#36
|
||||
|
||||
رد: انا من شباب التحرير
السلام عليكم ورحمة الله وبركاته
بخصوص الصور بصراحة الصور والفيديوهات اللي علي النت تغني عن اي صور وخصوصا اننا كن بنحاول نشارك في صنع الحدث مش تصويره مع اعترافي بضرورة واهمية وفضل تصوير هذه الاحداث لكن كان في ناس تانية قايمة بالدور العظيم ده الصور اللي معايا كلها صور شخصية اتصورتها في نشوة الاحساس بالنصر واسمحولي اني معرضهاش تكريما لذكري الشهداء اللي حسيت بعد كده وانا بتفرج علي الصور بتاعتي اني خنتهم لما اتصورت الصور دي واهلهم كانوا بيتحرقوا بدمهم علي العموم احب ادخل في موضوع الاربعاء الدامي العظيم اللي من وجهة نظري اصعب واطول يوم في تاريخ الثورة اليوم بدأ معانا بدري قوي بدأ من بعد خطاب مبارك هذا الخطاب اللئيم الذي كان يلعب علي عواطف هذا الشعب الطيب حيث بدأت إتصالات غير طبيعية تنهال علينا جميعا منذ مساء الثلاثاء المليوني العظيم حيث كان اول يوم مليوني يشهده الميدان والذي ارغم مبارك علي هذا الخطاب كانت الاتصالات تنهال علي كافة المعتصمين وانا منهم تنهال علينا من اهلنا واصحابنا داخل وخارج مصر الجميع يطالبنا بضرورة التوقف عن الاعتصام والعودة لبيوتنا بدعوي الراجل خلاص كلها كام شهر وهيغور مش عايزين فوضي وخصوصا انه مفيش امن يبقي ارجعوا بقي وادوا فرصه علشان الدنيا تمشي اللي خلانا نصبر 30 سنه مش هنصبر 6 شهور وعلشان الدنيا تمشي وكان رد معظمنا ان مبارك كداب وان انصاف الثورات مقابر الثوار وخصوصا اننا كنا في الاعلام المصري لازلنا خونه وعملاء وبلطجيه وغيره من الاتهامات علشان كده اصرينا علي ضرورة البقاء مناوشات مبكرة جدا من بلطجية وامن النظام الساعة الواحدة فجر يوم الاربعاء اشكال اسمحولي اوصفها بالقذرة لا يفوقها قذارة الا اللي بعتها علي ميدان التحرير بدأت التحرش بالشباب عند المتحف ناحية ميدان عبدالمنعم رياض اللي هو كان نقطة المواجهات طول اليوم الاشكال القذرة دي بدأت من الساعة واحده فجرا تقريبا بهتافات مش مؤيدة لمبارك علي الرغم انهم كانوا بيحملوا صوره لكن كان سباب قذر لينا ولبعض الرموز والجماعات سباب قذرجدا الشباب بصراحه اتعامل معاهم بتحضر كامل وقفوا صف علشان ميخلهمش يدخلوا الميدان وبدأنا نطلب من بعض ان محدش يرد عليهم ولا علي استفزازهم لينا وخصوصا ان اعدادهم وقتها كان لا يتعدي 200 واحد فضل الوضع كده لغاية الصبح وانا كان نفسي استحمي ومكنتش قلقان علي الوضع لقلة عدد البلطجية لكن للاسف كتير مننا بعد اليوم المليوني حصلهم حالة استرخاء وروحوا للراحة او الاطمئنان علي الاهل روحت استحميت ورجعت بعد الظهر وانا في المترو كانت الاتصالات تنهال عليا واكيد علي غيري انت فين الحق البلطجية دخلوا الميدان روحت لقيت الوضع فوضي ورعب عارم بين الجميع وخصوصا لقلة اعداد الشباب الموجود بالميدان الكل بيتحدث عن البلطجية والسنج والمطاوي والخيم بتاعتنا متكسره حاولت استوعب الموضوع لكن ملحقتش لقيت البلطجية كتير جدا والشباب بيحاول يصدهم وفجأة جاءت اللحظة الفارقة دخول البلطجية بالاحصنة والجمل وبكرابيج دخلوا الميدان من عند المتحف لكن بفضل الله لم يخرجوا منه اخذناهم اسري وغنائم بما اننا كنا في حالة حرب فعليه هذه اللحظة كانت فارقة في تاريخ الثورة لانها احدثت امرين الاول احساس الشباب بحالة من الغليان وخرجوهم من حالة التحضر المدني الي حالة الاحتقان والغضب الكامل من هذا النظام القذر الثاني كانت وصمة عار ويوم غير مشرف في تاريخ الجيش المصري يوم يجب محوه من تاريخ الجيش المصري العظيم وهقولكم ايه الافعال اللي بتدلل علي الامرين دول هكمل ان شاء الله معاكم احداث هذا اليوم الطويل جدا |
#37
|
||||
|
||||
رد: انا من شباب التحرير
الحمد لله رب العالمين حضرت مظاهرات يوم 25 ويوم 28 ويوم 2فبراير ويوم 5 ويوم التنحى وهم أهم خمسة أيام فى حياتى رغم أنى لم أبيت وكنت أقضى فى الميدان عشرة ساعات يوميا إلا أننى أعتقد أننى لو لم أحضر تلك الآيام بهذه الصورة لزعلت من روحى قوى والحمد لله الذى من على بهذا الخير
|
#38
|
||||
|
||||
رد: انا من شباب التحرير
أنا بعتبر هذا اليوم يوم فارق فى حياه ثوره الشعب المصرى لان خطاب مبارك حول الشعب المصرى 180 درجه لإخماد الثوره وبعد موقعه الجمل الشهيره تحول الشعب المصرى 180 درجه مع الثوره .
