ارشيف الاستراحة 2010

[sad-bird]

المشاركة الأصلية كتبت بواسطة خالدخليفة اختنا اللى كاتبة الموضوع اعيب عليكى كلمة محدش يفهمنى غلط ويتقدم لى والكلام ده حتى ولو كان كلام بنات من ماركة يتمنعن وهن الراغبات ياستى ايه المشكلة هو عيب والا حرام هو فيه افضل ولا اشرف ولا اطهر ولا أعظم من السيدة خديجة اللى خطبت النبى محمد اشرف الخلق لنفسها وبلا حرج او خجل انا بقول لو فى هنا شاب كويس ومتدين ومحترم اكتبى لى اسمه على الخاص وانا اجيبه من قفاه لحد البيت

ياعم خالد ام احمد متجوزه وسابتلي الموضوع بقالها يومين وقاعده محتاسه في الشقة اللي قلبهالها احمد
وهيا كانت بتناقش قضية المسلسل خاصة انها تقريبا الوحدية في اصحابها اللي متجوزة والباقيين كلهم انسات
وهيا ياعيني محتاسة باحمد وبامبرز احمد
وقالتلي هخلي ابو احمد يدخل يقول رأيه واللي حصل معاه والمقالب اللي عملتها فيه
بس يظهر لقته هيقول كتير فقال خلاص الطيب احسن وعفا الله عما سلف

[احمد بدر1978]

المشاركة الأصلية كتبت بواسطة gadix انا بحب الاكل الهندي جدا و اول مرة اجرب الاكل الهندي كان في دبي كنت شغال في بنك الامارات الوطني و اتعرفت علي جماعة هنود و ضربت معاهم صحابية و هم كانوا مبسوطين اوي لاني كنت بتعامل مهم ببساطة لان للاسف كتير من الخليجيين بيعاملوهم مش كويس المهم اخدوني مطعم هندي و كان مطعم صغير قوي و فقير جدا شبه المطاعم الملوثة بتاعتنا دخلت المطعم كان كله هنود و بيبصولي بارتياب شديد طلبنا رز و فراخ انا اعرف ان الفراخ لونها ابيض و كانت اول مرة اشوف فراخ لونها احمر من كتر الشطة هم غالبا مش بيدبحوا الفراخ هما بيجيبوا الفراخ صايحة و يرموها في الشطة و لما تموت ياكلوها المهم ال 3 هنود الي معايا طلبوا ايه؟ كلهم طلبوا رز و زبادي انا مفهمتش بصراحة ايه علاقة الرز بالزبادي الرز وصل و راحوا فاتحين علب الزبادي و راحوا دالقينها علي الرز انا طبعا توقفت عشان اتابع المشهد الرهيب ده بدأو يعجنوا الزبادي مع الرز بايديهم واحد منهم داق الرز لاقاه ناقص ملح راح دالق شوية ملح عالزبادي و الرز شوية و راح داقه تاني و يظهر لاقاه ناشف شوية فراح مادد ايده في كوباية المية و اخد شوية مية سقسقها عالرز و قعد يقلب و ياكل بايده طبعا انا في المطعم الهندي ده كنت اضحوكة لاني اول ما بدأت طلبت من معلقة و كانت معضلة و فضلوا يدوروا لحد مالقوا معلقة و غالبا انا الزبون الوحيد في تاريخ هذا الممطعم الي طلب معلقة بدأت اكل الفرخة و لسة مع اول لقمة الشطة بهدلتني و دخلت في حالة كحة هستيرية و بعد 5 دقايق فقت منها و لقيت المطعم كله بيضحك عليا لاني لحد مابدأت اكل الفرخة كنت فاكر ان اللون الاحمر ده صلصة و عمري ما تخيلت انه ممكن يكون شطة

عشان تبطل طفاسة
هههههههههههههههههههه

[sad-bird]

