مخطط تصفيه الثوره ,,

[kj1]

[kj1]

[kj1]

المشاركة الأصلية كتبت بواسطة kj1 الخرفانـ و الكولجية و البرادعوية اليومين إلى فاتوا

[kj1]

سها زكى تكتب: استدعاء الكراهية
على قد ما كنت طايرة من الفرح بشباب مصر الواعي اللي شارك في مؤتمر الشباب .. على قد ما وقفت كتير قوي قدام رد فعل قِلّة قليلة - من اللي مفروض انهم شباب برضه - على المؤتمر اللي عقد في شرم الشيخ !
ايه كمية الكراهية اللي جواكوا للبلد دي ؟؟...
ايه كمية الغل والحقد على أي شيء بيكون فيه خطوة تطلع بيها البلد للأمام ؟؟؟ في يناير - وتحت مسمى التغيير - قمتوا باللي سمتوها ثورة بهدف الإصلاح .. بإديكوا خربتوا وحرقتوا وكسرتوا واتورطتوا في أنكوا تكونوا سبب في كراهية الشعب ليكوا ؟؟؟
وفضلت مصر بالها طويل وطلع الرئيس يقول الشباب اللي عاوز يبني بلده ييجي .. وشفتوا بنفسكوا مشروعات كتير شغال فيها شباب زيكوا .. سفهتوا منها واستخفيتوا بيها وقلتوا فنكوش وطلعت حقيقة !!
ليه وعشان مين بتعملوا كده في مصر ؟؟؟
ليه إنكار مجهود بيتعمل عشان البلد تعلى وتتقدم ؟؟
متوقعين ايه من الشعب اللي بيخاف على بلده وانتوا ليل ونهار تهدوا فيها ؟؟؟ منتظرين ايه من المصريين لما يلاقوكوا فرحانين في عمل ارهابي بيتم في مصر ولا جنود بتستشهد وهما بيدافعوا عن الأرض والعرض ؟؟؟
ايه اللي بيبجي في دماغكوا وانتوا بمنتهى الوقاحة بتسبّوا البلد ورئيسها وشعبها وجيشها وفرحانين بكده ؟؟؟
ليه الإصرار العجيب ده على اننا نكرهكوا ؟؟؟
ايه التمسك الشديد ده بكلام خايب بترددوه ورا بعض من غير ما تفهموه حتى ؟؟؟ كل ده بتعملوه ليه ؟؟؟؟
مصر مدت لكوا ايديها وانتوا بمنتهى الرعونة بتتفننوا تأذوها وتقولوا دي حرية ؟؟؟؟
احنا كشعب شايفينكوا وصلتوا بأفكاركوا وطريقتكوا دي لحيطة سد .. مبقاش نافع غير أنكوا تخبطوا دماغكوا فيها !!
بس خليني اقول لكوا كلمتين ..
مصر بيكوا أو غيركوا باقية وبتتعمر و بتكبر .
مصر بيكوا أو من غيركوا ماشية في طريقها بمنتهى الثبات .
مصر اللي فيها شباب بيفديها بدمه وبروحه بس هي تعيش وتكبر .
مصر مش هيقف جنبها ويعمرها غير الشباب اللي بيحبها وبس !
تحيا مصر بولادها المخلصين
تحيا مصر لولادها المخلصين
أما انتوا ..
فمش قادرة اتخيل ازاي قادرين على فكرة أنكوا مكروهين كده !!!!!

[kj1]