رد: العين السخنة والمصيف .. تقرير كامل بالتفاصيل والصور
المشاركة الأصلية كتبت بواسطة AbOnOrA
تجربتى انا شخصياً انى كنت بحب السنوركلينج جددددددداً
مع انى عمرى ما عملتة ولا مرة فى حياتى بس قعدت شغال فى الغردقة فترة كبيرة وكنت اشوف الطلعات والمجلات والصور وامنى نفسى انى افضى واطلع طلعة من دول وميبقاش فيه وقت ولا ظروف
وبعدين انا مشكلتلى انى اولاً مبعرفش اعوم خاااااااااالص وثانياً بشرب سجاير فحالتى محتاجة معجزة
لكن اخر طلعة مصيف قبل ما تجوز قولت هعملها يعنى هعملها
وكنت ساعتها طالع مطروح واشتريت لايف جاكيت ونظارة وطبعاً معنديش فهم ولا خبرة بالأماكن الانسب لكدة بس بدماغى كده قولت البحر المفتوح من ناحية شواطىء عجيبة وكليوبترا هيبقى تمام وقد كان
كنت ساعتها زى ما قولت لسه على وش جواز وطالع معايا والدتى واخواتى بس وسيبتهم على الشط ونزلت وكلى ثقة ان الموضوع ايزى خالص
وعينك ما تشوف الا النور البحر كان هايج بشكل بشع والامواج جباااااااااارة ومكنتش شارى زعانف للرجل ولا جوانتى يادوب الايف جاكيت والنظارة وخد عندك بقى موجة تودينى وموجة تجيبنى وكل ما احاول اروح حتة الامواج تودينى حتة تانية وتعاوير وخرابيش فى كل حتة من اثر الارتطام بالصخور من قوة الامواج وتقريباً قعدت حوالى 3 - 4 ساعات لا عارف اشوف حاجة ولا عارف اطلع اصلاً لحد ما ربنا قدر وعرفت اطلع
سيبك انت موضوعك اكثر من رائع بجد مفيد وملىء بالمعلومات ومنسق ببراعة ومشوق جداً انا بقالى اكتر من ساعة بقرا فيه يمكن قريته مرتين بجد تسلم ايدك
انا بس لى عندك كام طلب
اولاً الكاميرا اللى بتصور بيها تحت المية ديه الهيرو ولا ايه نوعها ؟
ثانياً هل فيه امكانية تنظم للمنتدى رحلة تانية زى ديه ؟
ثالثاً متحرمناش من تقاريرك الرائعة ديه وننتظر منك المزيد
مصدقك فى كل كلمة قولتها بخصوص اول محاولة ليك فى البحر.. وبالنسبة للكاميرا هى سونى HD
المشاركة الأصلية كتبت بواسطة amr elsisi 1
موضوع رائع وشيق
وانا من زمان نفسي اشوف الشعب المرجانية ومش عاوز اروح شرم علشان !!!!!!!!!!!!!!!!!
ابو نورا انا معاية كاميرا canon power shot d10
ضد المية وبتصور تحت المية وبتتغسل
خلى بالك قبل ما تغطس بيها لازم تبقى عارف قدرتها على تحمل الضغط كام متر
المشاركة الأصلية كتبت بواسطة Hisham.Elgazzar
يباشا شرم بلد زى الفل
بس انا اتفاجأت ان الشاطىء اللى بقالنا سنين بننزل فيه انا وصحابى فيه كل الحاجات دى سبحان الله ، ماشاء الله لا قوة إلا بالله
موجود على بعد حوالى 200 متر من الشاطى
المشاركة الأصلية كتبت بواسطة comandos_79
موضوع رائع ومميز وشكرا لمجهودك
العفو يا باشا
المشاركة الأصلية كتبت بواسطة modyegypt
ما شاء الله ايه الحلاوة دى
طيب لو فى امكانيه لخروجه تانية انا معاك لو ميديقش
لا ياباشا ميضايقنيش ابدا وراجع الرد اللى انا عاملة فى صفحة رقم 1
__________________
صفحتى على الفيس https://www.facebook.com/profile.php?id=1000015256 47162
التعديل الأخير تم بواسطة مصطفى-حسن ; 14-07-2013 الساعة 06:44 PM
رد: العين السخنة والمصيف .. تقرير كامل بالتفاصيل والصور
المشاركة الأصلية كتبت بواسطة ahmed_gamal777
تسلم ايدك يا استاذ مصطفى على التقرير الاكثر من رائع
ولكن ممكن حضرتك تاكد لى سعر واحة الحجاز عشان خدنا شالية من شهر انا واصحابى كان ب 500 ج بدون اى حاجة
وحضرتك قالت ب 350ج عايز اعرف هم اشتغلونا والا السعر عايز تحديث
وشكرا مرة اخرى لمجهودك الرائع
أ/ مصطفى حسين
واحلى سلام ل راجل العاشر من رمضان
هو اللى بيحصل ان فى عند كل الاماكن السياحية اوقات ذروة للنشاط ودى بيرفعوا فيها الاسعار زى يوم الجمعة والاحد وايام الاجازات الرسمية...الخ فدة يفسر اللى انت بتقولة
المشاركة الأصلية كتبت بواسطة حسام البورسعيدى
موضوع اكثر من رائع بجد .. تسلم ايد وربنا يجازيك خير على المعلومات اللى افدتنا بيها .. والرحله اللى كلنا رحناها بمجرد مشاهده التقرير الجميل ..
