ثورة الحرية 25 ينايرساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول
قناة الـ CNN عملت حوار مع الوزير سامح شكري ، و قبل الحوار عملت تقرير عن 30 يونيو و وصفته بالإنقلاب !! , طبعا سامح شكري مافوّتشي الحكاية دي ، ماهو احنا ما بققيناش زي زمان لما كنا بنروح ناخد الكلمتين ونتلسوع ونرجع بس سامح شكري عرف يرد المرة دي.( والنبي لما تيجي الحتة بتاعة السيسي عميل الأمريكان ابقوا صحوني ، أصلي بحب الحتة دي أوي أمريكا بساساتها و قياداتها و إعلامها و سلطاتها مصرّه على اعتبار 30 يونيو انقلاب ( واضح ان 30 يونيو بتوجعهم أوي لحد دلوقت ) ، لكن طبعا 25 يناير ثورة شعبية ( هيدرسوها لعيالهم في المدارس ) ، مع ان الأعداد اللي نزلت في 30 يونيو أكتر من اللي نزلت في 25 يناير ، و مع ان الجيش وقف مع المتظاهرين في الحالتين و أجبر الرئيسين على التنحي ( واحد فيهم عسكري بدبورة و التاني مدني بريالة ) . بس أهو الامريكان مزاجهم كده .. هواهم كده .. و دايما يا جدع تلاقي أرائهم و كلامهم متطابق مع كلام الجماعة الإرهابية ومراكيبهم .. تطابق عجيب يا مولانا ، اوعى تكون ( بِعْد الشر ) فهمت ان أمريكا و بريطانيا هما الراعي الرسمي للجماعة الإرهابية .. اوعى تفهم كده أصل الكولجية بياخدوا على خاطرهم و يزعلوا . أما بقى عن حرية الإعلام الأمريكاني و نزاهته فعايزأقولك ، ابقى تعالى بكره من بدري و هات معاك سلطانيتين ، عشان تاخد بـ 2 دولار نزاهة إعلام أمريكي .. بكل دولار لوحده
ههههههههههههههههههههههههه هه منقووووووووووووول
MasrMotors غير مسؤول عن أي
اتفاق تجاري أو تعاوني بين الأعضاء التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر