المشاركة الأصلية كتبت بواسطة aboelesaad
موضوع جميل و يارب يكون هادف ويكون في صالح الجميع و نتكلم بموضوعيه و يكون هدفنا افاده الجميع و ليس اغراض شخصيه
واحب اولا اشكر استاذ حازم علي مشاركته بالموضوع الي اعجبتني جدا
بالنسبه للعربيه مع والدي من 4 -10 -2006 موديل 2007
مميزاتها
- واسعه جدا وكراسيها مريحه بنسبه كبيره جدا
- الشنطه بتكفي كل الشنط مهما كبرت او كترت
- كسحب اول ما ركبتها مكنتش مقتنع بسحبها بس عرفت ان سحبها مختلف عن اي عربيه يعني لازم اخلي الار بي ام يعدي ال 3 و نصف عشان انقل الفتيس بس اما عرفت لقيت ان سحبها جيد جدا
- كعزم تقدر تدلها جيد جدا مرتفع احيانا يصل للامتياز ( تشد اي اوزان تشيل اي اوزان تقدر تطلع علي اي مناطق مكسره و فيها زلط و رمل و كل الي تحلم بيه )
- كاستهلاك بزين جيده لان عن وجه نظري في افضل منها و علي اقرب مثال عربيتي من 650 - 700 كيلو في التفويله و الاتنين نفس السعه التانك
- كتحمل عفشه بتتحمل اوي يعني اكتر من مره اخت بيها مطبات قاسيه جدا جدا و علي سرعه و العربيه ممتازة ( بس طبعا ظهري اتظبط هههههههههه)
- كبور وتحكم في الدركسيون جوا البلد خفيف جدا و دي ميزه ممتازة لان جوا البلد اساسا الواحد بيكون عايز يولع في نفسه
- الفرامل كهاند ممتازة كرجل تدلها جيده جدا
- كثبات علي سرعات عاليه حدث ولا حرج و بخصوصا في المنطقه دي
- كتسارع تدلها جيده
- كصاج حدث ولا حرج عربيه دبابه
- نظام صوتي جيد
- كفتيس جيد
- وضع الكرسي ورؤيه الفوانيس ممتاز ويمكن دي تتغير من شخص لشخص
- كعربيه بالمميزات دي تقدر تقول عليها عربيه جيده جدا علي سعرها ده
بالنسبه للعيوب
حتي الان لن تقابلنا اي عيوب صناعه نهائيا
اما كعيوب السياره
- الشكل الخلفي للشنطه كان ممكن يعملوه احلي من كده بس ممكن اقول عملوه كده عشان يديك اكبر مسافه داخليه
- البور بتاع الدركسيون في السرعات العاليه متقدر تتحكم في توجيه العربيه كويس ومن وجه نظري ده عيب بس هوا ميدخلش في منطقه الخطر او العيب القاتل
- اضاءه الفوانيس مش بقوه الزغلله الي بتعملها في الطريق المعاكس وده نتيجه العدسه الي في الفنوس بتزغلل و خلاص مش بتدي نور قوي بالعتمه
- الفرامل علي الرمل يعني اثناء تشغيل ال اي بي اس الفرامل كويسه بس احيانا كنت بحسها بتاخد مسافه اكتر من اي بي اس علي سبيل المثال عربيتي ال m11
- عصا الفتيس نفسه بحسها رفيعه اوي يمكن ده عيب فيا انا لان كنت علي الي بي ام و عربيتي والاتين الفتيس طخين
- العفشه تقدر تقول ناشفه بس مهياش سئيه بل العكس انا شايف دي ميزه و دي اوجه نظر عشان الثبات علي الطريق من وجه نظري اتحمل العفشه ولا اني افقد الثبات علي الطريق و دي اسلوب سواقه و اختلاف اوجه نظر
وبالاول والاخر
هي عربيه اقدر اقول مناسبه جدا لسعرها عربيه كعائليه جدا وخدمه ما بعد البيع يعني كصيانه و خلافه معقوله لان انا شوفت العجب مع عربيات تانيه
وتقبلو تحياتي
|
الله ينور عليك أبو السيد 100/100
أتفق معك فى كل حرف وليس كلمه
معايا 2012 فول 103001 ملاكى المنيا
بسم اله ماشاء الله
اتنطط عليا واحد بلانوس نفس الموديل طبعا كان باين عليها على الصحراوى الغربى والله مادريت الا والعداد معدى ال160 ثبات غير عادى ما شاء الله
وعداد الكرنك على 4.5 يعنى مش عارف كان ممكن يبقى أخرها كام لان الاكسراتير كان لسه فيه
كتير وطبعا خفيت لان صاحبنا ماشوفتوش خالص ممكن يكون ركن يعمل حمام صحراوى بدل حاجه تانيه أو اتخض
عداد الحراره لا يتحرك من تحت النصف بشرطه وده العادى بتاعها تحت أى ظروف تشغيل
ودى أهم حاجه فى العربيه ولم تزكرها رغم كيد الكائدين
رقم 1 فى فئتها
والله كنت مسافر مرة بعربيه موديل سنتها ولا داعى لزكر الماركه كنت بقف كل 30 كيلو شويه من شدة السخونه
يعنى المؤشر كان بيقفل الأحمر وأخر مرحله نورت اللمبه الحمرا فى التابلوه
ولا ننكر بعض العيوب البسيطه فى الفنش وليس الأساسيات
وحازروا العربيه دى ان شاء الله هاتكل السوق مستقبلا ان لم يرتفع سعرها
والدليل على كلامى اختفاء الطاسات نهائيا وعدم طرحه فى الأاسواق
لانى كنت حاجزها وكنت باقول فرق الكماليات أقل بكتير من فارق الفلوس حسبة تجار يعنىوماكنتش مصدق صديقى صاحب المعرض
أنها غير متوفرة ووقف انتاجها لحد ما شفت بعينى اختفائها نها ئيا من عروض الاسبرانزا
كلمة حق
الزال بدل الزين نظرا لتلفها بلوحة المفاتيح خاصتى