يخرب بيت الانفلات الامني اللي عملته الثورة!!! البلد راحت!!!

[AbOnOrA]

المشاركة الأصلية كتبت بواسطة mf86 لا طبعا انا مش واعي ومستنيك توعيني ياعم الحج

طيب ياسيدى هوعيك تانى وكالعادة يظهر انك اخدت على كده

اولا ميصحش واحد بتكلم بحجة من واقع ارشيف ترد انت عليه بالشتيمة وطولة اللسان الاصول ترد على الحجة بالدليل والمنطق مش بالشتيمة عيب حتى احترم الناس اللى بتقراء الكلام

ثانيا ايه علاقة زبالة الشرطة وفسادها المعروف للقاصى والدانى بواحد اتقتل قاعد فى التكييف مش فاهم برضو

وبعدين خد ديه كمان

* ‬وماركو عادل*:‬ استشهد* ‬النقيب حازم محمود عزب الضابط بمديرية أمن القاهرة عقب نقله الي المستشفي متأثرا باصابته بطلق ناري بالرأس وكسر بعظام الجمجمة*. ‬كان النقيب الشهيد الضابط بمديرية أمن القاهرة ومعه رقيب الشرطة حسين علي ابراهيم والقوة الأمنية التابعة لادارة تأمين الطرق والمنافذ بمديرية أمن القاهرة يقومون بملاحظة الحالة الأمنية بالطريق الدائري علي حدود القليوبية ونفق السلام بدائرة قسم شرطة أول السلام وارتابوا في سيارة ملاكي يستقلها أحد الأشخاص تقف بجانب الطريق بالقرب من منزل مدينة السلام،* ‬فتوجهوا لفحصها ومناقشة قائدها وتلاحظ لهم وجود بندقية آلية بداخل السيارة واخري مثبت عليها تليسكوب إلا ان قائد السيارة بادر أفراد القوة باطلاق اعيرة نارية من طبنجة كانت بحوزته مما اسفر عن استشهاد النقيب حازم محمود عزب عزالدين واصابة الرقيب حسين علي ابراهيم بطلق ناري بالساق اليسري*.. ‬وتم نقله الي مستشفي الشرطة بالعجوزة اسرع المتهم بالهرب فقام أحد افراد القوة بمطاردته ومبادلته اطلاق النيران في محاولة استيقافه السيارة،* ‬إلا انه تمكن من الهرب كما قام مقاول ومهندس تصادف مرورهما وقت الحادث بملاحقة المتهم* .. ‬وقد شيعت أمس جنازة الضابط الشهيد والتي تقدمها اللواء منصور عيسوي وزير الداخلية واللواء محسن مراد مدير أمن القاهرة وقيادات الوزارة وسط حالة من الحزن العميق والألم*. ‬وتولي التحقيق أحمد عيد مدير نيابة حوادث شرق القاهرة وقام بسماع اقوال الأمين المصاب واجري معاينة لموقع الحادث وسيارة الشرطة وطلب سماع شهود الواقعة وتشريح جثة الضابط والتصريح بدفنها*.‬

مش ديه الواقعة اللى بتتكلم عنها

شاورلى على التكييف بقى

على فكرة الواقعة بيحكيها اهالى مدينة السلام والمناطق المحيطة بسياق تانى خالص
ملخصة ان الشرطة كانت واقفة تقلب الناس تحت الكوبرى (( كالعادة )) وواحد من العيال اللى فى العزب المحيطة بالدائرى كان (( احد المتقلبين )) وقرر يرجع ربيهم ،، جاب كام واحد معاه وطلعوه عليهم طاخ طاخ طاخ وخدو بعضهم وماشيين

وانا بصراحة اصدق الراوية ديه عن راوية التكييف وراوية الصحافة لان مش منطقى عربية واقفة واروح عليها انا ومعايا واحد تانى واقف اتكلم ويضرب على نار واموت وفيييين لما باقى الدورية حسو والناس كمان جريت معاهم ورا السفاح قتال القتلة وياعينى معرفوش يمسكوة ولا خدو نمرة العربية لاء وبيقولك مقاول ومهندس لاحقو المتهم
يعنى اللى فى الكمين بسلاحهم مجريوش والمقاول والمهندس هما اللى خدو ديلهم فى سنانهم وجريو ورا الراجل وقعدو يحدفوه بالطوب

[mf]

المشاركة الأصلية كتبت بواسطة AboNoRa طيب ياسيدى هوعيك تانى وكالعادة يظهر انك اخدت على كده اولا ميصحش واحد بتكلم بحجة من واقع ارشيف ترد انت عليه بالشتيمة وطولة اللسان الاصول ترد على الحجة بالدليل والمنطق مش بالشتيمة عيب حتى احترم الناس اللى بتقراء الكلام ثانيا ايه علاقة زبالة الشرطة وفسادها المعروف للقاصى والدانى بواحد اتقتل قاعد فى التكييف مش فاهم برضو وبعدين خد ديه كمان مش ديه الواقعة اللى بتتكلم عنها شاورلى على التكييف بقى على فكرة الواقعة بيحكيها اهالى مدينة السلام والمناطق المحيطة بسياق تانى خالص ملخصة ان الشرطة كانت واقفة تقلب الناس تحت الكوبرى (( كالعادة )) وواحد من العيال اللى فى العزب المحيطة بالدائرى كان (( احد المتقلبين )) وقرر يرجع ربيهم ،، جاب كام واحد معاه وطلعوه عليهم طاخ طاخ طاخ وخدو بعضهم وماشيين وانا بصراحة اصدق الراوية ديه عن راوية التكييف وراوية الصحافة لان مش منطقى عربية واقفة واروح عليها انا ومعايا واحد تانى واقف اتكلم ويضرب على نار واموت وفيييين لما باقى الدورية حسو والناس كمان جريت معاهم ورا السفاح قتال القتلة وياعينى معرفوش يمسكوة ولا خدو نمرة العربية لاء وبيقولك مقاول ومهندس لاحقو المتهم يعنى اللى فى الكمين بسلاحهم مجريوش والمقاول والمهندس هما اللى خدو ديلهم فى سنانهم وجريو ورا الراجل وقعدو يحدفوه بالطوب

اه والله ياعم الحج مش عارف من غير التوعيه اللي بتوعهالي واللي انا اخدت عليها مش عارف كنت هعمل ايه والله ....

دا العلم نووووور يارجاله والله .....الواحد كان مضحوك عليه بشويه كلام فاضي والله ....


طيب الاهرام تكدب الاخبار تنافق طيب اليوم السابع مصلحتها ايه ولا مصراوي وغيره .....

سبحان الله دا انته طلعت عالم ببواطن الامور وانا مش عارف

بركاتك يامولانا

[memo1100]

هو اى واحد فى الداخلية مات يبقى شهيد
هو لقب شهيد دة بقى لاى حد

مصر عمرها ما هتتعدل ابدا لانها عمرها مكانت عدلة
انت شيلت رموز الفساد ؟؟؟؟ الفساد فى كل مكان فى مصر وعمرة ما هيتغير

[MmFFoR]

بص يا نقيب محمد - مع احترامي لابونورا و رايه - و مع احترامي للجميع - لكن موضوع ان واحد يموت ده امر وارد جدا في اي عمل
1- في الموقع عندي فني كهربائي عادي خالص من الوقفة في الشمسجالة هبوط - و شوية تعب وديناه المستشفى مات هناك!!! ايام ما الداخلية هما اللي قاعدين في التكييف و بينزلوا التشريفات بس!!!

2- كنا بنصب خرسانه الساعة 1 بالليل و فورمجي خرسانة العرق لعب تحت رجليه راح وقع على ام رأسه جاله نزيف في المخ و مات تاني يوم الصبح في المستشفى!!! ايام ما كان ضباط النبتشيات بيزوغوا و بيناموا في التكييف في بيتهم مش حتى في مكاتبهم!!!

يا نقيب محمد انا ليا صولات و جولات مع بتوع الداخلية انت لا تتخيلها جايز بحكم وظيفتك في الجيش لكن فعلا بداية بالعساكر بتوع الداخلية مثلا و ما فيهم من كم التلامة و الجهل و اللا مبالاه - مرورا بعناصر امناء الشرطة و هم في اعتقادي هم السبب الاول لفساد جهاز شرطة الامن العام و المرور - و توجها لكبار ضباط الشرطة - بصراحة انا اعتقد ان 60 - 70 % من صغار ضباط الشرطة اشخاص تملأهم الحماسة و الاخلاص في العمل لكن النصائح المسمومة لكبار امناء الشرطة لهم و اضطهاد كبار رجال الشرطة لاي ضابط صغير يظهر النزاهة و الشرف يقوم بتحويل الجميع الى شياطين قبل الوصول الى درجة رائد

ده رأيي من تعامل شخصي غزير و من حتى صداقات متعددة لصغار الضباط و كبارهم و طبعا احتكاك يومي مع مجرمي جهاز الشرطة من عناصر امناء الشرطة الذين لا اكن لهم اي احترام


الخلاصة - سواءا عملك يتطلب الوقوف في الشمس او على سقالة او الوقوف في كمين الموت امر وارد جدا حتى لو مش بتشتغل و يا دوب بتعدي الشارع

و لما قلت انهم يترموا في الزبالة طبعا لازم تفهم انه تعبير مجازي الغرض منه انهم لازم كلهم يتغيروا و يتم اعادة تأهيلهم من كل الجهات


و افكرك بتقرير رفض الفيفا ان مصر تعمل كاس العالم: السبب الامني اولا لان الشرطة في مصر جهاز كبير الحجم قليل الفاعلية

لو كل قسم شرطة بدل ما يبقى فيه 10 امناء شرطة و 10 ضباط و 40 عسكري - يبقى في 4 عناصر دورية + 10 افراد قوات خاصة + الاداريين طبعا و 6 عساكر لاصطحاب المطلوبين و المأمور
بدل 60 يبقوا 20 بس فاعلين و فاهمين شغلهم

مش لو لاقى خناقة يقف يتفرج - و لو لاقى بلطجية بيضربوا واحد يقولك و موتوه ساعتها نقبض على القاتل!!! و لو واحد راحلهم قالهم موبايلي او حتى عربيتي اتسرقت يقولولوا ربنا يعوض عليك!!!

[mf]

المشاركة الأصلية كتبت بواسطة memo1100 هو اى واحد فى الداخلية مات يبقى شهيد هو لقب شهيد دة بقى لاى حد مصر عمرها ما هتتعدل ابدا لانها عمرها مكانت عدلة انت شيلت رموز الفساد ؟؟؟؟ الفساد فى كل مكان فى مصر وعمرة ما هيتغير

شهيد أو مش شهيد

ربنا اللي يحكم عليه مش أنا أو حضرتك