ارشيف الاستراحة 2009

[د.محمود صلاح]

المنتديات عالم وهمى افتراضى لايصح أن يأخذ أكبر من حجمه , ولكن هنا نحاول ان نخترق هذا العالم ليصبح واقع , شكرا على الموضوع

[ابو هيما]

والله العظيم انا مستغرب ومش قادر أصدق أو أعقل يعنى ايه واحد ياخد فلوس مش بتاعته ومتعبش فيها ولأشقى بيها
أزاى هايقبل أنه ياكل بيها ويطعم بيها نفسه .
طب أن ماكنش خايف على نفسه -طب مش خايف على عياله حبيبه وزوجته عشان ربنا يبارك له فييهم ..
حسبى الله ونعم الوكيل فى كل اللى يقبل الحرام ويستحل ما ليس له والحمد لله يا دكتور انها جت على اد كدة .( ياأيها الناس اتقوا ربكم الذي خلقكم من نفس واحدة وخلق منها زوجها وبث منهما رجالا كثيرا ونساء واتقوا الله الذي تساءلون به والأرحام إن الله كان عليكم رقيباوآتوا اليتامى أموالهم ولا تتبدلوا الخبيث بالطيب ولا تأكلوا أموالهم إلى أموالكم إنه كان حوبا كبيرا [ ص: 159 ] .

[مصطفى خاطر]

على فكرة انت تحمل نسبة من الزنب على اي حد هيسرقه العصابة دي لأنك مبلغتش الشرطة عنهم و ده مش هيكلفك أكتر من مكلمة تليفون و مووضع الزنب ده مش بألفه و تقدر تسأل فيه
لك ان تتخيل ان اللي بيكون موجود في وقت حدوث عملية قتل و يشهدها اصل من اصول الدين انه بيكون مطلوب منه قصاص هو الأخر لأنه لم يحاول منعها
و القياس بالمثل مع الفارق و لو مش مصدقني تقدر تسأل أي شيخ تثق فيه
و بارك الله فيك

[Romeeoo]

استدعى الأب ابنه لغرفته وما ان رأه امامه الا وبادر بتوجيه هذا السؤال

الاب : هتعرف يابنى تحافظ على الثروه اللى هتورثها من بعدى

الابن : طبعا يا ابا تربيتك

الاب : يعنى هتعرف تربى الكتاكيت زى ما انا ربيتهم

الابن : ( باندفاع وحماسه الشباب ) اكيد يا ابا

الاب : طيب هات الكرتونه اللى فيها الكتاكيت دى

سارع الابن باحضار الكرتونه ووقف امام ابيه

الاب : اقلب الكرتونه على الارض وورينى ازاى هتقدر تلم فيها الكتاكيت

وبسرعه قلب الابن الكرتونه وما ان رفعها حتى انطلقت الكتاكيت

فى ارجاء الغرفه واندفع الابن خلفها يحاول جمعها مره اخرى لكن

هيهات ، وبعد ان ادرك الفشل وقف امام ابيه وقد ارتسمت على

وجهه البلاهه والغباء ولم يوقظه الا صفعه قويه من ابيه

الاب : شوف يا غبى اللى هاوريهولك ده خلاصه 28 سنه فى تربيه الكتاكيت

ثم اخذ الاب الكرتونه بعد ان جمعا فيها الكتاكيت اخذ يهزها بقوه

يمينا ويسارا وسط صراخ متواصل من الكتاكيت ما لبس ان تلاشى

وانقطع نتيجه ما اصابها من اعياء

الاب : الان فقط نقلب الكرتونه

وما ان رفعها الا وشاهد الابن الكتاكيت لا تحرك ساكنا مما

اصابها من اعياء ودوار ثم قام بتعبئتها فى الكرتونه بمنتهى

السهوله واليسر

الاب : الوقت يا ابنى اتعلمت اهم حاجه فى تربيه الكتاكيت وهى

) اتعبهم يريحوك لكن لو ريحتهم هيتعبوك (

لو عرفت مين هو الاب ومين هو الابن ومين هما الكتاكيت ؟

ادخل عشتك وخليها فى سرك

[Dr. Bolbolan]

و لا جامده و لا حاجه ! ما احنا الكتاكيت !

Dr. Bolbolan