صيانة 1000 كيلو للجاك سندريلا

[aymanlaw]

المشاركة الأصلية كتبت بواسطة د.كمال أخونا الغالى وحبيبنا كلنا الاستاذ أيمن......أيه اللى يوديك أبورواش ياراجل...........وأنت جاى من بورسعيد خش على مدينه الشروق وامسك طريق السويس حتى تصل شارع الثوره وأسأل على شارع الصاعقه هتلاقيه على شمالك بجوار شركه صافى للمياه وعلى ناصيته بنزينه اسمها بنزينه وطنيه..... هتخش فى شارع الصاعقه بعد حوالى 100متر هتلاقى شعار جاك على يافطه كبيره فى منتصف الطريق هتخش من البوابه ( وهو عباره عن معسكر جيش كبير)هتلاقى المركز جوه بمجرد متركن عربيتك هتلاقى مشرف الاستقبال جالك ..........والخدمه هناك كويسه جدااوالفنيين هناك مدربين كويس لانهم بيخدموا على عربيات جيلى من زمان وشفت عربيات تانى بيخدموا عليها ذى انواع هيونداى وانا رحت اخر الاسبوع كان يوم اربع وكان المركز فاضى رحت الساعه 10 خلصت صيانه الساعه 11 وكان عندى مشكله فى كلبسات الرفرف نتيجه خبطه خفيفه وحلوهالى وبتشوف اللى بيحصل فى عربيتك وانت جالس فى الرسبشن وممكن تخش الورش تشوف اى حاجه فى عربيتك او تسأل الفنيين عن اى حاجه انت عايزها وترجع الرسبشن تانى وبعد متخلص الصيانه فنى العفشه بيطلع معاك يجرب العربيه .....وياريت الخدمه تكون كده على طول لان بصراحه المركز ده الاقرب لينا وهيفرق معانا كتير..............وصباح الفل

والله يادكتور : حضرتك اغلى, وأحترم مشاعرك النبيله --- كما اشكرك شكراٌ جزيلا --- ولكن لى استفسار ألاوهو: عندما اأخذ طريق السويس كأنى قادم من السويس...ومتجه الى القاهرة ... تمام ؟؟؟ هذا اذا كان تصورى سليم بعد قد ايه من اتجاهى الى القاهرة اصل الى شارع الثوره انا فاكر ان فيه كمين فى هذا الطريق يعنى بعد مبدأ اخذ طريق السويس بحوالى عشرة دقائق على ماأتذكر فهل هذا الشارع بأجده امامى بسهوله يعنى واضح للعيان ولا أسأل عليه ايضا --- معلش انا متقل عليك شويه اصلى مدخلتش الطريق ده غير مره واحده فقط ومن حوالى سنتين فتجدنى لااتذكر الطريق تماما يعنى انا فاكر اخر طريق الشروق المتجه الى طريق السويس تجد على شمالك بنزينه ثم تتجه يمين الى القاهرة لكن بعد كده وانا متجه للقاهرة مش فاكر ايه الى هقبله من معالم اتذكر بيها الطريق --- عموما انا همسك طرف الخيط الى ان اصل بأذن الله --- للمره المليون الف الف شكر وأرجوا الا أكون مثقل عليك ---أخيك /ايمن عبدالمنعم محمد--- وقبل ما انسى أخبار العربيه ايه معاك ---اداء الموتور -- حالة العفشه --- احساسك العام ايه -- هل هناك فرق بين ماكان معك من سياره وبين الجاك وماذا وجدت فى الجاك من ما يميزها عن اى سياره اخرى قدتها طبعا بعيدا عن الأوبشن الموجود فى العربيه انا قصدى فى الثبات فى التسارع فى العزل وصوت الموتور صوت قفلة الباب يعنى فى شوية حاجات بنحس بيها وبنتمنى لما نجيب عربيه جديده نتمنى ان منشفهاش او بنتمنى انها تكون موجوده فى العربيه الجديده ---كفايه بقى انا كده بقيت مش مثقل عليك لالالالالالالا انا بقيت مرخم كان ---اشكرك على سعت صدرك لك منى خالص تحياتى والى الأخوه الجيكاويه الف سلام وتحيه -- والى لقاء فى أخبار سعيده لنا جميعا

