ليست شكوى ولكنها رحيل

[samirayad]

المشاركة الأصلية كتبت بواسطة samirayad شوفى يا أستاذه / مى مصر موتورز عباره عن صرح حوارى قام على تأسيسه أناس أفاضل أعرف معظمهم وعرفت فيهم دماثة الخلق مقارنة بأماكن أخرى ومصر موتورز بابه مفتوح للجميع فلا يفرق بين هذا وذاك وفى ذات الوقت يحافظ على أعضاءه إلى أبعد ماتتخيلن وأحيانا كثيره يتجاوز مصر موتورز عن الأخطاء الغير متعمده من بعض أعضاءه إذا فهو ليس بمكان يلفظ أحدا بهذه السهوله ولو لفظ مصر موتورز أحد أعضاءه فثقى تماما بأنه رأى أن وجود هذا العضو ماهو إلا عنصر هدام لهذا الصرح الكبير ------------------------------------- كفايه بأه كلام على مصر موتورز لكى لايقال بأننى بأجامل مصر موتورز فهذا ليس بطبعى ( والحمد لله ) ------------------------------------- وبالنسبه لكى يا أختنا / مى لا أستطيع أن أقول فى حقك كلمه واحده سوى أنكى إنسانه تتسمى بالخلق بالفعل وأنسانه مسلمه تنشد صلاح بلدها ورؤيتها على طريق المعرفه بالله وكل هذا جميل وطيب ---------------------------------------- لكن لى عندك بعض التحفظات القليله وهى 1- تسرعك بعض الشىء فى التفكير فيما يطرح وبالتالى بتكون الإجابه أو التعليق من تجاهك يشوبه عدم الدقه 2- يوجد أحيانا بعض الغلظه أثناء تبادل الآراء مع الغير 3- يوجد لديك فكره تسيطر عليكى بأن كل من ينتمى لتيار إسلامى على صواب دائما ........وغيره يشوبه عدم الصواب 4- قد يكون هناك من يحاولون دفعك ( لنصرة دين الله وتطبيق الشريعه كما يعتقدون ) ----------------------------------------------- فى النهايه علشان مطولش عليكى لانملك كأعضاء وإداره إلا أن نقول لكى مرحبا بكى أختنا العزيزه / معززه ومكرمه وسط أخواتك بمصر موتورز ------------------------------- فمكانتك ومكانة الدكتوره / ياسمين سواء لدينا كأعضاء وإداره ---------------------------------- وأعتقد ده واضح من خلال كلامى على منهج ( مصر موتورز ) ------------------------------------ لكن عاوز أاقولك على نصيحه صغيره من أخيكى ولكى كل الحق فى قبولها أو رفضها ماهى النصيحه دائما أعملى فكرك فى التعرف على شخصية من تحاورينه قبل توجيه الكلام إليه فليست كل الناس سواء فى المشاعر والأحاسيس فهناك من هو مرهف المشاعر ........مثل المهندسه / همت ( على ما أتذكر ) ومثل أختنا الفاضله / دكتوره ياسمين وهناك من عنده الإستطاعه لتحمل أى شىء ( طالما يستطيع ) مثل العبد الفقير لله ( الذى يحدثك الآن )

المشاركة الأصلية كتبت بواسطة khaabas استاااااااااااااااااااااا ااااااااااااااااااااااااا ااااااااااااااااااذ ايوه كده يا سمير اخيرا فهمتني ههههههههههههههههههههههههه ( معلش يا هندسة الافيا حكمت )

على فكره يا أستاذ / khaabas ( مرديتش أأقولك معناها باللغه العربيه الفصحى )