المشاركة الأصلية كتبت بواسطة gadix شجعتني احكي يا استاذ خالد انا كل الي فاكره هم 3 او 4 مواقف او مفارقات لاني بعد 5 سنين في شغل البرمجة بقيت اتوه في شارعنا و فعلا بدون مبالغة اول موقف معظمكم ممكن يكون عارفه او اتعرض له و الي شاف فيلم عسل اسود يعرفه كويس انا اسمي الرباعي محمد احمد محمد احمد و الاسم ده عاملي مشاكل كتير و اسيبكم للموقف لما يكون واحد زيي مالوش خبرات كتير في الحياة و ابقي من النوع الي بيمشي جوا الحيط هيكون ليه احساس تاني ما يتعرض للموقف ده الموقف كانت مدته ربع ساعة بس بالنسبة ليا كانت قرن انا سافرت الكويت سنة 2006 لمدة اسبوع كنت رايح بعمل برنامج لوزارة التعليم او حاجة كدة المهم رجعت بحمد الله سالما لارض الوطن العزيز بس يظهر ان الوطن العزيز مبيحبش حد يرجعله وقفت في الطابور بتاع الجوازات و الظابط شاف الباسبور بتاعي و قالي ادخل تاني و اقف مع الناس دي و شاور عي مجموعة من الناس وقف كدة علي جنب و طبعا مقاليش اقف ليه و مقاليش هوا ايه الي انا عملته غلط رحت مع الناس دي فلقيت راجل محترم و لابس بدلة واقف معاهم فسألته هما موقفنا هنا ليه؟ الراجل المحترم سألني هوا انت عراقي؟ استغربت جداا للسؤال و قلتله لأ عراقي ايه و بتاع ايه احنا كدة دخلنا في تنظيمات ارهابية و حالة الذعر عندي زادت اكتر لما قلتله لأ راح سألني هو انت فلسطيني؟ قلتله لأ و رعبي زاد اكتر قلتله هوا فيه ايه؟ قالي اصل كل الي واقفين دول واقفين عشان يعملوا عليهم تحريات أمن دولة قلت يا ليلة مش معدية انا كدة رحت بلاش و مش هروح بيتنا تاني المهم ان بعد ربع ساعة اخدت جواز السفر و خرجت بس فعلا الربع ساعة دي عدت عليا كانها سنين و الي الان من 2006 لحد انهاردة سافرت يجي 20 مرة و في كل مرة يسيبوني اخرج من البلد عادي من غير اي مشاكل بس لما اجي ادخل لازم اقف الوقفة المشبوهة دي و ده الي انا مستغربله اشمعني و انا داخل بتتحروا عني؟ و ليه مش بتعملوا التحريات دي و انا خارج كمان مرة واحد نصحني اني اروح مجمع التحرير و اعمل شهادة معرفش ايه عشان اثبت ان انا يبقي انا و ان انا مش واحد تاني هم يكونوا قاصدينه طبعا انا مش عبيط عشان اروح عش الدبابير برجلي مرة و انا راجع برضو لقيت ظابط الجوازات خد الجواز و شافه و قالي اتفضل اخرج ( يعني ادخل صالة المطار من غير تحريات) فانا بصيت له ياستغراب اقرب للبلاهة و علي لساني سؤال "انت متأكد؟" و قبل ما يسألني راحت الموظفة بتاعت الكمبيوتر قالتله خليه يستني جوه راح قايلي معلش استني رحت ضاحك و قايله ايوة كدة ده الطبيعي انا كدة اتطمنت واحدي المرات ظابط الجوازات مقاليش استني جوه قالي بظبط كدة "محمد! زي كل مرة " قلتله حاضر و لفيت دخلت جوه زي الشطار انا سافرت تقريبا عشرين مرة و اقسم بالله مفيش و لا مرة دخلت مصر من غير كشف الكمبيوتر و تحريات امن الدولة

كان ليا واحد معايا في المدرسة اسمه محمد احمد محمد أحمد وكان كل سنة يبقى عنده ملحق ولانهم كانو بيكتوب الاسم ثلاثي فكانت النتيجية بتجيلي انا وكل سنة نروح انا والحاجة للمدرسة ونصحح الغلطلة
اوعي تكون هوه



على فكرة مشوار التحرير مش هايخد منك وقت ولا هيعملك مشاكل ولا حاجة
لكن لوانت خلاص اتعودت والموضوع بيخلص في دقائيق فمش فارقة بقى

[احمد بدر1978]

المشاركة الأصلية كتبت بواسطة sad-bird بصراحة مش هو لوحده اللي بيقر فيه واحد كمان وبما اني زهقت اصلا من صنف الحريم اللي انا الحمد لله لسه مجربتوش وبما ان احمد ممدوح ( ابو دنيا ) هو اللي بيرد على البنات في الشغل وهما هاريينه تليفونات وبما ان انجكشن لسه في الجامعة وفرحان بشبابه والدنيا هيصه عنده وبما ان استاذ نبيل مش في دماغه اي حوارات من دي ومش عاوز غير المدام ( ربنا يخليهاله ويباركله فيها ) اظن كده جبت الرجالة اللي دخلو الصفحة دي من يوم ما بدأت ما عدا واااااااااااحد بس يا تري ميييييييييييييييييييييين تدفع كام وانا مفتنش عليك هههههههههههههههههههه

قصدك انا يعنى ولا قصدك ابو نورة؟؟؟؟؟؟؟؟؟؟؟؟؟؟؟

[sad-bird]

المشاركة الأصلية كتبت بواسطة Injection ياخالد باشا أم أحمد "مدام" وكانت بتهزر مش أكثر. ومستنى باقى حكايات دون جوان المنتدى, ده أنا حكمى على الشخصيات بقى بظرميط, كمل يا دوك(سمايلى واحد بيبكى بحرقة).

ماشي ياعم الامور
دلوقتي طلعلك حس وظهرت في التوبيك
وبعدين انت كنت شايفني عملت ايه علشان ابقى دون جوان
امال اللي بالي بالك يبقى اييييييييييييه
وبعدين بتقر على مين خليني ساااااااااااااكت بلاش اقول الفضايح اللي بتعملها في الكلية