ارشيف الاستراحة 2010

[خالدخليفة]

[QUOTE=sad-bird;236069]

انا مستطردا ( حلوة مستطردا دي كأني جهبز اللغة العربية )

/QUOTE]

بقى ياراجل تقول مستطردا باللغة العربية الفصحى وبعدين تغلط فى جهبذ
جهبذ بالذال وليست بالزاى (اسمها كده ماسمهاش زين )
وأما الزين ده فهو الشىء الجميل الطيب الكويس يالبلدى

[sad-bird]

الرابعة كلاكيت تلات مرة


بعد ما اختفت من حياتي تماما وانا منعت نفسي اني اتصل بيها اطلاقا
لقيت رقم غريب بيرن عليا
مين
انا فالنه
نعم
مين
اي خدمة
والردود مش ناشفة
انا كنت بجيب صخور من جبل المقطم واحدفها بيها
طيب عاوز اقابلك
كنت لسه مخلص موضوع خطوبتي ده بقالي شهرين تقريبا ( قال يعني هيا كانت حاسه )
ولقيتها بتفرض نفسها بغبااااااااااااااااء اكتر من الاول المهم انها تتجوز
بصارحة انا بدأت اشك في الموضوع وقلت مش مرتاح
وكل مكالمه يا بنتي حلي عن سمايا بقى
مفيش فايده
وتتصل بالحاجة وتقعد ترغي معاها وانا مش ناقص وش في دماغي
وامي تقولي انت بترد عليها ناشف كده ليه
ما البت حلوة ويلا نخلص بقى
...... نسيت اقولكم معرفتش تتعامل مع عريس الغفلة التاني
وهيا هتموت وتتجوز خوفا من موضوع العنوسة ده
تتجوز اي حد يارب تتطلق تاني يوم بس متبقاش عانس
(منطق غريب وسخيف طبعا )

المهمانا فضلت على حالي بعيد عنها ودي فضلت تزن تزن تزن


وانتو عارفيني ( قلبي رهيف وميتحملش )
قلت خلاص بقى حن على البنية وعفا الله عما سلف
وبدأت اتكلم تاني معاها بس بحذر شديد جدااااااااااااااا
وبدأت ترمي الكلام المعهود من كل البنات
انا متقدملي كذا واحد
مديري في الشغل بيعاكسني وعاوز يتجوزني بس انا مش موافقة
ابن زميل ماما عاوز يجي يتقدم بس انا قلت انت اولى
وانا اسمع واسكت
واذ فجأتن
فجأتن ايه بقى منا اتعودت خلاص على المقلب السخيف ده
انا اتخطبت واحد ولا زيه في الدنيا
شايلني من على الارض شيل
وعاوز يقطفلي نجوم السما ويعملهالي عقد
خلاص يا ستي عاوزة مني ايه حلي عن سمايا
ده جايبلي شقة تمليك في الحته الفلانية ب 700 الف
وهسافر معاه برة
خلاص يا ستي الله يسهلك ويسهله
ده بيجبلي وبيعملي وبيسويلي
ما قلنا خلاااااااااااااااص بلاش حرقة دم
ولو سمحت ياريت متتصلش بيا تاني
قال يعني انا كنت اتصلت بيها اولاني
وبسسسسسسسسسسسسسسسسس
اختفت
قالبت واحد بعد كده وعرفت انه شغال في نفس المكان اللي هيا فيه وحكالي القصة ملخصها زي ما قلت من شوية
عاوزة تتجوز وخلاص
حتى لو هتتتطلق تاني يوم بس متحصلش على اللقب اللي انا مش شايف له معني لانه غلطك

[خالدخليفة]

المشاركة الأصلية كتبت بواسطة sad-bird مش قلنالك حبسجي قديم هههههههههههههههههههه

يعنى انت مرشقتش فى دماغك غير كلمة حبسجى وواقع من القطر وارملة مرشقوش معاك

عجبت لك يازمن على رأى سيد عباسية

[sad-bird]