أنا فاهم كويس أوى من أمبارح أقصدك من كلامك

وحاولت أنكشك علشان ترد عليا لما قولتلك

التعليق التالى

المشاركة الأصلية كتبت بواسطة samirayad مش فاهمك بصراحه ياريت توضيح

لكن ثق تماما يا أستاذ / khaabas

وقت ما كنت بأرد على الأخت / مى

كان كل الكلام طالع من قلبى

ومعبرا بصدق عن رأيى بما يرضى الله

فى سؤالها لى

-----------------

فهناك فرق كبير

بين الردود

المقصود منها ......سيكو سيكو

والردود

المقصود منها ......كل الحقيقو

[ابو فاروق]

والله يا دكتورة .. انا كاتب موضوع فالشكاوي الموضوع حمض هههههههههه
كان بيكلم عن نفس مشكلتك
لازم نعمل قوانين صارمة لنظام الاخبار ومصادرها وعددها وهكذا.
لكن
فالنهاية

الاخت سلفيه انسانة محترمة جدا واخلاقها عالية جدا . وانا ارفض انسحابها
بالعكس هبقا خسرت من الجولة الاولي

لكن انا قبل كدا قلتلها كلمتين في ساعة صراحة . في موضوع كدا بعنوان ( بدء الهطل الاخواني )

والله العظيم انا كتبت ليها كلمتين كان نفسي تقراهم وتتمعن من جواها فيهم عشان تفهم انا قصدي اية . لكن هي مستحيل هتغير رايها من كلام في شاشة كمبيوتر..
لازم تخرج من المجتمع ألي هيا فية كاملاً عشان تقدر تتقبل راي اخر . واقصد هنا بالخروج ليس بخروج مديا انما فكرياً .

ومش محتاج اقلك اقعدي لاني بصراحة انتي بنفسك شفتي غلاوتك فالمنتدي .. والبركة في عم سمير . الراجل دة فليسوف . ومن النوع السوفسطائي .. يعني الله يحمينا من نقاشو

[silverlite]

الاخ سمير سفسطائى قديم يا ابو فاروق ! - ربنا يصبره ! - بس عايز اقوله كلمه ...كثير الكلام ينسى بعضه بعضا , تحياتى

[khaabas]

المشاركة الأصلية كتبت بواسطة samirayad على فكره يا أستاذ / khaabas ( مرديتش أأقولك معناها باللغه العربيه الفصحى ) أنا فاهم كويس أوى من أمبارح أقصدك من كلامك وحاولت أنكشك علشان ترد عليا لما قولتلك التعليق التالى لكن ثق تماما يا أستاذ / khaabas وقت ما كنت بأرد على الأخت / مى كان كل الكلام طالع من قلبى ومعبرا بصدق عن رأيى بما يرضى الله فى سؤالها لى ----------------- فهناك فرق كبير بين الردود المقصود منها ......سيكو سيكو والردود المقصود منها ......كل الحقيقو

يا باشا انتا راجل محترم وانا كنت فاهم قصدك
وعلى فكرة الاسم اختصار لعدة احرف لاسمى افهموها بقى هههههه اوووف

[Al Ghareeb]

المشاركة الأصلية كتبت بواسطة كيا سيفيا التيار السياسى الاسلامى يريد تحويل بلدنا الحبيبة الى دولة ظلاميه واقامة دولة الخلافة وعاصمتها القدس حسب تصريحات قادة هذا التيار. واخيرا اتقوا الله فى بلدكم. وليكن لكم فى ايران مثال واضح ولنبعد بالدين المقدس عن لعبة السياسه وكفاكم استقطاب البسطاء باسم الدين وان من يتبعكم هو حلف الله ومن يختلف معكم سياسيا وليس دينيا فهم اتباع الشيطان. نعم للدوله المدنيه القائمه على المساواه بين الرجل والمرأة والمسلم وغير المسلم ودوله القانون وحقوق الانسان وحرية التفكير والابداع والرأى وعدم المصادرة الفكرية واقصاء الاخر ولتسقط الدولة الفاشية الدينيه وليسقط حكم المرشد

انا عايز أعرف حضرتك جبت الكلام دا منين ؟
علشان أنا عايز أعمل كتاب عن الاسلاموفوبيا و عايز بعض المصادر