[aymanlaw]

المشاركة الأصلية كتبت بواسطة odaoda انا عملت ال5 الاف فابو رواش خدمة جيدة وبيجربو العربية قبل الدخول والملاحظات كلها وبعد الخروج طلعو معايا يجربوها وخدمة كويسة جدا وعجبوني بس اتأخرت خدت 3 ساعات تقريبا

الأستاذ العزيز --اودا اودا :أولا وحشنى ولعلك بخير بأذن الله --
ثانيا:الف مبروك على صيانة الخمسه وخميسه فى عيون الأعداء وعقبال المليون كيلو ومعاهم مليون شمعه منوره طريقك (شمعه ايه؟؟؟ لالالانقول مليون عمود نور يعنى العمود يكون فيه بلفعل المصابيح وتكون المصابيح شغاله وتكون الكهرباء وصله والطريق بلفعل مضىءءءءءءءءءءءءءءءءءءءءءء ءءءءءءءءءءءءءءءءءءءءءءءءء ءءءءءءءء الى الأبد ---الف مبروك ياباشا---أخيك ايمن

[tiger341306]

الاخ العزيز /odaoda
ياريت توصف لى وللزملاء مكان ابو رواش للصيانة

[د.كمال]

الاخ الفاضلodaoda الف مبروك على صيانه ال5000 الاف والحمد لله ان مركز ابو رواش كان عند حسن ظنك ويارب منشوف يوم وحش مع هذه السياره الجميله فعلا

[د.كمال]

الاخ الفاضل وأستاذنا كلنا الاستاذ ايمن .......اذاى تقول انك مثقل عليا دا معرفه الرجال كنوز والكلام معهم بركه........هو الطريق ذى مانت وصفت بالضبط وحاول تسأل وانت ماشى وميت واحد هيدلك......وبالنسبه للعربيه معايا الحمد لله ذى الفل ومفيش اى مشاكل خالص 4200 ك وكان معايا قبلها رينو اوبتيما مو 99 وكنت شاريها زيرو والصراحه متعبتنيش خالص غير فى الاواخر وكان مشكلتها فى قطع غيارها مش موجوده غير عندك فى بورسعيد فى مساكن بنك الاسكان(حتى توكيل رينو اللى بيقولوا عليه محترم مكنش فيه حتى كبالن العربيه ولما سألتهم طب اذاى بتبيعولى العربيه ومالقيش لها قطع غيار عندكم قالولى هتها استيراد او من بورسعيد ومادام موديلها انتهى مش مسؤلين عنها .....تصور هذا التوكيل اللى بيضربوا بيه المثل).......وطبا فرق السما ولارض بينها وبين الجاك ....عفشه الرينو لو فضلت معايا سنه كمان كان هيجيلى الغضروف والجاك ثبات احسن بكتير على السرعات العاليه وفى الملفات والماتور اقوى بالذات فى المطالع على السرعات العاليه متحسش ان العربي بتضعف معاك والماتورصوته هادى جدا وساعات بنسى انى مدورها........من اسبوع واحد صاحبى معاه لانسر2007 جاب عربيته جنب عربيتى وفتحنا كبود العربيتين عشان نقارنهم وجدنا ان كل حاجه موجوده فى الانسر هى نفسها اللى موجوده فى الجاك حتى بنفس الترتيب حتى الخراطيم نفس المقاس حتى السيور قواعد الماتورو الفتيس مالئناش فرق خالص حتى الabs مش موجود فى الانسر وكان مكانه فاضى .......فمش عارف هل ممكن مستقبلا تغيير اى شىء ب الانسر وهل عفشه الجاك ذى الانسر دا اللى عايز أسأل عليه فى التوكيل المره الجايه................معل ش طولت عليك كتييييييييييييييييييييييي ييييييييروتصبح على خير