ارشيف الاستراحة 2010

[احمد بدر1978]

المشاركة الأصلية كتبت بواسطة sad-bird كفايه كده بقى لحسن انا تعبت وورايا شغل هيتسلم بكرة ومخلصتوش لو افتكرت حاجة تاني هبقى اقولكم وبعدين تاني ايه كفايه كده لحسن انجكشن ينهاااااااااااااااااااار ( what) انا متخيل شكله كده وهو متنح قدام الشاشة ومصدوم فيا ياعيني بس ياريت الناس وهيا بتقرا تفهم الكلام كويس ان دي كلها مشاريع خطوبة او جواز والرسمي منها كان واحده بس والباقيين كان عليم النية وانا عقبال لما اخدت القرار اخدهم الغراب وطار ( احم اقصد العريس وطار) يعني ولا كان ليا في العك ولا الفسح ولا التهريج ولا كلام من ده علشان محدش يفهم غلط

بعد اللى انت حكيتة تروح تشوفلك تربة وتدفن نفسك

[ابو جودة]

شكرا انا ما حولتش ههههههههههههههههههههه

[sad-bird]

واطباق الفول علشان خاطر ابو حميد الخطيييييييييييييير

الأول
المقادير
قرنين فلفل شطططططة ناااااااااااااااااااار
فصين أو تلاته توم
حبايتين طماطم
معلقتين زيت
طبق فول ( اخواننا اللي في المهندسين والزمالك الطبق يعني تقريبا ب 2 او 3 جنية ، اخواننا اللي في مناطق شعبية الطبق تقريبا بجنية اخواننا اللي في الريف الطبق يعني تقريبا بنص جنية او 75 قرش اخواننا اللي بيعملوا الفول في البيت لزوم النضافة والكمية والارخص يبقى طبق فول او كبشتين بالمغرفة)
الطريقة
قطع الفلفل قطع صغيرة تقريبا نص سنتي في نص سنتي
قطع الطماطم قطع صغيره أو ممكن تنضرب في الخلاط لكن انا بحبها قطع
قطع التوم حتت صغيره خاااااااااااااااالص أو او شايلينه في التلاجة مفروم يبقى نص معلقه

خط الزيت في الطاسة على النار لما يقدح ( يعني يطلع الريحة اللي فيه لومركون او لو زيت تموين ولو زي ذرة او عباد حطه على طول )
حط الفلفل وقلبه دقيقتين لما يبدأ يدبل
حط التوم مع الفلفل لما يبدأ يحمر ومتخليهوش يتحرق ( الناس اللي بتحب نكهة التوم في الفول كتير زي احمد بدر يزود الكمية شوية ويخليها نص سوا مش يحمرها خالص )
لما التوم يحمر حط الطماطم وسيبها تتسبك شوية وحط الملح وشعره كمون مش كمون كتير
لما تتسبك الطماطم حط الفول وقلبه وسيبيه لما يتحناس مع بعضه خمس دقايق تقريبا واطفي النار

بس ياريت بقى لو العيش يكون سخن ومفقع

والف هنا

[hesham mansour]

كده وصلنا للنتيجه...........
1- اعلان بيريل هو الأسوأ بلا منازع و لم يجد له سوي مشجع واحد بس و لولا اختلف الأزواق لبارت السلع.
2-يليه اعلان شهريار و عرض موبينيل اتكلم طول النهار ببلاش رغم ان شهؤيار كان سهران طول الليل و المفروض ينام عشام يريح شويه بس يظهر ان مع موبينيل الأمر مختلف .
3-توجد بعض الاختلافات علي اعلان اتصالات و الاعلان من رأيي حلو و لو اني سمعت ان أجور الشباب اللي انتوا شفتوهم في الاعلان ده علي بعض كده 19 مليون جنيه غير موزعة بالتساوي و لكن حسب حجم كل نجم و لنا الله .
4-اعلان الفانتاكانتلوب و مصيلحي قلت عليه التعليقات بعض الشئ و ده من وجهة نظري نتيجة تقل دمه و من الواضح انه لم يلتفت له الكثيرون .
5-اعلان سيراميكا كليوباترا في رأيي تقليدي شويه بيعبر كالعاده ان مفيش زيهم و كده يعني و برضه عليه شوية اختلافات.
6-اللي اتنسا يا جماعه اعلانات كوكاكولا اللي بيقولك انهم بيصورا في السر و هدايا و البتنجان ده
رغم ان ناس كتير بتحب بيبس عن كوكا و أنا منهم الصراحه ..أنا شايف ان اعلانات كوكاكولا ممله جدا هيا كمان

[sad-bird]

المشاركة الأصلية كتبت بواسطة احمد بدر1978 حنشوفلك كرسى تقعد معانا يافقرررررررررى متشكرين يا ابو بدر يا ابو الواجب طبعا رمضان لة هيبتة قال يعني مبيتخانقش معاها بعد الفطار لا طبعا ماتجيش هو انا فاضيلك

اخص على كده
ده انت لسه بتقول هجيبلك كرسي
تصدق
ملكش امان
انا عرفت هما مش بيتحملوك ليه