رد: مخطط تصفيه الثوره ,,
فريدة الشوباشي تكتب :
السيسي جه لقى إرهاب فى كل حتة في البلد وسعادتك كنت خايف تنزل رجلك من علي السرير
،، السيسي جه لقى أنفاق في سينا عمرها 30 سنة بتعدي تريلات مش بني آدمين بس
،، السيسي جه لقى الإخوان ليهم رجالة في كل شبر في كل مصلحة وكل مؤسسة في البلد من أربعين سنة وتضاعفوا في السنة الأخيرة بتاعتهم
،، السيسي جه لقى فساد مالي وإداري متأصل في شعب معظمه معندوش ضمير أو تقريباً دة موجود في الجينات الوراثية...
،، السيسي جه لقى مصر داخلة على إفلاس .. ومديونة لأقذر الدول
،، السيسي جه لقى 2500 مصنع مقفول والاستثمار هرب من مصر يكاد يكون بلا راجعة
،، السيسي جه لقى قرارات وقوانين بمرتبات بالملايين ومرتبات بالملاليم بقالها 40 سنة كدة ومش هو اللي جاب القرار معاه وهو جاي
،، السيسي جه لقى اتنين مليون عندهم فيروس سي
،، السيسي جه لقى عشوائيات وناس نايمة في شوارع ومقابر من عشرات السنين
،، السيسي جه لقى مواطنين وإخوان وسلفيين وابريليين وبردعاوية ونكسجية وحمدينية ومباركية
،، مش هقولك شوف كنا فين وبقينا فين وقارن وعمل إيه ومعملش ايه !!!!
،، لكن هقولك يا حبيبي فساد 30 او 40 سنة مايخلصش في سنة ولا اتنين ولا عشرة !!!!
،، ولما أشوف قدامي وزراء ومسئولين كبار وقضاة وظباط بيتحاكموا وهما في مناصبهم يبقى فعلاً إحنا ماشيين صح والمسألة مسألة وقت
،، وبعدين لما سعادتك شايف كل دة من زمان وعارف انك مظلوم .. ومش واخد حقك ومرتبك متدني وعندك أمراض الدنيا
،، كنت بالع لسانك وساكت ليه مع اللي قبله واللي قبله سنين وسنين .. ماهي كانت نفس القوانين ونفس القرارات ونفس الفروق الطبقية وكل حاجة موجودة !!!!
،، ليه مش شايف غير السيسي وعاوز تشيله الشيلة كلها مع انها مش شيلته !!!!
أنا خلصت اللي عندي .. وكل اللي ذكرته دة لا يعنيني في شئ على فكرة ولا دة سبب تأيدي للسيسي ووقوفي معاه
أنا أهم حاجة عندي هي خلاص مصر من الإحتلال والإستعمار الإخواني الأمريكاني القطري التركي
لا اكثر ولا أقل ،،،،،
__________________
من مواضيع kj1 التاريخ الأسود لجماعة الأرهاب الأسود ليه لا وليس نعم مصر الجميلة الغائبة الأن
|