مين نازل يوم 30|6 ؟؟؟؟؟

[هشام الشيخ]

المشاركة الأصلية كتبت بواسطة goudai لا العيب مش فى الناس وهاضرب لحضرتك مثال صغير فى ازمة البنزين مثلا او الجاز شوف حضرتك محطة وطنية التابعة للجيش منظمين والناس واقفة فى الطابور عارفة ان محدش هياخد مكانها او يعدى دوره ونفس الاشخاص وديهم محطة تانية هتلاقى الهرجلة والمنظر اللى كلنا بنشوفوه الفايدة ان الناس عندها الاستعداد للانتظام للالتزام للعمل عندهم الاستعداد للمستحيل بس اديهم امل او حسسسهم بالامان حتى معاك انما انت حرمتهم الامل ومعدتش فى امان ، ياريت حضرتك متجيبش العيب فى الناس علشان عيب

من كلام حضرتك تعرف ان العيب فى (بعض)الناس لأن فى البنزينه الأولى عارفين ان فى هنا (عصايه)للمخالف وممكن احدهم اللى واقف فى الطابور مؤدب بعد مايمون (يمشى فى طريق مخالف )علشان لم يعد هناك (عصايه):bb127bc6eab060e3e 23أتمنى ان أكون أنا مخطئ وأنت الصح (مع تحياتى الطيبه)

[الكردي2000]

المشاركة الأصلية كتبت بواسطة goudai اسمحلى ارد على حضرتك 1- على سبيل المثال انت راكب عربيتك وانا راكب عربيتى وجيت قولتلى انا همشى وراك علشان معرفش الطريق وبعد شوية واحنا ماشيين لقتنى نزلت الترعة تنزل ورايا ولا تلحق نفسك 2- فعلا درء المفاسد مقدم على جلب المنافع ولذلك اسقاط الاخوان مقدم على منافعهم ان وجدت 3- لا معلش متقوليش ان مرسى هو خير من انجبت مصر وان مفيش زيه وان كان من ناحية مفيش زيه فهو مفيش زيه مفيش حد زيه يعرف يقول 56734 بيروحوا فى حارة مزنوقة ويعملوا حاجة غلط ، لو القرد مات القرداتى يشتغل ، .....لضمان سلامة الخاطفين والمخطوفين، وعد السودان بحلايب وشلاتين ، يعنى باختصار تحس انه حاجة كدة اسبيشيال 4-ده على اساس انك مش متجه حاليا وبخطى ثابته تجاه الافلاس 5- الضامن ربنا 6- متنساش ان مرسى نجح بفضل عاصرى الليمون ولو على حد الاخوان لوحدهم مكانش فاز 7- الصراع الحالى هو صراع بين ناس عايزة تعيش عايزة تشتغل عايزة تحس بالامان عايزة تخلى البلد دى احسن بلد فى الدنيا وبين فئة كل اللى يهمها احكام قبضتها على السلطة 8- يعنى المعارضة هم من اتفقوا مع الفلول على التصالح مثلا عن التهم الموجهة ضدهم مقابل المال 9- حضرتك بتتكلم زى ماتكون الحاجات دى فى ايدينا والناس حاسة بيها لكن من بطرهم على النعمة نازلين يوم 30 عامة انا لا اعتقد ان بلد ربنا ذكرها فى القران ورسوله كرمها هتنهار اللهم احفظ مصر

حضرتك انا لم اقل ان مرسي هو احسن واحد في الدنيا انا قولت في هذه المرحله وكتبت - رغم تحفظي علي ادائه - يعني انا معترض علي سياسته لكن بدون تشنجات تدخل البلد حرب اهليه للصراع علي اسقاطه , وبعدين انا عايز حضرتك تشاور لي علي واحد يصلح للرئاسه موجود علي الساحه وسوف تتوحد عليه جميع القوة السياسيه اسلاميه او ليبراليه او بمعني اوسع يتفق عليه الشعب بنسبه 80 % مثلا ؟؟؟؟!!!!!
ثانيا دراء المفاسد وجلب المنافع معناها ان لو افترضنا ان الاخوان مفاسد رغم اني انا شايف ان هناك تشويه متعمد لهم في وسائل الاعلام لتعمد افشالهم واسقاطهم لو فرضنا انهم مفسده فالمفسده الاكبر هي محاولة ازاحتهم عن طريق الدم والحرب لأنهم بأختصار لن يسكتوا او يقفوا مكتوفي الايدي ازاء ذلك , وهذا ايضا لو افترضنا ان المعارضه جديره بإدارة البلد وافضل من الاخوان , بأختصار لا يجوز ابدا ان ادخل في صراع للأطاحة برئيس منتخب وشرعي عبر اراده شعبيه وتكون نتيجة الصراع هي بحور دم
ثالثا التصالح اللي حضرتك بتتكلم عليه ده تصالح في المال العام مش في الدم وإلا كان عفي عن مبارك وأولاده , وبعدين هو مين اللي حكم في القضايا مش القضاه اللي مرسي بيحاول يطهرهم ويعزل الفسده منهم وجبهة الانقاذ والمعارضه قالت ده قضاء نزيه وشريف وشامخ , مش هما دول اللي افرجوا عن اعوان النظام السابق !!! ونرجع ونحمل مرسي المسئوليه
رابعا المعارضه لو شايفه انها ذات خلفيه شعبيه كانت لجأت للأنتخابات أو حتي طلب الاستفتاء علي استمرار الرئيس في منصبه , وهنا كانت هتظهر الشعبيه الحقيقية لمرسي والمعارضه , لكن للاسف المعارضه عامله زي سواق الميكروباص اللي يطلع من الصف الطويل ويدخل في المعاكس بسرعه ويزاحم اللي في أول الطابور في الشوارع الزحمه
يا راجل ده المعارضه بتطالب بسقوطه وعدم شرعيته يمكن من قبل ما يدخل قصر الرئاسه ... فكيف اثق في المعارضه بعد تعاونها الغير شريف مع فلول النظام السابق للأطاحة بالاراده الشعبيه - وخد بالك انا اتحدث عن شرعيه رئيس وليس شخص الرئيس يعني حتي لو جه رئيس غير مرسي برده هدافع عن شرعيته -
ممكن نعزل مرسي اه بس بالصندوق والانتخابات مش بلي الزراع وبحور الدم .... ده وجهة نظري تحتمل الصواب وتحتمل الخطأ

[الكردي2000]

المشاركة الأصلية كتبت بواسطة عامر سعد انا كدا زعلت هوا المنتدي قلب اخوان ولا ايه نازلين نازلين

هو كل واحد بيدافع عن الرئيس يبقي اخوان , وكل واحد بيدافع عن المعارضه او جبهة الانقاذ يبقي هو بينتمي لها .. اكيد لأ طبعا بس هي وجهات نظر

[gogo_run99]

كانت الثورة بسبب وجود ظلم
وأري أن من حق الحاكم اليوم أن يثور ضد الشعب لأن التمرد يحتاج لرده
وتعالوا نسأل المتمردين سؤال واحد
وماذا بعد التمرد؟

[ahmedenen]

مش نازل نازل المحطه الجايه هواااا اااااايه ده رئيس منتخب مش واحد راكب اتوبيس ياجماعه احنا كده محتاجين رئيس كل 6ساعات كانوا فين دول شلة الفتى ايام الانتخابات