فلتحيا موقعه الجمل
__________________
بلدنا فى القلوب متشاله ومهما تضيق عليها الحاله ولادها قدها ورجاله |
#39
|
||||
|
||||
رد: انا من شباب التحرير
السلام عليكم ورحمة الله وبركاته
اكمل معاكم يوم الاربعاء الدامي وكنت قلت ان لحظة دخول البلطجية بالاحصنة والجمل وهم حاملين الكرابيح كانت لحظة فارقة وانها احدثت امرين وهما الاول احساس الشباب بحالة من الغليان وخرجوهم من حالة التحضر المدني الي حالة الاحتقان والغضب الكامل من هذا النظام القذر الثاني كانت وصمة عار ويوم اسود وغير مشرف في تاريخ الجيش المصري يوم يجب محوه من تاريخ الجيش المصري العظيم وهقولكم ليه انا بقول كده بخصوص غليان الشباب كان واضح جدا من تعامل الشباب مع اي اسير كما اطلقنا عليهم يتم اسره وعلي فكره الحمد لله كان عدد كبير يفوق السبعين علي مدار اليوم كان يتم التعامل معهم بقسوة مفرطة جدا لدرجة اخرجت انفعالات لايمكن وصفها لدرجة اني ضربت واحد نزله شاب من علي الحصان ولحظه العسر نزل قدامي انا ضربته بقدمي في وجهه الذي تحول علي الفور للون الاحمر من كثرة الدماء ولم اقم انا فقط بهذا الفعل ولكن كان ضرب الاسري هوالسائد في هذا الوقت ضرب بقسوة لدرجة بدأنا نخشي معها ان يموت احد هؤلاء الاسري من كثرة الضرب وكان معظم الاسري من اجهزة الامن وبعض البلطجية المستأجريين ليخرجوا شوية العيال دول من الميدان علي حد قول بعضهم أما بخصوص موقف الجيش المصري في هذا اليوم وكنت اتمني الا انشرهذه الشهادة عن موقف الجيش المصري كما كنت احاول جاهدا في يوم الاربعاء الدامي ونحن في التحرير الا اتحدث مع الشباب عن هذا الموقف للجيش الا عند الضرورة القصوي ولكني بعد سقوط الشهداء في اواخر يوم الاربعاء الدامي اظن ان دماء هؤلاء الشهداء يتحمل جزء كبير منها قادة الجيش المصري وذلك للاتي قام الجيش المصري طوال يوم الاربعاء الدامي بمواقف غير مشرفة ومخزية لاقصي درجة حيث سمح للبلطجية والاحصنة والجمل بدخول ميدان التحرير وبالسنج والمطاوي والشوم دون ان يحرك ساكنا او يطلب اية تعزيزات او يطلق رصاصة واحداة في الهواء قام الجيش المصري باعتقال الكثير من الشباب الذي كان يحاول صد البلطجية عند المتحف واحتجازهم بأحد الاماكن عند المتحف بينما لم يقم باعتقال اياّ من البلطجية الذين يشنون الهجمات وترك هذا الدور فقام به الشباب الذين اسروا من هؤلاء البلطجية الكثير قام الجيش المصري بإعتقال بعض المراسلين ومنع تصوير الاحداث وكنا نبعد كافة المراسلين المتبقين عن افراد الجيش قام الجيش المصري بالانسحاب من اماكن تواجده بالميدان وخصوصا عند المتحف في مساء يوم الاربعاء الدامي والتمركز داخل المتحف هذه الاشياء كلها رأيتها بأم عيني ولم يخبرني بها احد ولكني سمعت واكرر سمعت فقط عن عمليات ضرب تصل الي حد التعذيب قام بها الجيش لمن قام بإعتقالهم كل هذه الاشياء تجعلني اجزم ان هذا اليوم كان يوم اسود في تاريخ الجيش المصري يجب الاعتذار عنه من قادة الجيش ويجب محوه من تاريخ الجيش المصري العظيم وسأكمل معكم ان شاء الله ماذا حدث بعد دخول الاحصنة والجمل |
#40
|
||||
|
||||
رد: انا من شباب التحرير
بس لما سألت الظابط قالى بالحرف الواحد الزخيرة اللى فى جمبى ديه (وحط ايدة على علبه الزخيرة) مش للمصريين ممكن اكون شايفك انسان كويس ومحترم وشايفه بلطجى او مش محترم بس فى الاخر كلكو مصريين وبالنسبة لانساحب بعض الوحدات من اماكنها برر ده على انه حماية لنفسهم خاصة مع تزايد اعداد البلطجية واستخدامهم المولتوف والرصاص الحى يعنى علشان بردو يحمو نفسهم من التورط فى الموضوع يعنى فى الاخر انا بقى عندى قناعة ان اللى عملة الجيش مكانش خيانة كاملة على الاطلاق بقدر ما كان التزام بالحيادية لدفع اخطار اكبر كان من الممكن ان تحدث فى حال تورط الجيش مع اى طرف لحساب الطرف الاخر اما موضوع تورط الجيش فى ممارسات تعذيب ده انا سمعته نقلاً عن بعض وكالات الاخبار فى حينه لكن مفيش دليل عليه لحد دلوقتى واتمنى انه لو حصل يتحاكم المسئول عن ده سريعاً بس نحافظ كلنا على صورة الجيش عموماً لانه الورقة الاخيرة والرابحة ان شاء الله |
|
|