[QUOTE=خالدخليفة;236085]

المشاركة الأصلية كتبت بواسطة sad-bird انا مستطردا ( حلوة مستطردا دي كأني جهبز اللغة العربية ) /QUOTE] بقى ياراجل تقول مستطردا باللغة العربية الفصحى وبعدين تغلط فى جهبذ جهبذ بالذال وليست بالزاى (اسمها كده ماسمهاش زين ) وأما الزين ده فهو الشىء الجميل الطيب الكويس يالبلدى

خليها عليك انا اصلا مش عارف انا بكتب ازاي وانا قافل عيني
هقوم اتسحر وارجع اكمل ان شاء الله

[sad-bird]

المشاركة الأصلية كتبت بواسطة خالدخليفة شوفو اللى عقد (من التعقيد يعنى)مشروع الجواز الناس نفسها انا لما خطبت مراتى روحت لحمايا وكان فى جيبى جنيه رغم انى كنت لابس بدلة هيلد انجليزى تمنها الف جنيه عملتلها جمعية وجبتها طلباتك ياعم عبده (ابوها) مليش طلبات انت اللى هتجيب فى بيتك واللى هتعيش عليه هاته والقايمة راح جايب ورقة كراسة قديمة واداهالى وقال اكتب الى ناوى تجيبه كتبت تلاجة (عايزنى اكتب ماركتها ايه ) قال اكتب تلاجة وخلاص والغسالة قال غسالة وخلاص انت اللى هتستعمل مش انا وبعدين قال يابنى اللى انت عايز ه اكتبه لو انا كتبت عليك قايمة بمليون جنيه وانت كرهتها م انت هتقرفها لحد متتنازل لك او هتتصرف وترميهوملها وفى الحالتين هترميها وانا عايزك تحافظ عليها الناس بتبص للفلوس لكن انا بشترى راجل وانا سالت عليك قبل م اوافق عليك وطبعا جبت عفش اى كلام على اد فلوسى ومشتريتش سجاد خاالص ودخلت فى شقة فى حارة فى الزيتون وكانو جيران فى منتهى السوء لكن على اد فلوسى ومساحتها كانت 40 متر يعنى حاجة على اد ماقسم (بضم القاف) ولما ربنا اكرمنى غيرت كل ده هنا مربط الفرس الشاب طالما عاجبنا شخصيته ودينه واخلاقه وسالنا عليه وقالو( متدين /اهم حاجة )خلاص ايه المشكلة قال رسول الله(صلى الله عليه وسلم) خذوهم فقراء يغنيهم الله من فضله وقال ايضا ان جائكم من ترضون دينه وخلقه فزوجوه الا تفعلوا تكن فتنة فى الأرض وفساد كبير وقال ايضا اقلهن مهورا اكثرهن بركة صدقة رسول الله صلى الله عليه وسلم طب والله العظيم انا جبت لمراتى دبله دهب ليها هيا ب80 جنيه وبعد الجواز بشهر اتزنقت وبعتها ب60 جنيه ومزعلتش المواقف دى اول مايقابل الشاب من اهل زوجته لان دى هيا اول تعامل بينهم مع الحياة بتبقى فى مواقف تانية لكن ممكن تتغاضى عنها بسبب مواقف زى دى حصلت معاك فى الاول لكن اللى بيحصل ايه دلوقت ودى مناقشة سمعتها فى سفرية من سفرياتى بس اهو حظكو افتكرتها هنا الشاب لزميله انا اتقدمت لفلانة امبارح والله زميلتنا بتاعة قسم جيولوجيا(شكلهم كانو فى كلية العلوم) اه يااخى بس ابوها صدمنى ليه بعد الشربات والساقع طفحهوملى ازاى طلب 100 جرام دهب ادى 11 الف جنيه عيار 18 (وقتها الدهب عيار 18كان ب110 ) وايه كمان 30 الف جنيه مؤخر وبصراحة الجملتين دوول