ربنا يكرمك ويجازيك خير
المشاركة الأصلية كتبت بواسطة نبيل عبدالرحمن
أنا عشت معاك يا مصطفى فى تقريرك الرائع ده وكأنى عشت تفاصيل الرحلة الجميلة دى وكما قال لك أبو نورا ياريت لو تنظم لنا رحله زى دى وتقول لنا على الحلجات المطلوب نجهزها معانا ، وهل تنفع الرحله دى لكبار السن ولا لازم يكونوا كلهم شباب
منور يا دكتور نبيل
وبالنسبة لمشاركة حضرتك ممكن تراجع المشاركة اللى انا عاملها فى صفحة رقم 1 فيها كل الاجابات
__________________
صفحتى على الفيس https://www.facebook.com/profile.php?id=1000015256 47162
التعديل الأخير تم بواسطة مصطفى-حسن ; 14-07-2013 الساعة 06:45 PM
رد: العين السخنة والمصيف .. تقرير كامل بالتفاصيل والصور
المشاركة الأصلية كتبت بواسطة AbOnOrA
السنوركلين على حد علمى رياضة لكل الاعمار وتعتبر زى السباحة بس امتع شوية لان مبتغطسش على اعماق كبيرة وممكن متغطسش اصلاً وتكتفى بالمشاهدة من بعد بس هى الفكرة زى ما الاستاذ مصطفى شرح فى الاماكن الصح انا اصلى كنت قاعد فى الغردقة زى ما حكيت وكنت عايش الدنيا ديه بس كمشاهد فقط للاسف فالمجلات او كتيبات السنوركلينج ديه بتبقى متحدد فيها بالظبط الاماكن مثلا اللى فى الغردقة بخرائط ومسافات وتفاصيل كل مكان على عمق قد ايه وفيه شعاب نوعها ايه ولو فيه مراكب غرقانة تفاصيلها ايهوشغلانة فيه اماكن تركب لانش او مركب علشان توصلها فى قلب البحر الاحمر او بعيد عن الشاطى شوية بس هى مش اماكن هى جنان سبحان الله على الارض ولو انت بتحب التصوير كمان تبقى اكتملت المتعة انا عن نفسى بحب الاتنين بس لسه هشوف موضوع الكاميرات ده علشان معنديش حالياً حاجة تصور تحت المية والتصوير بالنسبالى نص المتعة فى الموضوع
هوريك فيديو بس لازم تتفرج عليه بجودة عالية حتى لو تنزله وتتفرج عليه
وخدو بالكو الفيديو فيه واحدة ست بمايو طالعة فى لقطتين تلاته بس من الفيديو غضو بصركو لكن باقى الفيديو راجل بيعمل سنوركلينج وبيتفسح مع القروش الحمد لله العين السخنة على حد علمى مفيهاش قروش :D
والفيديو متصور بالكاميرا اللى انا نفسى اشتريها ياريت حد يكون جربها ويقولنا تجربته معاها
للمرة الاخيرة غضو بصركو واللى مش هيغض هو حر الست وحشة اصلاً يعنى هياخد ذنب ع الفاضى
رد: العين السخنة والمصيف .. تقرير كامل بالتفاصيل والصور
المشاركة الأصلية كتبت بواسطة AbOnOrA
خد بالى تسلم ايدك ودخلت دلوقتى شوفت مواصفتها على موقع كانون بس هى اسعارها ايه هنا فى مصر ؟
معلش الله يا ابو نوار هيا جيالي هدية من الامارات
انا عرضتها عليك
لانها بسم الله ماشاء الله
بقالها معاية 3 سنوات وبصور فيها في العمل
وانا شغلي في مصنع اسمنت وشحم وزيت
وكل شوية بغسلها
لو لاقيتها في مصر انا اضمنهالك
انا وجت العلبة ومكتوب عليها 1.199
بس اكيد السعر دة بالدرهم
الي الاستاذ مصطفي دي المواصفات الموجودة علي العلبة
waterproof 10m
shockproof 1.22m
freeze proof -10 c 14 f
انت اكتر مسافة نزلتها كام
MasrMotors غير مسؤول عن أي
اتفاق تجاري أو تعاوني بين الأعضاء التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر