محتار بين اللوجان واسبرانزا516

[cmatcho]

المشاركة الأصلية كتبت بواسطة mostafa mamdouh انا ارجحلك الاسبرانزا .......... انا واحد من ملاك العربية موديل 2011 والعربية ما شاء اللة ممتازة والتقفيل والعزل ممتاز .......... وبالنسبة للعيوب الى كانت فى الموديلات السابقة تلاشت مع الوقت.........والخامات اتحسنت عن الاول كتيييييييييير ومفيش فرق بين خامات اللوجان والاسبرانزا الان.............. دة غير ان الاسبرانزا تتفوق على اللوجان من حيث فخامة و وسع الصالون وفخامة العربية بشكل عام ..... دة غير ان الشنطة اوسع والموتور اقوى ..... الاوبشن اعلى ..... حتى العفشة الى الناس كانت بتشتكى منها تحسنت بشكل كبير وذالك بسبب تغيير المساعدين فى الموديل دة بس الصراحة اللوجان عفشتها افضل ............. وحتى لا اكون متحيز للاسبرانزا انا مش ممكن انكر ان اللوجان عربية ممتازة بس الاسبرنزا تتفرق عليها فى عدة اشياء ................. وحاجة اخيرة لازم اقولها... معظم الناس الى بتهاجم الاسبرانزا لم تجرب السيارة اصلا ولا تملكها من الاساس فلا تاخذ بكلام هؤلاء الحمقى "انا لا اقصد حد معين بس الى على راسه بطحة يحسس عليها " وبرنا يوفقك

+11111111111111111111

[mody112]

العقدة اللى عندنا من الصينى لازم نفكها بقى الصين بقت تعمل كل حاجة دلوقتىوعربياتها منتشرة فى جميع دول العالم طبعا مع الفرق اللى بيجيلنا اسوا حاجة وده فى كل انواع العربيات ولكن انا شايف ان الصينى بقى يعتمد عليه
وعلشان كده خليك فى اسبيرانزا او بى واى دى
وربنا يوفقك

[A7MED NASSER]

و الله العربيتين حلوين . بس عريب الاسبرنزا انها ساعات بتنزل بعيوب و لازم ساعت ما تستلمها تروح للتوكيل يعملهالك و شوف بقي زحمة التوكيل انما اللوجان عربيه محترمه ما ينفعش الشركة او التوكيل ينزل منها عربيه تتباع و هي معيوبه و المشتري يتقاله روح صالحها في التوكيل لما تستلم و ده فعلا ً شفته كتير عندنا فالمصريه و يبقي عادة عيب الشنطة اللي بتعلق كتير فالموديلات 2012 هي و البريليانس نفس العيب . انما اللوجان عكس و شكرا ً و ده رأيي و انا شرحتهولك و انت ليك حرية الرأي طبعا علشان انت اللي هتشتري و عايز عربيه تعيش

[ahmed zawawy]

السلام عليكم
انا حجبلك من الاخر بطبيعه شغلي في ايجار العربيات
كل الناس الي بتتكلم مع احترامي الشديد بيهم العربيه متشقاش معاهم بيعملو كام كيلو في اليوم وعادي عمر العربيه محتبان معاهم كويس معاهم
انا اجبلك الخلاصه
انا معايا 2 اسبرانزا 2006 و 2007 دولت ايجار
وواحد صاحبي جابلي لوجان علشان اجرهالو 2008
في البدايه انا بركب الاتنين كتير طبعا الاسبرانزا تغلب بمراحل وعلي فكره عملين 150 الف كيلو يعني مفرومين شغل والوجان جديده والاسبرانزا تغلب في كل حاجه
وحته كل الي يجي ياجر مني يركب اللوجان مره ميخدهاش مني تاني
المهم انا رجعتها لصحابها مش عاوزه تشتغل خالص
نيجي بقي لقطع غيارها الحقيقيه مش فانوس والكلام الفاضي ده
المهم صحابها خدها قالي حسافر بيها المهم سافر العربيه تمام المهم جاب لحد 160 المهم متفهمش الكوبلن فلت ولا ايه هو لحد دلوقتي مش عارف ايه اللي حصل المهم اتقلب بالعربيه ودخلت من وراء في البولكات الي علي الصحراوي
المهم جبهالي العربيه ادمرت بمعني الكلمه يارب ابعد الشر عننا كلنا يارب ويكفيني شر الطريق
المهم نزلنا قلبنا الدنيا علي قطع الغيار مفيش ريحتها المهم قعدت بتاع اسبوعين بندور مفيش
لحد مقلنا التوكيل المهم رفعناها علي ونش ورحنا التوكيل وهناك قلك القع الغيار دي مش موجوده يتعمل بيها طلب لو عاوز
قلنا طب ايه الي موجود علي كده طلع فوانيس تيل طنابير اي كلام يعني
المهم قالك حنعمل طلب المهم قعد الطلب بتاع شهر وجت الحاجه واتركبت واترشت العربيه والفاتوره طلعه ب 25 الف جنيه وفيها عيوب في الرش ورجعنا وعملنا مشاكل وخلاص علي كده
الي انا عاوز اقلوه ان العربيه دي متنفعش لشغل الشقي دي تعبانه ولو لقد الله حصل حاجه جمده تعد جنبها نصيحه ابعد عن اللوجان جليك في 516 كل قطع الغيار بتاعتها مترميه وربنا يوفقك لما فيه الخير ومحدش يزعل مني انا بحكي واقعه حقيقيه
واسف علي الاطاله

[akerima]

بص انا مش حقولك تجيب انهي عربية في الاخر اللي انت حتقتنع بية مش اللي احنا حنقولك علية - بس سؤال للسادة اللي قالو ان اوبشن الاسبرانزا اعلي من اللوجان ممكن توضيح اعلي في اية عشان انا كان في اعتقادي انة العكس