعيد تطبيقة بعدة لمدة زمنية بسيطة ...فهذا استفتاء لمدى جدوي التوقيت الصيفي.... هل انت تؤيده ولا لأ.....بغض النظر عن موضوع تطبيقة بواسطة النظام السابق ولا لأ؟ الرجاء المشاركة وابداء الرأي

التوقيت الصيفي والشتوي مرتبط بمنظومة استهلاك الطاقة وده لاننا مش بنشتغل بعدد الساعات احنا بنشغل باليوم او بالنهار طلع او نزل
اما عن السنة اللي فاتت فده منصوص عليه في القانون ان مصر تعمل بالتوقيت الصيفي ( جرينتش + 2 ) ويستثني من ذلك شهر رمضان نظرا لطبيعة الجو في الصيف والصيام

نيجي بقى لو قلنا لا وعاوزين توقيت واحد
لو ثبت علينا الوقت هنيجي في الشتاء الساعه 7صباحا عاوزين ننزل نروح اشغالنا والدنيا هتكون ضلمة
هنيجي في الصيف عاوزين ننزل الساعه 7 هنبقى محتاجين تككييف فوق دماغنا
فموضوع التوقيت الصيفي والشتوي مرتبط بمنظومة الطاقة ولحسابات العلماء وليس استفتاء حكومي او شعبي


اخخخخخخخخخخخخ
رغيت كل ده ونسيت اقولك



كل سنة وانت طيب