ارشيف الاستراحة 2010

[منعم الكنج]

المشاركة الأصلية كتبت بواسطة احمد بدر1978 تسلم ايدك على الموضوع بس بلاش التعميم لانة بيزعلنى جدا فعلا الطبقة دى اكتر ناس بتخنوقنى بس حقولك حاجة انا منهم بس عمرى ما تكبرت على اى شغل ولا حطيت جل والكلام دة لدرجة ان والدى لما حبيت انى اشتغل معاة فى المقاولات قالى حتتمرمط مش حتبقى ابن صاحب العمارة وفعلا خلانى اعبى للعمال شكاير الرملة وارفع الاسمنت لغاية لما اتعلمت الشغل وشربتة خلانى مشرف بس بعد لما مرمط اللى جابونى انا احب اقعد مع الغفير اللى فى الشغل واشرب الشاى معاة وابن البواب كان صاحبى جدا بس اول لما اشتريت عربية لقيتة بيبعد عنى بقيت اركنها فى الشارع اللى ورانا عشان ميغسلهاش ونرجع صحاب تانى الشغل مش عيب حتى لو بهدلة ماهو الطبقة دى بتروح تسافر برة تمسح الارض وتغسل صحون بيمشوا على المثل <البلد اللى ما تعرفش حد فيها امشى مشلح فيها >انا اسف على المثل دة بس هو فعلا اللى بيحصل

هوده الكلام يا استاذ احمد والشغل عمره ما كان عيب ولا غلط بس فعلا الموضوع فيه مبالغه الى حد ما .

[gadix]

المشاركة الأصلية كتبت بواسطة sad-bird يا عيني عليك يا احمد يا بدر كلهم مستلمينك كده ليه مظلوم يا خويا ومهضوم حقك ومفتريين عليك هضربهملك الناس الوحشين الشريرين دول الا هيا الجوازة الرابعة امتى يا حمادة ههههههههههههههههههههه

تعالي يا احمد يا بدر نعمل موقع خاطبة انا و انت و الله نكسب دهب
و علي فكرة لو عاوز تتجوز جرب جنسيات تانية
المصرية بتكلف كتير و مبتاخدش غير وجع الدماغ
جرب الصيني او الهندي و الله هتتدلع

[خالدخليفة]

اولا عيب الكلام من ماركة خلبوص و دون جوان والكلام ده
لانى لااخلاقى ولا سلوكياتى تسمح بالكلام ده وانا مش عيل صغير
وانا بعملها مع اى حد لانى فى موضوع الجواز والطلاق مبتحملش على اى حد من اخواننا الشباب
وانا سافرت لواحد مرة مخصوص علشان فهمت ان فيه مشكلة مع المدام وفضلت متابعه لحد م رجعت بالسلامة
وواحد تانى سافرت له مخصوص علشان اسأ ل على شاب متقدم لبنته واضطريت اعمل تحريات مباحث وكانت مشكلة طبعا لان بعض الجيران قلقو من كتـر الاسئلة وفى الاخر كوننا معلومات عن شخصية الولد وتم رفضه لاسباب كتير
وزمان كنت اقسمت انى متدخلش لحد فى موضوع الجواز ده لان فى ناس كتير احرجتنى بتصرفاتها
واذكر مرة جبت عريس محترم لبنت محترمة والعائلتين اختلفو بسبب اشياء تافه وشتمو بعض وجم شتمونى ال2
لكن الواحد برضه مبيحرمش ومبيتوبش لان الواحد بيصعب عليه احوال الشباب
لو سمحتم عيب الكلام ده وانا بعد المداخلة دى مش داخل الموضوع د ه تانى
وشكرا ليكم

[mostafa2000]

المشكلة ان الست المصرية مش متقبلة فككرة التعدد
ودة بسبب ثقافة الست المصرية اللي بتخلي الزوجة تتقبل فكرة خيانة الزوج مع فتاة ليل ولا تتقبل الزوجة الثانية

[حازم شاهين]

فيه فرق كبير بين إباحة التعدد و بين التشجيع على التعدد

أنا ضد التشجيع على تعدد الزوجات إلا فى حالة وجود أسباب شرعية قوية
مثل بعض ما ورد بالمقالة السابقة

لكن تشجيع تعدد الزوجات بالمطلق كده فأنا غير موافق على اﻹطلاق
و ده موقف شخصى لا علاقة له بالحلال و الحرام فلا يستطيع أحد تحريم ما أحل الله

و لا يجب أن ننسى الموقف اﻹنسانى اﻷبوى للرسول صلى الله عليه سلم عند رفضه زواج سيدنا على بزوجة ثانية على إبنته السيدة فاطمة رضى الله عنها و هو هنا موقف إنسانى و أبوى كما أشرت لا علاقة له بالتحريم أو اﻹباحة و لكنه رغبة من أعظم أب فى الحفاظ على مصالح و مشاعر إبنته