حرقو دمى وخصوصا انى بصيت لمنظره مشترى قميص غالبا ب7,5 من العتبة وبنطلون ب15 جنيه برضه من العتبة مش من محل طبعا لكن واضح انهم من العيال اللى واقفة فى الشارع عند مسرح الطفل كده اتغظت ده شكل واحد هيجيب ب11 الف جنيه دهب ويكتب 30 الف جنيه مؤخر وبشيك كمان (قال يعنى اتساهلو معاه) زميله/ يانهار اسود ولسه العفش والشقة قال متكلمناش فيهم وشكلهم مش هيرضو بايجار جديد وهتعمل ايه بفكر اخلع بعد خمس سنين حب مهو الحب ده هيذلنى وهيقطم وسطى طب هعمل ايه انا/ صحيح هيعمل ايه ده عايز له فى الجوازة مش اقل من 70 باكو وهو لابس قميص وبنطلون بتلاتة تعريفة يبقى اللى بيعقد الجواز الناس نفسهم مش بيدورو على الدين ولكن النواحى المادية اانا اعرف واحد اتجوز على عفش مستعمل وروحت معاه نشترى دولاب من ايام ستى الله يرحمها وبوتاجاز من اول م قالو يالا نعمل بوتاجاز النهاردة ماشاء الله ولاقوة الا بالله ممكن لو عرضت عليه يشترى منطقة الزيتون بمحطة المترو هيشتريها بس هو شاطر هيصطاد قطرين واقفين على المحطة علشان يشترى كويس ههههههه اقصد اصبح ثرى جداااااااااا نصيحة للاباء والامهات متعقدوش الشباب طالما هما على دين وكويسين ونصيحة للبنات والزوجات الشاب اللى عاجبك دينه واخلاقه قبل الحب طبعا ( لان مراية الحب عمياء مبتشوفش غير الوسامة والجينز والتى شيرت فقط )طالما ابن حلال بلاش مطالب من اصله وبلاش نغمة اختى جوها جاب لها كذا وكذا وانا لازم ابقى زيها الكلام ده لو جوزك ظروفه زى ظروف جوز اختك وشايفاه بخيل لكن ضغط على الراجل باستمرار هيكره نفسه وانا شفت مرة (مفيش فايدة يظهر هننقل موضوع ادب الرحلات هنا) سواق ميكروباس بيخبى الايراد فى العربية ايه ده ياعم اصل فى البيت مش فاهمين حاجة لو شافو معايا فلوس طابور طلبات هيطلع وانا عليا اقساط وديون وبلاوى سودة وبنراضى طوب الارض طول النهار ومصاريف عربية وشغلانة وهما مبيفهموش غير مطالبهم ونصيحة للشبا ب والرجالة البنات والستات المصريين طيبين وعلى نياتهم دايما عايزين كلام جميل حتى لو انت متضايق وفى نفس الوقت حاول تبقى نصاب شوية معاهم يعنى مش لازم دايما تقول رايك بصراحة وانا اول 7 سنين فى حياتى الزوجية كنت دايما لااقبل المناقشة وانا راجل البيت ومفيش حنفى وكانت الحياة رتيبة مملة والراجل دخلته فى البيت اعوذ بالله لكن واحد قال لى لازم تتعلب الدهلزة وشغل ال3 ورقات فى البيت وجربتها لقيتنى باخد كل اللى انا عايزة وبرضه مفيش حنفى ههههههههههههه اتعلمو النصب على ستاتكو بس مش على حد تانى

ههههههههههههههههههههههه

طيب علشان خاطري ممكن اجي اخد كورس النصب ده يمكن ينفع معايا


مش فاكر ياعم خالد قطار اسوان والفرح ابو 3 مليون

والا قطار مطروح والعفش والحاجة اللي جايه كلها من برة


لنا الله
لنا الله