#41
|
||||
|
||||
رد: إزاي تعمل عمرة كاملة (موتور و فتيس) بنفسك - بدون ميكانيكي أو خراط
بسم الله ما شاء الله
ربنا يحرسك من العين ابداااااااااااااااااااااا اااع فنى بكل المقاييس ، كل الشكر و الاحترام لك و طبعا ً لكبيرنا الأدمير :GR OWIN~12: |
#42
|
||||||
|
||||||
رد: إزاي تعمل عمرة كاملة (موتور و فتيس) بنفسك - بدون ميكانيكي أو خراط
مشكوووووووووور يا باشا عالرد و المرور للأسف انا كنت مجبر بوقت الفيديو لأن كثير من الناس كانت معترضة علي وقت الفيديوهات و لكن ضبط التاكيهات محتاجة حلقة منفصلة تماما عشان الشرح فيها يكون تفصيلي و مفهوم للجميع و دة بحاول أعمله تجهيز قبل البدء في التنفيذ ... يعني محتاج عمود تاكيهات مستعمل عشان اشرح عليه برده و عشان الناس تقدر تفهم الفكرة من جذورها (يعني إيه ضبط تاكيهات) .. و طبعا محتاج فيديو كرتوني لحركة عمود التاكيهات و حركة عمود الكامة عشان يقدر يساعد الناس علي الفهم السريع للموضوع بجانب طبعا التنفيذ العملي علي عربيتي
بالفعل التنظيف خد مني مجهود كبير ووقت إسبوع تقريبا في التنظيف فقط دة غير طبعا الدهان خد وقت برده و عقبال ما البوية نشفت برده و خدت كذا وش (3 وشوش)
و علي فكرة مواتير ال 128 قريبة في الفكرة من مواتير ال127 مع شوية إختلافات سواء في سير الكتينة أو في وضع الدينامو و حاجات تانية لا أتذكرها الأن ربنا يخليك يا استاذ ايمن و مشكور عالرد الجميل
تسلم يا باشا و مشكور عالرد و المرور بصراحة ماكدبش عليك الفيديو يبين إن انا عندي خبرة و لكن في الواقع الحقيقي إن هناك أجزاء خدت وقت و مجهود و تفكير سواء في الفك أو التركيب و هذا ما لا يظهره الفيديو طبعا دة غير إن كان في بعض الأخطاء و تم إعادة بعض المشاهد لأن تم تركيب القطعة مثلا بطريقة خاطئة و الحقيقة أن كل هذه الخبرة إكتسبتها في ثلاث أشهر تقريبا عن طريق المتابعة عالمواقع و مشاهدة الكثير من الفيديوهات علي اليوتيوب تسلم يا باشا
تسلم يا باشا ربنا يخليك الموضوع بالفعل منشور علي منتديات تانية و كان إسم الموضوع في الأول هو -----===== الجريمة الكبري ====----- و لكن طبعا لما لقيت ناس كتير مش واخده بالها من فكرة الموضوع و يا تري بيتكلم عن إيه إضطريت اراسل قسم الأشراف بتغيير عنوان الموضوع و تغيير مضمونه الداخلي عشان الناس تقدر تفهم الفكرة و تشوف الفيديوهات كويس
و الله يا باشا أنا كنت عامل فيديو في بداية تجاربي في موضوع الفيديوهات دة و عملت فيديو عن بعض الحاجات الصغيرة زي تنظيف البوجيهات و تركيب الأبلتين و الكوندنسر و ضبط الأسبراتير و تنظيف و ضبط الكاربيراتير و ضبط مسمار الهواء و السلانسيه و البنزين كله موجود هنا يا باشا https://www.facebook.com/epyptian.fiat.127 و تفاصيل كل فيديو مكتوبه تحته بيتكلم عن إيه
__________________
|
#43
|
||||
|
||||
رد: إزاي تعمل عمرة كاملة (موتور و فتيس) بنفسك - بدون ميكانيكي أو خراط
فعلا يا بشمهندس العربيات القديمة فيها ميزة إنها اسهل في موضوع الضفيرة و مش معقدة و لا فيها كنترولات و لا حاجات زي دي ---------------------- موضوع الألوان معلش نسيت أجاوبك عليها ... غصب عني بص يا باشا في بداية الأمر انا إستخدمت ألوان ذهبي و فضي علبتين ربع كيلو كل علبة ب 15 جنيه دهان عادي بفورشة جبتهم من عند الموان و سألته هل تستحمل حرارة عالية مع المعادن ... للأسف قاللي أه و كانت المفاجأة إني بعد ما دهنت الفتيس بالكامل باللون الفضي و دهنت البلوك باللون الذهبي وكانوا بينشفوا بسرعة خلال دقائق قليلة ... و لكن الصدمة لقيت إن اللون بيروح بسرعة مع التنظيف بقطعة قماشة مبلولة بشوية بنزين خفيف قولت لاء مش هينفع الكلام دة روحت لموان تاني غيره قولتله عايز بوية للمعادن و تستحمل حرارة ... قاللي اللاكية يستحمل أي حاجة و مش بيروح مع البنزين و لا الجاز ولا مع غسيل إشتريت مجموعة ألوان علب ربع كيلو لاكيه (أبيض و اصفر و أحمر و إسود ) و بدأت هنا بخلط الأوان عشان أخد بعض الدرجات زي (رمادي و نبيتي و أصفر حمصي) و هنا بقي لما دهنت أجزاء الموتور بالاكيه بفورشة لقيت إنه بينشف بعد يوم في الشمس لكن النتيجة لقيته مهما مسحت بالبنزين أو الجاز .. مستحيل الألوان تروح نهائي و مع التجربة طبعا مع الحرارة لقيت الألوان ثابته و كمان غسلت الموتور مرتين في المغسلة بالمسدس المياة القوية .. برده الألوان ثابتة و مفيش أي تقشير و لا أي حاجة بتروح و خد بالك يا بشمهندس أنا إديت كذا وش تقريبا ثلاث وشوش لكل قطعة دهنتها باللاكية و إضطريت طبعا أسيب بعض الأجزاء الصغيرة إللي دهنتها بالذهبي و الفضي زي طلمبة المياة و طلمبة البنزين و بعض الرفايع قولت اسيبهم علي نفس ألوانهم عشان يبقي شكلها حلو في الفيديو و لكن مع الغسيل و الحرارة (الفضي و الذهبي) بدأ يروح و يتشال من مكانه
__________________
|
#44
|
||||
|
||||
رد: إزاي تعمل عمرة كاملة (موتور و فتيس) بنفسك - بدون ميكانيكي أو خراط
__________________
|
#45
|
|||
|
|||
رد: إزاي تعمل عمرة كاملة (موتور و فتيس) بنفسك - بدون ميكانيكي أو خراط
اسكتنى عن الكلام - كلمة فنان دى قليلة عليك - استاذ ورئيس قسم
تسلم ايدك واسف على التاخير فى الرد |
الكلمات الدليلية |
engine, fiat 127, سبيكة, سير كاتينة, عمرة كاملة, عمود كامة, إصلاح فتيس, طقم شنبر, كربراتير, كرنك |
|
|